Студопедия

Главная страница Случайная страница

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






Бұқаралық іс шаралар өткізу кезінде қоғамдық қауіпсіздікті қамтамасыз ететін мемлекеттік органдар.






Бұқаралық іс шаралар кезінде қоғамдық тәртіпті және қауіпсіздікті қамтамасыз етудегі ішкі істер органдарының атқаратын қызметі.

Азаматтардың демократия жағдайларында көпшілікке арналған шараларға қатысу нысанын ары қарай дамыту көпшілікке арналған шаралар мәселелердің ұғымдық-терминологиялық аспектісін жете зерделеу мен нақтылауды талап етеді, бұл осы шараларға дайындалу мен оларды өткізу кезіндегі қоғамдық қатынастарды реттейтін құқықтық актілерді жетілдіруге мүмкіндік береді.

Жиналыстар, митингтер, демонстрациялар мен пикетке шығулар өткізу кезінде қоғамдық тәртіпті қорғау негіздері тұтас бірқатар заңнамалық және басқа да нормативтік кұқықтық актілерде бекітілген [33, 58 6].

Қоғамдық демократияландыру азаматтардың қоғамдық белсенділігін, сонымен қатар, көпшілікке арналған шараларға қатысу арқылы көтеру үшін жағдай жасайды , бұл азаматтардың еркін білдіруінің сандық факторын активтендіру және оны білдірудің жаңа нысандарын жасау үшін мүмкіндік тудырады. Қоғамдық белсенділіктің өсуін статистика көрсетеді.

Сонымен, осы қоғамдық белсенділік Қазақстан Республикасының субъектілері және тұтас Қазақстан Республикасы ауқымдарында өткізілетін көпшілікке арналған шаралар туралы статистикалық есептіліктің бірыңғай нысанын жасау туралы ұсынысты қолдаудың шынайы қажеттілігін тудырады. Бұндай мәліметтердің болуы көпшілікке арналған шаралардың дамуын зерделеуге, талдауға, болжауға және осы негізде бұндай шаралардың ұйымдастыру мен өткізу тәртібін қоғамддық органдардың қызметін ары қарай жетілдіруге бағытталған ғылыми дәлелденген ұсыныстар мен кеңестердің жасауға мүмкіндік берер еді [ 25, 62 б.]

Бұрыннан бері көпшілікке арналған тыныш шаралардың қоғамдық тәртіп пен азаматтардың тыныштығын бұзу қауіпі бар болуы мұмкін екендігі мойындау керек. Сонымен, соңғы жылдары шындығында тыныш жиналыстар, митингтер мен демонстрациялар , шерулер мен пикетке шығулар сұмдық қырғынға айналатын болған, соның барысында қоғамдық тәртіпті жаппай , топтасып бұзатын болған , азаматтардың өмірі мен денсаулығына , сондай-ақ олардың жеке меншігіне айқын қауіп төнген.



Осыған байланысты , жиналыстар , митингтер мен демонстрациялар, шерулер мен пикет шығулар өткізу кезінде қоғамдық тәртіпті қорғау мақсатында , тиысты көпшілікке арналған шараны өткізу кезінде қажетті әкімшілік-құқықтық тәртіпті қалыптастыратын әкімшілік-құқықтық құралдар кешені қажет.

Қоғамдық тәртіпті және азаматтардың көпшілікке арналған шаралар өткізуге құқығын қорғаудың әкімшілік-құқықтық құралдарының ерекшелігі туралы мәселеге келмес бұрын қоғамдық тәртіп ұғымының мазмұнына тоқталу керек.

Әкімшілік құқық жөніндегі ғылыми әдебиетте қоғамдық тәртіп мағынасының категориясына қатысты түрлі пікірлер айтылған . Қоғамдық тәртіп кең және тар мағынада қарастырылады.



«Ішкі істер органдары туралы» Қазақстан Республикасының 2014 жылғы 23 сәуірдегі Заңында Ішкі істер органдарының өзінің алдына қойылған міндеттерге сәйкес көшелерде, алаңдарда, саябактарда, көлік магистральдарында, вокзалдарда, әуежайларда және басқа да қоғамдық жерлерде кұқықтық тәртіпті қамтамасыз етуге міндетті екендігі көрсетілген.

Ғылыми әдебиетте қоғамдық жерлерге адамдардың түрлі тұрмыстық қажеттіліктерді қанағаттандыру мақсатында қарым -қатынас жасайтын жерлерін жатқызу қабылданған. Қоғамдық жер онда адамдардың болуымен байланысты болады, өйткені адамдардың қарым-қатынас жасайтын жерлерінде бір адамның өзін ұстау ережелерін бұзуы екінші бір адамның, бір топ адамның, қоғамның мүддесін қозгайды.

«Қоғамдық жер» категориясын талдау қоғамдық жерлерді тұракты (оған кез - келген уақытта жол ашық: көшелер, алаңдар, скверлер, үйлердің аулалары және т.б.), мерзімді (қағида бойынша, белгілі бір уақытта халыққа қызмет көрсетуге арналган бөлмелер: сауда кәсіпорындары, қоғамдық көлік, әлеуметтік-мәдени мекемелер және т.б.), адамдардың қарым - қатынасы эпизодтық сипатта болатын эпизодтық : ол жерде қандайда бір шаралар немесе азаматтардың жаппай демалыс өткізуі кезінде ағаш алаңқайы, елдің мекен шетіндегі жағажай, деп жіктеуге мүмкіндік береді.

Тәжірибеде көпшілікке арналған шараларды өткізетін жерді аныктауға байланысты бірқатар мәселелер туындайды.

