💸 Как сделать бизнес проще, а карман толще?

Тот, кто работает в сфере услуг, знает — без ведения записи клиентов никуда. Мало того, что нужно видеть свое раписание, но и напоминать клиентам о визитах тоже. Проблема в том, что средняя цена по рынку за такой сервис — 800 руб/мес или почти 15 000 руб за год. И это минимальный функционал. Нашли самый бюджетный и оптимальный вариант: сервис VisitTime.
⚡️ Для новых пользователей первый месяц бесплатно. А далее 290 руб/мес, это в 3 раза дешевле аналогов. За эту цену доступен весь функционал: напоминание о визитах, чаевые, предоплаты, общение с клиентами, переносы записей и так далее.
✅ Уйма гибких настроек, которые помогут вам зарабатывать больше и забыть про чувство «что-то мне нужно было сделать».
Сомневаетесь? нажмите на текст, запустите чат-бота и убедитесь во всем сами!

Межнуназ Лейлидин чар

Межнуна чар кIелна вичиз ракъурай:

«Сад Аллагьади чаз мергьамет авурай!

Чарчин сифте кьиле тIвар Зулжалалдин –

Ам далда я гуьгьуьлдинни камалдин.

Ам арифрин ариф я. Мез авачир

Гьар куьнин чIал анжах гьадаз хьанва чир.

ЭрчIи гъилив эквни мичI кьвед кьве пайна,

Ада вири тухарна, гьал къулайна.

Цавар йифен лампайралди чIагурна,

Чилин накьвар инсанралди кадгъурна.

Руьгь кутуна, гана ацIай уьмуьрни,

Даимлух гьисс ийиз хьунин гьуьндуьрни,

Аманатна инсанрал лап багьа тир

Са хазина – тIварни вичин дуьнья тир.

Руьгьни ада акьулдин цIув ифирна,

Кьве дуьньядин сивелни ам куькIуьрна».

Жавагьир хьиз, ахъа жезвай Лейлидин

Гьар са фикир, кваз таъсирдик ашкъидин:

«Назик я зи чарчин гафар, атIлас хьиз,

Теселли хьуй абур талукь тир касдиз.

ЛукI хьанвайдан патай я и рисалат

ЧIехи руьгьдив чукIурайдаз къазамат.

ГьикI ава вун, чуьлдин саил, чилерал,

Ирид цавун дертлу векил чилерал?

Вафалу дуст, гьакъикъатдин даях тир,

Муьгьуьббатдиз ишигъ гузвай са рагъ тир.

Эй, ивидай чуьхвей инсан рагар тик,

Жавагьир яз, са касдизни такварди,

Эй чепелукь, шеминив гвай цIразвай,

Эй Хидиран булах, йифе ргазвай,

Эй дуьньяда велвела тур авара,

Миргиникай юлдаш кьурди къумара,

Тегьнедик кваз, шехьзавайди рикI падиз,

Къияматдин къавай жеда чун садиз.

Эй чан-жасад кьурурайди сузадив,

Уьмуьрдин къуьл регъвей инсан къазади,

На зун патал рикI кана, руьхъ авуна,

Кьуд патай ви анжах синих авуна.

Пак вафадин сагьиб яз вун чида заз,

Рекьидалди са ви вафа хуьда за.

Зи уьмуьр, зи играмиди, руьгьдин экв,

Зун види я. Вуж гала вахъ? Яни тек?

Бахт къакъатна, умуд ханвай кас я зун,

ГьакI ятIани, ви паб я, ви свас я зун.

Зун дапIарда туна хуьзва гъуьлуь зи,

Заз ам чидач, кьабулдач ам рикIи зи.

Алмасдивай къачуз хьанач жавагьир,

Сагъ яз ама жавагьир ваз багьа тир.

Хазинани дапIар алаз хуьз ава,

Цуькни сагъ я, багъдизни сад физ авач.

Зи гъуьлуьз мал-девлет ава, зурба я,

Ви патав ам суй авачир кьантIа я.

Туьнт силихрал дамах авур серкеди

Цуьквер гъанач, гъирвал лейли-цуькведи.

Дигмиш хьайи хъипи афни-лутудиз

Вич элкъвей хьиз хьанай турши лумудиз.

