Газ тасымалдаудың орташа параметрлері

Газ құбырының ұзындығы бойынша қысымның таралуын көрсететін өрнек төмендегі түрінде болады:

, (2.11)

мұндағы: Х,Р_к – газ құбырының бастапқы нүктесінен кез-келген қимасына дейінгі қашықтық және осы қимадағы қысым;

Р_Б,Р_С – газ құбырының басындағы және соңындағы газ қысымы;

L – газ құбырының ұзындығы.

(11) өрнек параболаның теңдеуі болып табылады (6-сурет). Газ құбырының бастапқы нүктесінен қашықтаған сайын газ қысымының төмендеу қарқыны артады. Мұның себебі, газдың қысымы төмендеген сайын оның тығыздығы кемиді. Үздіксіздік теңдеуіне сәйкес, газ қысымы кемігенде оның қозғалыс жылдамдығы артады, яғни үйкеліске кеткен жоғалулар артады, демек гидравликалық ылди да артады. Сонымен, үйкеліске жоғалған газ қысымы газ жылдамдығының квадратына пропорционал.

Қысымдаушы бекеттердің арасындағы қашықтық артқан сайын қысымның меншікті жоғалуы артады, яғни газды тасымалдауға жұмсалған энергия шығыны да артады. Сондықтан, газ құбырындағы пайдалану шығындарының негізгі баптарының бірі болып табылатын газ тасымалдауға жұмсалатын меншікті энергия шығындарын азайту үшін қысымдаушы бекеттерге кірер жерде жоғары қысыммен жұмыс жасаған тиімді болмақ. Мұнда қысымдаушы бекеттердің саны артуына қарамастан энергия шығынын үнемдеу елеулі дәрежеде болады.

Газ құбырының орташа қысымды анықтаймыз, 7-сурет:

, (2.12)