Қазақстан Республикасында Адам құқықтары бойынша Уәкілдің баяндамасында заңда қолданылатын «тікелей іргелес аймақ» деген ұғым тәжірибеде бір мағыналы болмайды делінген. Заңға сәйкес «ғимараттарға және басқа да объекттерге тікелей іргелес аймақ - бұл шекаралары жерге орналастыру, жерді пайдалану және қала құрылысы саласындағы қатынастарды реттейтін нормативтік кұқықгық актілерге сәйкес Қазақстан Республикасы субъектілерінің атқарушы билік органдарының немесе жергілікті өзін - өзі басқару органдарының шешімдерімен анықталатын жер телімдері».

Атап айтқанда, «Жекелеген қару түрлерінің айналымына мемлекетгік бақылау жасау туралы» Қазақстан Республикасының 1998 жылғы 30 желтоқсандағы заңы «Қазақстан Республикасының аймағында мыналарға: азаматтардың - митингілерге, көше шерулеріне, демонстрацияларға, пикеттерге және басқа да көпшілік - бұқаралық іс - шараларға қатысушылардың қару алып жүруіне тыйым салынатындығын» анықгайды.

«Ішкі істер органдары туралы» Қазақстан Республикасының 2014 жылғы 23 сәуірдегі Заңында сай көліктің байланыстың, ұйымдардың жұмысын бұзбайтын, заңсыз жиналыстарға, митингтерге, көше шерулеріне және демонстрацияларға жол бермеу кезінде арнайы кұралдарды қолдануға тыйым салынады. Жаппай шаралар жағдайларында қоғамдық тәртіпті әкімшілік - құқықтық қорғауды іске асыру кезінде мүмкін дауларды күш қолданусыз шешу әдістерін қолдану, мүдделердің келісулеріне, өзара қолайлы, сындарлы шешімдер жасауға мүмкіндік беретін шаралар жүйесін кұру өте қажет.

Жоғарыда аталған нормативтік құқықтық актілерден басқа көпшілікке арналған шараларды өткізу кезінде қоғамдық тәртіптің режимін Қазақстан Республикасының ӘҚБтК - нің, «Қоғамдық тәртіпті қорғау мен қоғамдық қауіпсіздікті қамтамасыз етуді ұйымдастыруды жетілдіру туралы» Қазақстан Республикасы ІІМ - нің бұйрығының, сондай - ақ «Ішкі істер органдарының патрульдік - бекеттік қызметін ұйымдастыруды жетілдіру бойынша шаралар туралы» Қазақстан Республикасы ІІМ -нің бұйрығының және тағыда басқа ұйгарымдары қамтамасыз етеді [ 30 ].

Ұйғарымдары көпшілікке арналған шараларды өткізу кезінде қоғамдық тәртіпті корғауға бағытталған тұтас бірқатар заңнамалық актілердің болуына карамастан, қазіргі кезде Ішкі істер органдарының жаппай көпшілікке арналған шараларды өткізу кезінде қоғамдық тәртіп пен қоғамдық қауіпсіздікті корғауды қамтамасыз етумен байланысты мәселелер жөніндегі тікелей қызметін регламенттейтін нормативтік құқықтық актілердің анық жетпейтіндігін айту керек.

Осыған байланысты «Қазақстан Республикасында бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібі туралы» Қазақстан Республикасының 2004 жылғы 20 желтоқсандағы заңының негізінде үкімет қаулысын қабылдау және онда жиналыстар, митингтер, демонстрациялар, шерулер және пикетке шығулар өткізу кезінде қоғамдық тәртіпті қорғаудың құқықтық және ұйымдастырушылық механизмдерін нақты анықтау өте орынды.

Осы құжатта қоғамдық тәртіпті қорғауға қатысатын күштерді, құралдарды, қоғамдық тәртіпті қорғаудың әртүрлі субъектілері арасындағы өзара әрекеттестік механизмдерін, жедел штабтың құқықтық мәртебесін және т.б. анықтау қажет. Аталған шаралар жиналыстар, митингтер, демонстрациялар, шерулер және пикетке шығулар өткізу кезінде қоғамдық тәртіпті қорғауды әкімшілік-құқықтық реттеуді жетілдіруге мүмкіндік беретін болады.

Қазіргі заманғы жағдайларда Ішкі істер органдарының жиналыстар, митингтер, демонстрациялар және пикетке шығулар кезінде қоғамдық тәртіпті қорғауды ұйымдастыруы көп жоспарлы шешімдерді қабылдауды, күштер мен құралдардың едәуір мөлшерін қолдануды, түрлі саладағы білікті мамандарды тартуды талап ететін күрделі міндет болып табылады.

Жиналыстар, митингтер, демонстрациялар және пикетке шығулар, сондай-ақ басқа да жаппай шаралар оларды өткізу кезінде қоғамдық тәртіпті қорғау мен қоғамдық қауіпсіздікті қамтамасыз етуде күштер мен құралдарды кешенді қолдануды, тек Ішкі істер мен Ұлттық Ұлан органдарының түрлі бөлімшелерінің ғана емес, сонымен қатар басқа да мемлекеттік органдардың, жергілікті өзін - өзі басқару, қоғамды қалыптастыру органдарының да келісілген әрекеттерін талап ететін маңызды әлеуметтік мәні бар құбылыс болып табылады [34, 163 6].