Хъипи, цуру ятIани а афни вич,

Жедач адахъ лумудин дад ва ни гьич.

Мураднай за дуьньяда, рикI цIукI ийиз,

Са вахъ галаз чаз кьведаз са муг ийиз.

Агь, чидач ваз батIул ятIа зун гьикьван:

Нефес къачуз, алама зал вучиз чан?

Кутур касдиз вун гъамуник, бизардик

КIеви жаза гурай кьисмет-кьадарди.

Гатфарихъди фарашдиз цуьк ахъаяй

Дуьньядилай заз ви са чIар багьа я.

Вун, Хидир хьиз, пак я, регьим ая заз.

Хидира хьиз, зи руьгь жанлу хъия заз.

Зун кьунвай варз я, вун рагъ я цавара,

Дад, гъил къахчу! – минет я зи яргъарай.

Гъил къахчу, яр, ви патав къвез тежезвай

КIанидалай, къалп гунагьди рикI незвай!

Ви дах кьена лагьай чIулав хабардик

Къазунна за пекер, кьуна къагьарди.

Эхиримжи сефердиз ам хъфена,

Зун чIар чухваз, зун хур гатаз ишена.

За вилериз цацар сухна хци тир,

За алукIай ясдин партал вили тир.

За, руша хьиз, кьунвайвал эл-адетдив,

Адал накъвар авадарна хифетдин.

Ажузвилин кьил завай гьич нез хьанач –

Гьавиляй, яр, ви патавни къвез хьанач.

Ина фана уьмуьр тухуз ава зун,

Амма рикIяй датIана вахъ гала зун.

Зи яр, заз вал аламайди чида чан,

Сабурлу хьухь, зани сабур хуьда, чан.

И дуьньядин кIвале чун я мугьманар.

Жуван тIал-квал мийир акьван заланар.

Эй, зи шезвай факъир, вилер акьала,

Душманри хъвер тавурай ви накъварал.

Камаллу хьухь, вердиш хьухь гъам алудиз,

Душманрив жув тамир виляй авудиз.

Гатфариз къуьл цайи ламу накьвадай

Ник экъечIна, залан кьилер юзадай.

Къведач рикIел хурма-тарцин акунар,

Бул хурмайрив ацIай чIавуз куткунар.

Цацар ала къизилгуьлдин хилерал,

Вахт атайла, ацIуда ам цуькверай.

Сефил жемир, патав дустар гвач лугьуз,

Ви рикIин дуст зун я, за вун тач ялгъуз.

Тек я лугьуз арза мийир, гунагь я,

Явабурун, текбурун дуст Аллагь я.

Булутди хьиз, жув накъвара твазва на,

ЦIайлапанди хьиз, жуван руьгь хазва на.

Дах амач – рехъ хци давам ийида,

КьурайтIани мяден, са лал жагъида».

Межнуна чар кIелна, яру хьана ам,

ЦIийиз ахъа жезвай бубу хьана ам.

«Я Аллагь! Я Ребби!» – лугьуз рахана,

Хвешивиляй авай вичел тахтана.

ЦIийи къуват авай чешме ргана –

Назик чарчи адаз уьмуьр хгана.

Чар гъайиди къужахда кьаз чуькьвена,

Кьве гъилизни гана адан теменар.

Ахпа къах яз: «ГьикI за жаваб кхьида?

Чарни къелем авач. Гьинай жагъида?»

Садлагьана, тади чарар кхьидай

Инсанди хьиз, мугьманди фад кьватидай

Акъудна хьиз къелем, кагъаз, мерекут,

Гана адаз, чина аваз берекат.

Къелемдикай са-сад цIарар авахьна,

Назик нехиш хьана чарчер авахьна.

Гафар хтар хьиз тир, вегьей епинал,

Дерт кхьена ада вичи туькьуьнай.

Ада кхьей чар кьватидиз вегьена,

Атай мугьман гьа атайвал хъфена.

Ам къумлухдай гар хьиз фена, алатна,

Фад Лейлидив чар вахгуда ниятна.

Чар хтуни Лейли ийир-тийирна,

Ада кагъаз накъваривди кьежирна.