Текст 48 - Bone pastor (гильом де Машо)

Tenor

¹ Bone pastor...

Triplum

¹ Bone pastor Guillerme,

² Pectus quidem inerme,

³ Non est tibi datum;

⁴ Favente sed Minerva

⁵ Virtutum est caterva

⁶ Fortiter armatum.

⁷ Portas urbis et postes

⁸ Tue munis, ne hoste(s)

⁹ Urbem populentur

¹⁰ Mundus, demon et caro,

¹¹ Morsu quorum amaro

¹² Plurimi mordentur.

¹³ Mitra, que caput cingit,

¹⁴ Bino cornu depingit

¹⁵ Duo testamenta,

¹⁶ Que mitrifer habere

¹⁷ Debet tanquam cincere

¹⁸ Mentis ornamenta.

¹⁹ Et quoniam imbitus

²⁰ Et totus involutus

²¹ Es imprelibatis,

²² Ferre mitram est digna

²³ Tua cervix, ut signa

²⁴ Sint equa signatis.

²⁵ Curam gerens populi,

²⁶ Vis ut queant singuli

²⁷ Vagos proficere,

²⁸ Prima parte baculi

²⁹ Attrahere;

³⁰ Parte quidem alia,

³¹ Que est intermedia,

³² Morbidos regere;

³³ Lentos parte tercia

³⁴ Scis pungere.

³⁵ Oves predicamine

³⁶ Et cum conversamine

³⁷ Pascis laudabili,

³⁸ Demum erogamine

³⁹ Sensibili.

⁴⁰ Det post hoc exilium

⁴¹ Huic rex actor omnium,

⁴² Qui parcit humili,

⁴⁴ Stabile dominum

⁴⁵ Pro labili.

Motetus

¹ Bone pastor, qui pastores

²Ceteros vincis per mores

³ Et per genus

⁴ Et per fructum studiorum

⁵ Tolentem mentes ymorum

⁶ Celo tenus,

⁷ O Guillerme, te decenter

⁸ Ornatura rex, qui potenter

⁹ Cuncta regit,

¹⁰ Sue domus ad decorem

¹¹ Remensium in pastorem

¹² Preelegit.

¹³ Elegit te, vas honestum,

¹⁴ Vas insigne,

¹⁵ De quo nichil sit egestum

¹⁶ Nisi digne.

¹⁷ Dedit te vas speciale

¹⁸ Sibi regi;

¹⁹ Dedit te vas generale

²⁰ Suo gregi.

Текст 49* - CANTICUM CANTICORUM (по Дж. П. Палестрине)

1. Osculetur me

^I Osculetur me osculo oris sui, quia meliora sunt ubera tua vino, fragrantia unguentis optimis.

² Oleum effusum nomen tuum, ideo adulescentulae dilexerunt te.

Ct 1: 1-2 2. Trahe me

³ Trahe me: post te curremus in odorem unguentorum tuorum. ⁴Introduxit me rex in cellaria sua; exultabimus et laetabimur in te memores uberum tuorum super vinum. ⁵ Recti diligunt te.

Ct 1: 3

3. Nigra sum, sedformosa

⁶ Nigra sum, sed formosa filiae Jerusalem, sicut tabernacula Cedar, sicut pelles Salomonis. ⁷Nolite me considerare quod fusca sim, quia decoloravit me sol.⁸ Filii matris meae pugnaverunt contra me, posuerunt me custodem in vineis.

Ct 1: 4-5

4. Vineam meam non custodivi

⁹Vineam meam non custodivi. ¹⁰ Indica mihi quem diligit anima mea, ubi pascas, ubi cubes in meridie, ne vagari incipiam post greges sodalium tuorum.

Ct 1: 5-6 5. Si ignoras te

^II Si ignoras te, o pulchra inter mulieres, egredere et abi post vestigia gregum tuorum et pasce haedos tuos iuxta tabernacula pastorum. ¹² Equitatui meo in curribus Pharaonis adsimilavi te, amica mea.