Қоғамдық тәртіпті қорғауда кешенділікке оның әр қатысушысы жиналыстар, митингтер, демонстрациялар және пикетке шығулар өткізу кезінде қоғамдық тәртіпті қорғауды ұйымдастыру саласында материалдық және іс жүргізу нормаларын әрдайым іске асырған жағдайда ғана қол жөткізуге болады.

Жиналыстар, митингтер, демонстрациялар және басқа да жаппай шараларды ұйымдастыру мен өткізу үшін, қағида бойынша, арнайы комиссиялар кұрылады, олардың құрамына әкімшіліктердің басшылары, түрлі ведомстволардың өкілдері, Ішкі істер органдарының басшылары және Ұлттық Ұлан басшылығы кіреді. Комиссиялар шараларды өткізу орнын, уақытын, тәртібін, оларға қатысушылардың санын анықтайды, оларды өткізу жоспарларын қарастырады және бекітеді, дайындық мәселесі бойынша ведомстволардың, кәсіпорындардың басшыларын және басқа да лауазымды тұлғаларды, соның Ішінде Ішкі істер органдарының да лауазымды тұлғаларын тыңдайды.

Жиналыстарды өткізу кезеңінде қоғамдық тәртіпті қорғау бойынша шараларды ұйымдастыруда шартты түрде бірқатар кезеңдерді бөліп көрсетеді.

Ішкі істер органдарының жиналыстар, митингтер, көше шерулері мен пикетке шығуларды өткізу кезінде қоғамдық тәртіпті қорғауды қамтамасыз ету жөніндегі қызметінде сондай-ақ үш кезеңді айырып көрсетуге болады: дайындық, атқарушылъқ және қорытынды.

1. Дайындық кезеңі. Дайындық кезеңі оған сәйкес қоғамдық тәртіпті қорғауды ұйымдастыру міндеттері анықталатын, дайындалып жатқан жаппай шара туралы ақпарат алған сәттен басталады. Бұл кезеңде Ішкі істер мен Ұлттық Ұлан бөлімшелерінің жаппай шараларды өткізу кезінде қоғамдық тәртіпті қорғауды қамтамасыз ету жөніндегі бірлескен қызметін жоспарлау функциясы іске асырылады, басқа кезендер үшін ұйымдастыру негіздері жасалады.

Дайындық кезеңі мыналардан: міндеттерді айқындаудан, оларды орындау тәсілдерін анықтаудан; жедел жағдайды талдаудан, қоғамдық тәртіпті қорғауды ұйымдастыру мәселелері бойынша басқарушылық шешімдерді жасаудан тұрады.

Міндеттерді айқындау барысында мыналар: жаппай шараны өткізу орны, уақыты, бағдарламасы, көрермендер мен басқа қатысушылардың саны, олардың қозғалу бағыттары, сауда орындарының, қоғамдық тамақ кәсіпорындарының, автокөлік тұрақтарының орналасуы, ауа-райы туралы ақпарат нақтыланады, сондай -ақ шараның өзін сипаттайтын басқа да мән -жайлар анықталады.

Жедел жағдайды талдау кезінде мыналар: қатысушылардың қандай категориясы қатысатындығы; құқық бұзушылық жасалуы мүмкін орын; кіріс жолдардың күйі; аймақтық объекттердің өртке қарсы күйі; қатысушыларды, көрермендерді тасымалдау кезінде қандай техника қолданылатындығы анықталады.

Барлық осы ақпараттар қоғамдық тәртіп пен қауіпсіздікті қамтамасыз ету саласындағы мәселелерді шешу тәсілдерін анықтауға, полицияның, Ұлттық Ұлндың, жұртшылықтың күштерін есептеуге көмектеседі.

Басқарушылық шешімдерді жасамас бұрын қатысушылар мен көрермендер еретін бағыт бойынша алаңдар мен жолдардың, автокөлік тұрақтарының күйін зерделеу; қоршалатын аймақтың шекараларын нақтылау; күштер мен техникалық құралдарды есептеу; жасақтардың түрлі учаскелердегі және оларды орналастыратын жерлердегі ерекше міндеттерін анықтау; күштер маневрінің мүмкін варианттары кезінде қызмет бабындағы жасақтар қозғалысының негізгі және қосалқы жолдарын анықтау; басқару пунктінің, жедел штабтың, байланыс ұйымының орналасқан жерін нақтылау мақсатында төңірекке алдын ала барлау жасалады.

Дайындық кезеңінде қоғамдық тәртіп пен қауіпсіздікті қамтамасыз ету жөніндегі қызметтегі міндетті элемент Ішкі істер органдары басшыларының басқа да органдар мен ведомстволардың, коммуналдық шаруашылық, энергиямен жабдықтау қызметтерінің және т.с.с. өкілдерімен бірлесіп жаппай шараны өткізу жоспарланып отырған аймақтың күйін тексеруі; кұқық бұзушылықтар жасауға ықпал ететін жағдайларды жою (құрылыс қоқысын, метал құрылыстарды және т.с.с. жинау) болып табылады.

Осы кезеңде қылмыстылыққа, бұзақылыққа, маскүнемдікке және басқа да қоғамға қарсы көріністерге қарсы күресті күшейту бойынша қосымша шаралар іске асырылады, Ішкі істер органдарының тиісті лауазымды тұлғаларымен және Ұлттық Ұлан бөлімшелерінің командирлерімен нұсқама жүргізіледі.

