💸 Как сделать бизнес проще, а карман толще?

Тот, кто работает в сфере услуг, знает — без ведения записи клиентов никуда. Мало того, что нужно видеть свое раписание, но и напоминать клиентам о визитах тоже. Проблема в том, что средняя цена по рынку за такой сервис — 800 руб/мес или почти 15 000 руб за год. И это минимальный функционал. Нашли самый бюджетный и оптимальный вариант: сервис VisitTime.
⚡️ Для новых пользователей первый месяц бесплатно. А далее 290 руб/мес, это в 3 раза дешевле аналогов. За эту цену доступен весь функционал: напоминание о визитах, чаевые, предоплаты, общение с клиентами, переносы записей и так далее.
✅ Уйма гибких настроек, которые помогут вам зарабатывать больше и забыть про чувство «что-то мне нужно было сделать».
Сомневаетесь? нажмите на текст, запустите чат-бота и убедитесь во всем сами!

Ярагъ Мегьамед

(1761–1838)

СТХАДИЗ

КIела, стха, гьар макъамда абурлу жервал,

Синагърани азабра вун сабурлу жервал.

Гьикьван вуна къазанмишиз хьайитIа чирвал,

Гьакьван сабур багъишда ваз гьакъикъат тирвал.

Шадвилер ваз чирвилери гуда хьи гьикьван –

Сад Аллагьдин камалдикай пай гуда кьакьан!

Вун мураддихъ рекье твада фикирри таптагъ,

Хьелдин гел хьиз дуьзди жеда ви рехъ, гуьгьуьл – сагъ.

Шаклувилер чирвилерив ая на магълуб,

Тамамвилин, дуьзгуьнвилин xaз тахьуй кIалуб.

Алимривай жузуз жуваз шак алай сирер,

Пайгъамбардин гьадисаяр чира на иер.

Сабурлу хьухь, рикIевай кар тефейла кьилиз,

Зун къулавай къакъатайла, за эхайди хьиз.

Са агъзурни кьве вишни яхцIурни вад лагьай[27]

Йисуз заз дерт акурди я. Аллагьди цавай

Шафакъатдин марф къурна чал, алудна чи пар,

Хъвана чна хуш мижейрив ацIанвай къапар.

Я сад Аллагь, гъил къачу на и факъир залай –

Югъди-йифди ваз дуьаяр ийизвайдалай.

ТIварун стха[28], хьухь арха заз Мягьшердин юкъуз,

Ви гьуьрметрин вилик зи кьил тежервал агъуз.

АХЦЕГЬ МИРЗЕ-АЛИДИЗ

Дерин гьуьлуьз ухшар авай алимдин чIалар

Агакьна зав – нурарикай хранвай цIарар.

ЧIехи алим я и цIарар кхьейди цIалцIам,

Хуш атиррин юкьва авай Ахцегьай я ам.

И устаддин зурбавилиз гьич авач кьадар,

Пехилдайди, гьейрандайди язва гьар са цIар.

Гьар гьарфуна куьтягь тежер жем хьанва камал,

КIелзавайдаз къалуз чпяй ракъинин жамал.

Даим рикIе Аллагь авай кас я ам къени.

Ребби, адаз гьуьрмет ая ви рикIиз кIани.

Адан фикир кваз такьадай хьайитIа са кас,

За кьада ам кIур гудайдай вичи незвай фаз.