Caput VI. De proprietate sonorum et quotis locis ab invicem distent eiusdem qualitatis soni

¹ Igitur quem in his studere delectat, det operam, quatinus propriam cuiusque soni vim calleat dinoscere, ²dehinc in miscendis sonis quotumcumque ptongum sive in gravem sive in acutam partem celeriter capere, ³ut, et virtute et karactere quotus quisque sit sonus a sono, liquido contempletur. ⁴Omnis sonus musicus habet in utramque sui partem quinto loco suaemet qualitatis sonum, ⁵tertio loco in utrumque latus sonum eundem, ⁶ et quem in in hoc aut illo latere secundum habet, in altero habet quartum. ⁷ Dandum quoque aliquid eis est, qui tninus adhuc in his exercitati sunt, ⁸ quo vel in noto quolibet melo sonorum proprias discant discernere qualitates vel ignotum melum ex nota eorum qualitate et ordine per signa investigare.⁹ Non parum enim ad investigationem hanc proficit, dum singulorum ipsorum per vicinos sonos Greca suo ordine modulantur vocabula hoc modo:

10 tritos	deuteros	archoos	tetrardos
archoos	tetrardos

Edidit Hans Schmid, p.10-11