Мемлекеттік автоинспекция қызметі көше - жол желісін тексереді және аныкталган кемшіліктерді жою жөнінде ұсыныстар дайындайды; көше - жол желісінің негізгі параметрлері мен көлік ағымдары туралы ақпаратты жинайды және талдайды; көше-жол желісінде жаппай шараларды өткізген орынды жерлер мәселесі бойынша ұсыныстар даярлауға қатысады және осы ұсыныстарды мемлекеттік билік пен басқару органдарына қарастыруга береді; жаппай шаралар өткізілетін жерді айналып өту бағыттарының жүйесін және көрсетілген жаппай шаралар өткізілетін жерлерге жол қозғалысын ұйымдастырудың уақытша сызбаларын жасайды; жол қозғалысын ұйымдастырудың уақытша сызбаларын іске асыруды қамтамасыз ету үшін жол қозғалысын ұйымдастырудың техникалық кұралдарына деген мұқтаждықты есептейді; жол полиция қызметінің бөлімшелерін, қуаттандырылған полицияны автокөлікпен, жанар -жағармай материалдарымен, байланыс құралдарымен қамтамасыз ету, сондай-ақ жеке құрамына тұрмыстық заттармен қамтамасыз ету мәселелерінің шешілуін бақылайды [42, 175 6].

Ішкі істер органдарының криминалдық полиция бөлімшелерінің қызметі осы кезеңде жаппай бұзақылық әрекеттермен байланысты қылмыстарды жасаудың алдын алуға, жетекшілері мен белсенді қатысушыларын, спорт жанкүйерлерінің агрессивті ниеттенген топтарын уақытша оқшаулауға бағытталған. Учаскелік уәкілетті полиция қызметін тартумен бейресми жастар бірлестікіерінің мүшелері жиналатын жерді анықтау және олармен алдын алу жұмысын жүргізу мақсатында мамандандырылған рейдтер іске асырылады. Осы ақпарат негізінде бұл жерлерге жылжымалы мобильді резервтер қойылады.

Аса ірі жаппай шараларды (мысалы, билік органдарына сайлау, халықаралық деңгейдегі акцияларды өткізу) өткізер алдындағы күндері Ішкі істер органдары қоғамдық тәртіпті нығайту мақсатында:

•көшелердегі және басқа да қоғамдық жерлердегі патрульдік -бекеттік қызмет күштерінің тығыздығын үлкейтеді;

•құқық бұзушыларды анықтау бойынша мақсаттық рейдтерді жиі жүргізеді;

•аса маңызды объекттерді қорғауды күшейтеді;

•темір жол станцияларындағы, әуежайлардағы жедел тосқауылдардың қызметін қарқындатады;

•қарудың, оқ - дәрілердің, жарылғыш заттардың, қатты әсер ететін ұлы, радиоактивті зат тектердің және басқа да рұқсат берілген жүйедегі объекттердің түгелдік жағдайын кезектен тыс тексерумен іске асырады;

•Ішкі істер органдарының қорғауындағы объекттердің техникалық күйін тексереді және осы объекттердің әкімшілігіне анықталған кемшіліктерді жою туралы ұсыныс жасайды;

•Ішкі істер органдарында есепте тұрған адамдармен алдын алу жұмысын күшейтеді;

•инкассацияның және ақша мен басқа құндылықтарды тасымалдау тәртібін тексереді;

•паспорт режимін нығайту және шетел азаматтарының Қазақстан Республикасының аймағында болу ережелерін сақтауын бақылау жөніндегі жұмысты қарқындатады;

•жиналыстар, митингтер өткізілетін жерлерде және осы жерлермен шектесетін аймақгарда көлік пен жаяу жүргіншілер қозғалысының қауіпсіздігін, өртке қарсы қауіпсіздік ережелерін сақтауды қадағалауды қүшейтеді.

Ішкі істер органдарында жетекші құрама мен күшейтілген жедел; топтардың тәуліктік кезекшілігі белгіленеді; уақытша ұстау изоляторларындағы адамдар тергеу изоляторларына ауыстырылады.

2. Атңарушылың кезең. Күштер мен құралдар жаппай шара өткізілетін жерге келген сәттен бастап басталады және негізгі болып табылады. Бұл кезең жаппай шараларды өткізу кезінде қоғамдық тәртіп пен қауіпсіздікті тікелей қамтамасыз етуден тұрады, жасақтардың әрекеттерін және оны жүргізу кезінде оларды басқаруды қамтиды.

 

Бұл кезеңде мынадай әрекеттер іске асырылады:

• Ішкі істер органдарының басшылары сол жерге келгеннен кейін жеке құрамды, оның жабдықталғандығын тексереді, сондай -ақ үлкен топтарға жұмыс нұсқамасын жүргізеді, ол жерде нақты шараны өткізу басталатын уақытының және тәртібінің мүмкін өзгерістері және жедел жағдайдағы басқа да езгерістер туралы хабарланады, ары қарай қызметін атқаруы үшін күштер мен құралдарды орналастырады;

•жоспарда көзделген көлік пен жаяу жүргіншілердің қозғалысын шектеу енгізіледі;

•қоршалған аймақтан ұйымдастырылмаған халықты шығару жүргізіледі;

•жаппай шара өткізілетін ауданда және оған іргелес аймақта қоғамдық тәртіп пен қауіпсіздікті қорғауды қамтамасыз ету жөніндегі жасақтардың қызметі ұйымдастырылады.

Жасақтар өткізіліп жатқан шараның өрістеуіне қарай іске кіріседі, ал қажет болмаған жағдайда жедел басшының өкімі бойынша -дереу алынады және резервке қосылады [46, 143 6].

