Студопедия

Главная страница Случайная страница

Разделы сайта

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






Александр Блок






УРУСАТ

Мадни, къизил йисара хьиз,

Пуд балкIанди ийизва звер,

Нехиш алай чархари, физ,

Гъуьргъуъ рекье тазва гелер...

Саил хьанвай Урусат зи,

Зи рехи тир къазмаяр заз,

Ви манияр гарун кьезил –

Накъвар я зи ашкъидин саз!

Чидач заз вахъ кудайвал рикI,

За хаш жуван хуьзва михьиз...

Къачагъвилин мешреб назик

Це на жуван кIантIани низ!

Къуй табрай ваз, алцуррай вун, –

Рекьидач вун, жедач вун къат,

Себеб яз ви къайгъу чIугун

Рагъул жеда ви хуш къамат...

Вучда кьван мад? Куда вахъ рикI –

Са накъвади дегишда вацI,

Вун – гьа там я, чуьл я гъерикI,

Яйлухни я нехишдавай...

Ийиз жеда крар тежер,

Регьят жеда рехъни ялгъуз,

Рекьин яргъай нурлу вилер

Са легьзеда хъуьрей чIавуз,

ГьакI ямщикдин манид ванер

Къведай чIавуз бишиз, гъамлуз!..


* * *

Кьегьалвилер, машгьурвални гьунарар

Гъамлу чилел алатдай зи рикIелай,

Дамах гвачир ви суьретди, гуз нурар,

Килигдайла заз столдин винелай.

Вахт алукьна, ва вун кIваляй хъфена,

Гадарна за йифез багьа закIал зи.

Ви кьисметни масад патал куькIвена,

Гуьзел тир чин аламукьнач рикIел зи.

Терс гапIал яз, йикъари зи лув гана...

Къизмишвили, чехирди зал хирерна...

Вун некягьай югъ зи рикIел хтана,

Жегьилвилиз хьиз зи, за ваз эверна...

Эверна за, амма вахъ ван галукьнач,

Ишена зун, регьимнач на, элкъвенач.

Вун, пашмандиз вили плащ алукIна,

Ламу йифиз текдиз кIваляй хъфена.

Чидач заз, ви такабурвал, кIаниди,

Зи назикди, авунатIа гьиниз на...

Ахварайни аквазва заз вили тир

Плащ, алаз хъфей ламу йифиз на...

Зерифвални герек амач, гьуьрметни,

Фена вири, жегьилвални цIигел тир!

За ви суьрет дамах гвачир, адетдин,

Столдилай къахчуна зи гъилелди.

Урус чIалай.







© 2023 :: MyLektsii.ru :: Мои Лекции
Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав.
Копирование текстов разрешено только с указанием индексируемой ссылки на источник.