Вахт я им

💸 Как сделать бизнес проще, а карман толще?

Тот, кто работает в сфере услуг, знает — без ведения записи клиентов никуда. Мало того, что нужно видеть свое раписание, но и напоминать клиентам о визитах тоже. Проблема в том, что средняя цена по рынку за такой сервис — 800 руб/мес или почти 15 000 руб за год. И это минимальный функционал. Нашли самый бюджетный и оптимальный вариант: сервис VisitTime.
⚡️ Для новых пользователей первый месяц бесплатно. А далее 290 руб/мес, это в 3 раза дешевле аналогов. За эту цену доступен весь функционал: напоминание о визитах, чаевые, предоплаты, общение с клиентами, переносы записей и так далее.
✅ Уйма гибких настроек, которые помогут вам зарабатывать больше и забыть про чувство «что-то мне нужно было сделать».
Сомневаетесь? нажмите на текст, запустите чат-бота и убедитесь во всем сами!

Вахт я им

Къизилгуьлрин шагь, ша экъечI, ви цуькверин вахт я им,

Гуьлуьстанда сейрдай вахт я, чиг гьиссерин вахт я им,

Михекрннни беневшайрин хуш ниэрин вахт я им,

Ашукь хьанвай гьам билбилрин, гьам лиферин вахт я им,

Виридалай иер, гуьрчег, пак шейэрин вахт я им,

Гьар жуьредин кIунчIар кьадай мерд гъилерин вахт я им,

Регьим кIани ашукьбурун дар йиферин вахт я им,

Вуна къе зал хкана чан – ви вилерин вахт я им,

Шад къушарин нагъмайринни гур сесерин вахт я им...

^{…………………………………………………………………………………………………}

^{…………………………………………………………………………………………………[37]}

Эй малаик, зун ви рекье дили хьанвай билбил я,

Хажалатдик цIугъ ийир кьван михьиз канвай билбил я,

Тай авачир ви киферин атир хъванвай билбил я,

Дерт чIехи яз, ви винизвал рикIел гъанвай билбил я,

Жуван пашман манийрикай рикI таханвай – билбил я,

Жуван михьи ашкъи вири са ваз ганвай билбил я,

Таярилай вине авай, сес кадгъанвай билбил я...

Ви ашкъидиз чIал атIузвай ва атIанвай билбил я...

Квахьнавай зи къастни акьул – ийир-тийир хьанва зун,

Ви къаматди чIурна зи тIул – ийир-тийир хьанва зун,

На кваз кьунач факъир юхсул – ийир-тийир хьанва зун...

Ви тай жагъич Халикьди халкь авурбурун арадай,

Къалура чин, алемдин нур, чилин женнет авадан.

Ви кьве ал пIуз, седеф сарар вилив такьуй чарада,

Ваз икрамиз, рагъни, варзни гъетер цава зурзада.

И гуьзелвал чуьнуьх авун гунагь я, ваз аквада.

Зи ашкъидин гьасрет я вун и дуьньядин гьавада,

Чилин вири къизилгуьлер вун акваз кIанз кьурада,

Эй ашкъидин базардин бар, шадвилерин вахт я им.

Гуьзелвилин вилик а ви – вацран ишигъ туьхуьда.

Ирид цавун юкьвай заз вун лап кьакьан цав яз чида,

Ви буй-бухах гекъиг жедай затI бажагьат жагъида,

Туьк хьиз, кьезил ви гуьрчегвал акурдан рикI ифида,

Вав кьадай са гаф тачагъиз, рахайдан мез галкIида,

Гьич са ширин шейни авач, вун хьиз, вун кьван верцIидай,

Зун лайихлу ятIа чидач – ви шуьрбет хупI ийидай...

Гуьлуьстандин вири цуьквер, вун акурла, алгъида,

Чна кьведа санал чIугвар гур кеферин вахт я им[38].

И Лейлидиз ялвар ийиз, закай Межнун хьанва хьи,

Генг къумлухра квахьна акьул, кефсузни зун хьанва хьи,

Завай жуван йисар жаван чуьнуьхна кьун хьанва хьи,

Эй ханум, зи карни кеспи вахъ дерт чIугун хьанва хьи,

Ви вилерин суьгьуьрдик зун михьиз юргъун хьанва хьи,

Куьтягь тежер шелдик, хвалдик зи рикI бархун хьанва хьи,

Ви ужагъра захъ пай атIай есирдин дун хьанва хьи,

Хажалатдик зи сагъламвал михьиз чапхун, хьанва хьи,

Зун гъамарин хазинада яргъалди тун хьанва хьи,

Зун кьатIунриз табийзамач – зун ем ви цIун хьанва хьи,

Заз кIанда вун – пай къачудай зи дердерин вахт я им.

Зун икI пиян ийизвайдан вуч я мурад? – Чидач заз.

Зи кIвачерал гьалдна зунжур – куьз я инад чидач заз,

Гьиндистандин хал заз кьисмет жедатIа, мад чидач заз,

Экв, чимивал хъийидатIа зи чанда гьат, чидач заз...

Вуж я завай къакъудайди ви муьгьуббат, чидач заз,

Эй михек, заз зи тахсирдин лагь гьакъикъат – чидач заз,

Эхир нефес хьанва къе зи, бед бендерин вахт я им.

Вахъ галаз зун икьрар хьанай, гафни чIал сад авунай,

Чепелукь ви цIал алай – за адавай тарс къачунай.

Масадаз зи сир лугьумир за и дердер чIугунай.

Квахьна зи къаст, зи ягь, абур, гар хьиз фейи дугунай...

Я Ребби, зун са вуна хуьх, ядайла ви сафунай…[39]