Жаппай шараларды өткізу кезінде қоғамдық тәртіпті қорғауды іске асыру кезінде Ішкі істер органдарының қызметкерлері мен Ұлттық Ұлан қызметкерлеріне мынадай негізгі міндеттер жүктеледі:

•мүмкін қылмыстардың, қоғамдық тәртіп пен қауіпсіздікті бұзулардың алдын алу мен оларға жол бермеу;

•қатысушылар мен көрермендердің белгіленген өзін-өзі ұстау ережелерін қатаң сақтауын қамтамасыз ету;

•басқа мемлекеттік емес органдарға қоғамдық қауіпсіздікті қорғау бойынша шаралар қабылдауға көмек көрсету;

•тікелей шаралар өткізіліп жатпаған аймақта қоғамдық тәртіпті қорғауды қамтамасыз ету.

Жаппай шараны өткізу кезінде Ішкі істер органдарының қызметкерлері мен Ұлттық Ұлан қызметкерлері:

•көрсетілген пункте болуы және арнайы рұқсатсыз өзіне тапсырылған қызмет етіп жатқан учаскені тастап кетпеуге, қойылған міндетті берік білуі және шебер орындауы керек;

•қоғамдық тәртіпті бұзудың үзілді - кесілді бетін қайтаруы керек; •жаппай шара өткізілетін аймаққа арнайы рұқсатнамалары немесе билеттері жоқ адамдарды кіргізбеуі керек;

•шараларға қатысушыларға спирттік ішімдіктер, шыныдан жасалған бұйымдарды, қоршаған ортаға зиян келтіруі мүмкін тесетін және кесетін заттарды алып кіруге жол бермеуі керек. Бұл заттарды табу үшін қолмен металл тапқыштар қолданылады және келушілер көзбен тексеріледі.

Қажет болмаған кезде көлік пен жаяу жүргіншілер қозғалысына енгізілген шектеулердің аға жедел басшының әмірі бойынша күші жойылады.

Мемлекеттік автоинспекция жол полициясы, полицияның патрульдік-бекеттік және басқа да қызметтерімен бірлесіп:

•көлік ағымдарын көлік қозғалысының алдын ала анықталған қосымша бағыттары бойынша бұру арқылы, сонымен қатар қолмен реттеу құралдарын қолданумен көлік құралдарының қозғалысын тиісті шектеуді қамтамасыз етеді;

•қажет болған жағдайда, жедел жағдай қиындаған кезде мобильді;

• жылжымалы резервтерді құруды ұйымдастырады;

•лаңкестік және басқа да құқыққа қарсы әрекеттерге, жаппай шаралар өтетін жерлерге жарылгыш және пиротехникалық заттарды алып кіруге жол бермеу мақсатында өтіп бара жатқан автокөлікті тексеруді ұйымдастырады;

•көзбен бақылауды және жедел мәліметтер ал үшін жол қозгалысына қатысушылармен әңгімелесуді іске асырады;

•қажет болған жағдайда, жаппай шаралар өткізілетін жерге дейін және кері қарай әскери саптар мен полицияның арнайы бөлімшелерін алып жүру үшін патрульдік автокөлік бөлуді қамтамасыз етеді.

Жаппай шараларды өткізумен, сондай - ақ соңғыларды өткізуге кедергі келтірумен байланысты бұзушылықтардың алдын алу мен оларға жол бермеудің басқа да шараларына мыналар жатады:

•қатысушылардың белгіленген өзін - өзі ұстау ережелерін қатаң сақтауын қамтамасыз ету;

•азаматтар ағынын және оларды дауыс зорайтқыш қондырғылар арқылы жүріс бағыттары туралы ақпараттандыруды ұйымдастыру мен реттеу;

•алғашқы дәрігерге дейінгі медициналық жәрдем көрсету;

•қоғамдық тәртіпті бұзушыларды анықтау және олардың құқыққа қарсы әрекеттеріне жол бермеу, сондай-ақ топтасып бұзуларды ұйымдастырушыларды (арандатушыларды), конституцияға қарсы, ұлтшылдық және фашизмді жақтаушы райды азғыратын адамдарды анықтау;

•жиын топты құру механизмінің жедел ізіне түсу және даулы жағдайдың дамуына дереу, яғни эксперттің туындауының бастапқы сатысында әрекет жасау;

•қоғамдық тәртіпті топтасып бұзуға және басқа да қақтығыстарға себепші болатьга себептер мен жағдайларды жою;

•құқық бұзушыларды кұқыққа қарсы ниеттерінен, әрекеттерінен бас тартуға көндіру мақсатында олардың арасында түсіндіру жұмыстарын жүргізу және т.с.с..

Бұлтартпау шараларын (бұзақыларды шара өткізілетін жерден мәжбүрлеп шығару, ұстау, кұқыққа қарсы әрекеттерін кұжаттау, бұзақыларды жақын жердегі полиция бөлімшесіне және басқа да осы мақсаттарға арналған бөлмелерге жөткізу және т.с.с.) қолдану кезінде полиция қызметкерлері мен Ұлттық Ұлан қызметкерлері жаппай - шараларға қатысушылардың теріс реакциясына және жедел жағдайдың қиындау мүмкіндігіне жол бермеу үшін қатысушылардың көңіл - күйін ескерулері керек [47, 165 6].

Қоғамдық тәртіпті бұзушылар және оларға қолданылатын шаралар туралы полиция мен Ұлттық Ұлан жасақтары жедел штабқа баяндауға міндетті, ол, өз кезегінде, шараларды ұйымдастырушыларды көрсетілген адамдарды ұстау себептері туралы ақпараттандырады және кұқыққа қарсы әрекетті қысқарту бойынша шаралар қолдануды талап етеді.