Ct 1: 7-8

6. Pulhrae sunt genae tuae

¹³ Pulchrae sunt genae tuae sicut turturis, collum tuum sicut monilia. ¹⁴ Murenulas aureas faciemus tibi vermiculatas argento. ¹⁵ Dum esset rex in accubitu suo, nardus mea dedit odorem suavitatis.

Ct 1: 9-11

7. Fasciculus myrrhae

¹⁶ Fasciculus myrrhae dilectus meus mihi, inter ubera mea commorabitur. ¹⁷Botrus cypri dilectus meus mihi, in vineis Engaddi. ¹⁸ Ecce tu pulchra es, amica mea, ecce tu pulchra, oculi tui columbarum.

Ct 1: 12-14

* Текст и номера предложений — по Вульгате.

8. Ecce tu pulcher es

¹⁹ Ecce tu pulcher es, dilecte mi et decorus.²⁰ Lectulus noster floridus, tigna domorum nostrarum cedrina, laquearia nostra cypressina. ²¹ Ego flos campi et lilium convallium.

Ct 1: 15; 2: 1

9. Tota pulchra es

²²Tota pulchra es, amica mea, et macula non est in te. ²³Veni de Libano, sponsa mea, veni de Libano, veni, coronaberis; ²⁴de capite Amana, de vertice Sanir et Hermon, de cubilibus leonum, de montibus pardorum.

Ct 4: 7-8

10. Vulnerasti cor meum

²⁵Vulnerasti cor meum, soror mea sponsa, vulnerasti cor meum in uno oculorum tuorum et in uno crine colli tui. ²⁶ Quam pulchrae sunt mammae tuae, soror mea, sponsa! ²⁷ Pulchriora ubera tua vino, et odor unguentorum tuorum super omnia aromata.

Ct 4: 9-10

11. Sicut lilium inter spinas

²⁸ Sicut lilium inter spinas, sic amica mea inter filias. ²⁹ Sicut malus inter ligna silvarum, sic dilectus meus inter filios. ³⁰ Sub umbra illius, quem desideraveram, sedi et fructus eius dulcis gutturi tneo.

Ct 2: 2-3

12. Introduxit me rex

³¹ Introduxit me rex in cellam vinariam, ordinavit in me charitatem. ³² Fulcite me floribus, stipate me malis; quia amore langueo.

Ct 2: 4-5 13. Laeva eius

³³ Laeva eius sub capite meo, et dextera illius amplexabitur me. ³⁴Adiuro vos, filiae Jerusalem per capreas cervosque camporum, ne suscitetis, neque evigilare faciatis dilectam, quoadusque ipsa velit.

Ct 2: 6-7 14. Vox dilecti mei

³⁵Vox dilecti mei: ecce iste venit saliens in montibus, transiliens colles. ³⁶Similis est dilectus meus capreae hinuloque cervorum. ³⁷En ipse stat post parietem nostrum respiciens per fenestras, prospiciens per cancellos. ³⁸ En dilectus meus loquitur mihi.

Ct 2: 8-10

15. Surge, propera amica mea

³⁹ Surge, propera amica mea, columba mea et veni.⁴⁰ Iam enim hiems transiit, imber abiit et recessit, flores apparuerunt in terra nostra, tempus putationis advenit.⁴¹ Vox turturis audita est in terra nostra.⁴² Ficus protulit grossos suos, vineae florentes dederunt odorem suum.

Ct 2: 10-13

16. Surge, amica mea

⁴³Surge, amica mea, speciosa mea, et veni, columba mea, in foraminibus petrae, in caverna maceriae; ⁴⁴ ostende mihi faciem tuam, sonet vox tua in auribus meis: vox enim tua dulcis, et facies tua decora.

Ct2: 13-14

17. Dilectus meus mihi, et ego illi

⁴⁵ Dilectus meus mihi, et ego illi, qui pascitur inter lilia donec adspiret dies, et inclinentur umbrae.⁴⁶ Revertere; similis esto, dilecte mi, capreae hinuloque cervorum super montes Bether.⁴⁷ In lectulo meo per noctes quaesivi, quem diligit anima mea; quaesivi illum, et non inveni.

