Olim lacus colueram

¹⁶⁵ Olim lacus colueram

¹⁶⁶ olim pulcher extiteram

¹⁶⁷ dum cignus ego fueram.

¹⁶⁸ Girat, regirat garcifer,

¹⁶⁹ me rogus urit fortiter:

¹⁷⁰ propinat me nunc dapifer.

¹⁷¹ Nunc in scutella iaceo,

¹⁷² et volitare nequeo,

¹⁷³ dentes frendentes video.

¹⁷⁴ Miser, miser! modo niger

¹⁷⁵ et ustus fortiter!

Ego sum abbas

¹⁷⁶ Ego! Ego sum abbas Cucaniensis et consilium meum est cum bibulis et in secta Decii voluntas mea est, et qui mane quisierit in taberna, post vesperam nudus egredietur, et sic denudatus veste clamabit: < Wafna! > quid fecisti sors turpissima! Nostrae vitae qaudia abstulisti omnia!

In tabema quando sumus

¹⁷⁷ In taberna quando sumus,

¹⁷⁸ non curamus quid sit humus,

¹⁷⁹ sed ad ludum properamus,

¹⁸⁰ cui semper insudamus.

¹⁸¹ Quid agatur in taberna,

¹⁸² ubi nummus est pincerna,

¹⁸³ hoc est opus ut queratur,

¹⁸⁴ sic quid loquar, audiatur.

¹⁸⁵ Quidam ludunt, quidam bibunt,

¹⁸⁶ quidam indiscrete vivunt.

¹⁸⁷ Sed in ludo qui morantur,

¹⁸⁸ ex his quidam denudantur,

¹⁸⁹ quidam ibi vestiuntur,

¹⁹⁰ quidam saccis induuntur.

¹⁹¹ Ibi nullus timet mortem,

¹⁹² sed pro Bacho mittunt sortem.

¹⁹³ Primo pro nummata vini,

¹⁹⁴ ex hac bibunt libertini;

¹⁹⁵ semel bibunt pro captivis,

¹⁹⁶ post haec bibunt ter pro vivis,

¹⁹⁷ quater pro Christianis cunctis,

¹⁹⁸ quinquies pro fidelibus defunctis,

¹⁹⁹ sexies pro soriribus vanis,

²⁰⁰ septies pro militibus silvanis,

²⁰¹ Octies pro fratribus perversis,

²⁰² nonies pro monachis dispersis,

²⁰³ decies pro navigantibus,

²⁰⁴ undecies pro discordantibus,

²⁰⁵ duodecies pro penitentibus,

²⁰⁶ tredecies pro iter agentibus.

²⁰⁷ Tam pro papa quam pro rege

²⁰⁸ bibunt omnes sine lege.

²⁰⁹ Bibit hera, bibit herus,

²¹⁰ bibit miles, bibit clerus,

²¹¹ bibit ille, bibit illa,

²¹² bibit servus cum ancilla,

²¹³ bibit velox, bibit piger,

²¹⁴ bibit albus, bibit niger,

²¹⁵ bibit constans, bibit vagus,

²¹⁶ bibit rudis, bibit magus.

²¹⁷ Bibit pauper et egrotus,

²¹⁸ bibit exul et ignotus,

²¹⁹ bibit puer, bibit canus,

²²⁰ bibit presul et decanus,

²²¹ bibit soror, bibit frater,

²²² bibit anus, bibit mater,

²²³ bibitiste, bibitille,

²²⁴ bibunt centum, bibunt mille.

²²⁵ Parum sexcente nummate

²²⁶ durant, cum immoderate

²²⁷ bibunt omnes sine meta,

²²⁸ quamvis bibant mente leta;

²²⁹ sic nos rodunt omnes gentes,

²³⁰ et sic erimus egentes.

²³¹ Qui nos rodunt confundantur

²³² et cum iustis non scribantur.

²³³ Io!

III. COUR D'AMOURS

Amor volat undique

²³⁴ Amor volat undique;

²³⁵ captus est libidine.

²³⁶ Juvenes, iuvencule

²³⁷ coniuguntur merito.

²³⁸ Si qua sine socio,

²³⁹ caret omni gaudio;

²⁴⁰ tenet noctis infima sub intimo

²⁴¹ cordis in custodia:

²⁴² fit res amarissima.