Жедел штаб биліктің уәкілетті орган өкілдерімен бірлесіп қалыптасқан жедел жағдайды, көпшілікке арналған шараларды ұйымдастырушылар мен оларға қатысушылардың әрекеттерін талдайды. Хабарламада баяндалған тақырыптан, мақсаттардан ауытқып кеткен, хабарламада көрсетілмеген партиялар мен ұйымдар шараға қатысқан (не болмаса келістіруші хаттаманың тармақтарын бұзатын әрекеттерді жасағанын) жағдайда дыбыс зорайтқыш қондырғының көмегімен билік органдарының өкілдері арқылы арналған шараларды ұйымдастырушылар мен оларға қатысушыларға қол жөткізген уағдаластықты қатаң сақтау қажеттілігі туралы және хабарламада көрсетілген ережелерді орындамаған кезде тіпті шараны тоқтатуға дейінгі мүмкін сылдырлау туралы ақпарат береді және ескертеді.

Көпшілікке арналған шараны тоқтату туралы шешім қабылданған жағдайда биліктің уәкілетті орган өкілі ұйымдастырушыға себептерді негіздеумен шараны тоқтаға кеңес береді; кеңесін орындауға уақыт белгілейді; ұйымдастырушы шараны тоқтату туралы кеңесті орындамаған жағдайда тікелей шараға қатысушыларға үндеу жасайды; қайталама кеңесін орындауға уақыт белгілейді.

Жедел штаб ұйымдастырушылар тарапынан жіберілген бұзушылықтарды және көпшілікке арналған шараны тоқтату бойынша жасақтардың әрекеттерін құжаттау бойынша шаралар қолданады; ұйымдастырушыларға жасақтардың тосқауылдарын, тізбектерін қою туралы, физикалық күш пен арнайы құралдарды қолдануды шешу туралы ескертеді; азаматтарды эвакуациялау жолдары, қоғамдық көлік қозғалатын бағыттар туралы ақпарат береді.

Құжаттау үшін: кино түсірілім, бейне түсірілім, кейін нәтижелерін рапорттарда, хаттамаларда және басқа да құжаттарда көрсетумен көзбен бақылау қолданылуы мүмкін. Құқық бұзушылықтарды бекіту кезінде шараны ұйымдастырушылардың мінез -кұлқын бір уақытта кұжаттау керек.

Жедел жағдай қиындаған кезде жедел штаб белсенді қатысушыларын, ұйымдастырушыларын ұстау бойынша шаралар қолданады, жасақтар мен кұқық бұзушылардың әрекеттерін кұжаттайды (түрлі техникалық кұралдарды қолдана отырып).

Көпшілікке арналған шараны тоқтату үшін физикалық күш пен арнайы кұралдарды қолдану тек қатысушылар қоғамдық тәртіпті топтасып бұзуға, жаппай тәртіпсіздіктер мен көліктің, байланыстың, кәсіпорындардың, мекемелердің және ұйымдардың жұмысын бұзатын топтасқан әрекеттерге жол бермеу үшін құқықгық тәртіпті қамтамасыз ететін жасақтарға қатысты зорлық әрекеттерін жасаған кезде ғана рұқсат етіледі.

Полиция мен Ұлттық Ұлан жасақтары тыйым салынған көпшілікке арналған шараға қатысушыларды тарату және қоғамдық тәртіпті бұзатын адамдарды ұстау, құқыққа қарсы әрекеттерді көрген адамдарды анықтау бойынша шаралар қолданады.

3. Қорытынды кезең. Қорытынды кезеңде кұқықтық тәртіпті қорғауға тартылған күштер мен кұралдарды бұру, кәсіпорындардың, ұйымдардың қалыпты тіршілік әрекетін қалпына келтіру, жаппай сөз сөйлеу кезеңінде сауда мен қоғамдық тамаққа қойылған шектеулердің күшін жою бойынша шаралар көзделеді.

Мемлекеттік автоинспекция қорытынды кезенде қозғалысты уақытша шектеуді алып тастауды және жаппай шараны өткізгенге дейін болған жол козғалысын ұйымдастыруды қалпына келтіруді қамтамасыз етеді. Қызметін : аяқтаған жеке құрам белгіленген пункттерде жиналады; штабтың басшылары жұмыстың нәтижелерін шығарады, бөлімшелер мен жасақтардың әрекеттерін анықтайды, олардың жұмысын бағалайды.

Жаппай акция өткеннен кейінгі келесі күні Ішкі істер органдары билік органы мен прокуратураға мынадай мән-жайлар: өткізілген жаппай шара, қатысушылардың, ұйымдастырушылардың саны, жұмылдырылған Ішкі істер органдарының күпггері мен Ұлттық Ұлан қызметкерлерінің саны, кұқық бұзушылық жасалған жер, уақыты мен тәсілі туралы мәлімет; құқық бұзушылар мен көрген адамдардың, сонымен қатар құқық қорғау органдары қызметкерлерінің жеке басы туралы мәлімет; құқық бұзушы келтірген залалдың сипаты мен көлемі туралы, оған қолданылған шаралар туралы мәлімет көрсетілуі керек ақпаратты ұсынады.