Ct 2: 16-17; 3: 1 18. Surgam et circuibo civitatem

⁴⁸ Surgam et circuibo civitatem per vicos et plateas, quaeram quem diligit anima mea; quaesivi illum et non inveni.

Ct 3: 2

19. Adiuro vos

⁴⁹Adiuro vos, filiae Jerusalem, si inveneritis dilectum meum, ut nuntietis ei, quia amore langueo.⁵⁰ Qualis est dilectus tuus ex dilecto, о pulcherrima mulierum? ⁵¹ Qualis est dilectus tuus ex dilecto, quia sic adiurasti nos? ⁵² Dilectus meus candidus et rubicundus, electus ex milibus.

Ct 5: 8-10

20. Caput eius

⁵³ Caput eius aurum optimum, ⁵⁴ Comae eius sicut elatae palmarum nigrae quasi corvus.⁵⁵ Oculi eius sicut columbae super rivulos aquarum, quae lacte sunt lotae et resident iuxta fluenta plenissima.

Ct 5: 11-12

21. Dilectus meus discendit

⁵⁶ Dilectus meus descendit in hortum suum ad areolam aromatum, ut ibi pascatur in hortis et lilia colligat. ⁵⁷ Ego dilecto meo, et dilectus meus mihi, qui pascitur inter lilia.

Ct 6: 1-2

22. Pulchra es, amica mea

⁵⁸ Pulchra es, amica mea, suavis et decora sicut Jemsalem, terribilis ut castrorum acies ordinata. ⁵⁹Averte oculos tuos а те, quia ipsi me avolare fecerunt.

Ct 6: 2-3 23. Quae est ista

⁶⁰ Quae est ista, quae progreditur quasi aurora consurgens, pulchra ut luna, electa ut sol, terribilis ut castrorum acies ordinata?

Ct 6: 9

24. Descendi in hortum nucum

⁶¹ Descendi in hortum nucum, ut viderem poma convallium et inspicerem si floruisset vinea et germinassent mala punica.

Ct 6: 10

25. Quam pulchri sunt

⁶² Quam pulchri sunt gressus tui in calceamentis, filia principis! ⁶³ luncturae femorum tuorum sicut monilia quae fabricata sunt manu artificis; ⁶⁴ umbilicus tuus crater tornatilis, numquam indigens poculis; ⁶⁵ venter tuus sicut acervus tritici vallatus liliis.

Ct 7: 1-2

26. Duo ubera tua

⁶⁶ Duo ubera tua sicut duo hinuli, gemelli capreae; ⁶⁷ collum tuum sicut turris eburnea; ⁶⁸ oculi tui sicut piscinae in Hesebon, quae sunt in porta filiae multitudinis; ⁶⁹ nasus tuus sicut turris Libani, quae respicit contra Damascum; ⁷⁰ caput tuum ut Carmelus, et comae capitis tui sicut purpura regis vincta canalibus.

Ct 7: 3-5

27. Quam pulchra es

⁷¹ Quam pulchra es et quam decora, carissima in deliciis! ⁷²Statura tua adsimilata est palmae et ubera tua botris. ⁷³ Dixi: Ascendam in palmam et aprehendam fructus eius; ⁷⁴et enmt ubera tua sicut botri vineae, et odor oris tui sicut odor malorum.

Ct 7: 6-8

28. Guttur tuum

⁷⁵ Guttur tuum sicut vinum optimum, dignum dilecto meo ad potandum, labiisque et dentibus illius ruminandum.⁷⁶ Ego dilecto meo, et ad me conversio eius.

Ct 7: 9-10

29. Veni, veni, dilecte mi

⁷⁷ Veni, veni, dilecte mi, egrediamur in agrum, commoremur in villis. ⁷⁸Mane surgamus ad vineas, videamus si floruit vinea, videamus, si flores fructus parturiunt, si floruerunt mala punica; ⁷⁹ ibi dabo tibi ubera mea.

Ct 7: 11-12