Сөйтіп, жаппай шаралар өткізу кезінде құқық қорғау мәселелерін аса тиімді шешу мақсатында қоғамдық тәртіпті қорғайтын және қоғамдық қауіпсіздікті қамтамасыз ететін барлық субъекттердің келісілген әрекеті қажет, бұл тек Ішкі істер органдарының, Ұлттық Ұлан және басқа да мемлекеттік органдардың, мемлекеттік емес және қоғамдық ұйымдардың күштері мен құралдарын кешенді қолдану кезінде ғана мүмкін болады. Жиналыстар, митингтер, демонстрациялар және пикетке шығулар өткізуді қамтамасыз етуге бағытталған бірлескен әрекеттер оларды дайындау мен өткізудің барлық кезеңцерінде іске асырылуы керек.

Жиналыстар, митингтер, көше шерулері, демонстрациялар және басқа да жаппай шаралар жағдайларында қоғамдық тәртіп пен қауіпсіздікті тиімді қорғауды қамтамасыз ету -бұл бір мәртелік акт емес, ал басқару аппараттарының, лауазымды тұлғалардың, оларды өткізу кезінде қорғау қызметіне қатысатын барлық күштер мен құралдар құрылымының қызметін үнемі ғылыми негізді жетілдіру мен оңтайландырудың үздіксіз үрдісі.

Сонымен қатар тиісті құқық қорғау шараларын ұйымдастырудың тиімділігі көбінесе көпшілікке арналған шараларды ұйымдастыру мен өткізу тәртібін бақылау сапасына тәуелді болатындығын атап өту қажет.

Жаппай шараларды өткізу кезінде қоғамдық тәртіпті қорғау тәжірибесі жоспарлы шараларды іске асыруды бақылауды тіпті болмашы ғана әлсіретудің өзі сол немесе басқа жұмыс учаскесіндегі жедел жағдайдың қиындауына әкеп соғып қана қоймай, сонымен қатар барлық алға қойылған міндеттерді орындауға қауіп төндіруі мүмкін екендігі туралы куәландырады. Бұндай жағдайларда жоспарланған шараларды іске асырудың барлық сатыларындағы бақылау, ашық көрсетілген басқарушылық шешім ерекшелігінің басымдығы Ішкі істер органдары басшыларының қызметінде бірінші орынға қойылады.

Қазіргі кезде шетел мемлекеттерінің полиция бөлімшелерімен өзара әрекет ету негізінде жиналыстар, митингтер, демонстрациялар және пикетке шығулар өткізу кезінде қоғамдық тәртіпті қорғауды қамтамасыз ету бойынша шетел тәжірибесін зерделеудің шынайы қажеттілігі бар екендігін ескеру керек деп санаймыз.

 

 

Бұқаралық іс шаралар кезінде қоғамдық тәртіпті және қауіпсіздікті қорғауға қатысатын күштер мен құралдарды басқарудың мәселелері.

Патрульдi-бекеттік нарядтар өздерiнiң бағыттарында, бекеттерінде және оларға жақын аумақтарда қоғамдық қауіпсіздікті қамтамасыз ету және қоғамдық тәртіпті сақтау, азаматтардың көшелерде, алаңдарда, саябақтарда, көлік магистральдарында, вокзалдарда, әуежайларда және басқа қоғамдық орындарда заң және белгіленген тәртіп ережелерін сақтау, қылмыстар мен құқық бұзушылықтарды ескерту және олардың алдын алу бойынша дер кезінде шаралар қабылдайды.
Патрульді-бекеттік нарядтары:
1) қоғамдық тәртіпті сақтау және қауіпсіздікті қамтамасыз ету мәселелері жөніндегі Қазақстан Республикасының заңдары мен басқа да нормативтік құқықтық актілерін білуге және азаматтардан оларды бұлжытпай орындауды талап етуге;
2) қылмыстар мен әкімшілік құқық бұзушылықтардың алдын алу және жолын кесу, олардың жасалуына ықпал ететін жағдайларды анықтауға, және өз құқықтары шегінде осы жағдайларды жою шараларын қабылдауға;
3) қылмыстардан, әкімшілік құқық бұзушылықтар мен қайғылы оқиғалардан жапа шеккендерге, сондай-ақ қалдары мүшкіл не олардың денсаулығы мен өміріне қауіп төнген азаматтарға жәрдемдесуге;
4) көшелерде, алаңдарда, саябақтарда, көлік магистральдарында, вокзалдарда, әуежайларда және басқа қоғамдық орындарда құқықтық тәртіпті қамтамасыз етуге;
5) мемлекеттік органдар мен мекемелердің лауазымды адамдарына, сондай-ақ қоғамдық бірлестіктердің өкілдеріне берілген құқықтар шегінде, егер оларға қарсы әрекет жасалса немесе қауіп төнсе, олардың заңды әрекеттерін жүзеге асыруға көмек көрсетуге;
6) заңдылықты сақтауға, қоғамдық тәртіп бұзушыларды орнында нақты және мұқият тексеруге, құқық бұзушыларға заңмен қарастырылған ықпал етудің әкімшілік шараларын қолданған кезде, оларға қандай нормативтік актілерге сай және олар қандай бұзушылықтар үшін қолданылатындығын түсіндіруге;
7) қалалық, аудандық, желілік орган бойынша кезекшіге қоғамдық қауіпсіздікке төнетін қатердің туындауының барлық жағдайлары туралы және техникалық көмек пен апаттық қызметтерді қатыстырудың қажеттілігін баяндауға, қатерлі аймақтарға азаматтарды жібермеуге тиіс.

Күштер мен құралдарды кешенді қолдануды ұйымдастырудың негізгі субъектісі өзіне сеніп тапсырылған аймақта жаппай шараларды өткізу тәртібіне жауап беретін Ішкі істер органының бастығы болып табылады. Ол мәселелерді анықтайды және жаппай шараларды қамтамасыз етуге қатысушы әр қызметтің немесе бөлімшенің шешуіне тура келетін міндеттерді нақтылайды, сондай-ақ күштер мен кұралдардың өзара әрекеттесу процесін болжайды және соңғылардың көмегімен бірінші іске асырады. Ол қызметтердің бірлескен жұмысының барысын, нәтижесін бақылай отырып, ғылым мен озық тәжірибенің тиісті жетістіктерін қолдана отырып, оны тікелей басқарады.

Маңыздылығы және көлеміне байланысты көпшілік шаралар мен төтенше жағдайларды жүргізу кезінде қоғамдық тәртіпті және қоғамдық қауіпсіздікті сақтауды ұйымдастыру Ішкіісминінің, IIД, Көлiктегi IIД және қалалық, аудандық, желілік органдардың өзге құқық қорғау органдарымен тығыз өзара әрекеттесуімен жүзеге асырылады.

Көпшілік шаралар мен төтенше жағдайларды жүргізу үшін қоғамдық тәртіпті және қауіпсіздікті сақтауға Қазақстан Республикасының нормативтік құқықтық актілеріне сәйкес ішкі істер органдары, ішкі әскерлер қызметтерінің жеке құрамы және бөлімшелері жұмылдырылады.

Қоғамдық тәртіпті және қауіпсіздікті сақтауға жұмылдырылған күштер мен құралдарды тиімді басқару үшін қажетті болған жағдайда жедел штаб құрылады. Штабтың саны және құрамы көпшілік шаралар, төтенше оқиғалар, сондай-ақ қалыптасқан жедел жағдайға байланысты айқындалады.

Көпшілік шараларды жүргізу кезеңінде күштер мен құралдарды басқару жедел штаб мүшелері, басқару топтары және байланыс ұйымдастыру үшін жұмыс орындары жабдықталған арнайы ұйымдастырылған пункттерде жүзеге асырылады. Басқару пункттері, әдетте, көпшілік шаралар жүргізілетін ауданда құрылады және қарамағындағы күштер мен құралдарды жедел басқаруға жарамды жерлерде орналасады. Басқару пункттері тұрақты немесе жылжымалы болуы мүмкін. Олар байланыс құралдарымен, қажетті жағдайда кино, фото, бейне аппаратуралармен жабдықталады.

Көпшілік шараларды өткізу кезінде қоғамдық тәртіп пен қауіпсіздікті сақтауды қамтамасыз етуді ұйымдастыру барысында ішкі істер органының бастығы (жедел штаб басшысы) Қазақстан Республикасының заңдарын басшылыққа алуы тиіс.

Көпшілік шараларды жүргізу кезінде қоғамдық тәртіп пен қауіпсіздікті сақтауды қамтамасыз етуге тапсырмалар алғаннан кейін дайындық жұмыстары жүргізілуі тиіс, оған:
1) оны жүргізудің бағдарламасы, орны, уақыты және тәртібін нақтылау, сондай-ақ жаппай акция жүргізуге тыйым салуды талап ететін факторлардың болуы немесе болмауы;
2) мүдделі ведомстволардың ұйымдастырушылары және өкілдерімен бірлесе жаппай шаралар өткізілетін жерде комиссиялық тексеруді жүзеге асыруды, оның тиісті қоғамдық тәртіпті қорғауды ұйымдастыруға жарамдылығы айқындалады және кемшіліктерді қалпына келтіру шаралары қолданылады;
3) жерге рекогносцировка жүргізу, оның нәтижесінде аумақтың, көлік қозғалысы және жаяу жүргіншілердің бағыттарының ерекшеліктері зерттелетін, жиналу пункттері, адамдардың жүру және орналасу тәртібі, көлік тұратын орындар, көлік және жаяу жүргіншілер қозғалысын ұйымдастырудағы өзгерістер қажеттілігі, сондай-ақ аймақтардың, секторлардың, учаскелердің, шекаралары, күштер мен құралдардың қажетті саны, жедел штабтың, резервтердің орналасу орындары енеді.

Қажетті мәліметтер мен есептеулердің негізінде көпшілік шараларды жүргізу кезінде қоғамдық тәртіп пен қауіпсіздікті сақтаудың жоспары әзірленеді, онда:
1) шараның мазмұны және бағдарламасы, орны, оны өткізу уақыты, жоспарланған қатысушылар мен көрермендердің саны;
2) қоршалатын аймақтар, секторлар, учаскелер аумақтарының шекарасы;
3) жұмылдырылатын күштер мен құралдардың құрамы мен саны, олардың орналасу орны, нарядтардың түрлері мен міндеттері, олардың аймақтардағы, секторлардағы және учаскелердегі қызметін ұйымдастыруға жауаптылар, басқару және байланыс схемасы;
4) көршілес қалалық, аудандық, желілік органдар және көліктегі ішкі істер органдарымен, ішкі әскери бөлімшелері және басқа құқық қорғау органдарымен өзара іс-қимыл тәртібі;
5) колонналар құрылатын, шаралар жүргізілетін жерге жақын көрермендердің жиналу орындарында, сондай-ақ қалалық көлік аялдамаларында және бақылау пункттерінде қоғамдық тәртіпті қамтамасыз етуді ұйымдастыру;
6) қатысушылар мен көрермендердің жүру бағыттары, көлік және жаяу жүргіншілердің шегіну жолдары, іс-шаралар басталғанға дейін және аяқталған соң олардың қозғалысын реттеу тәртібі, көлік құралдарының тұратын орны;
7) шара аяқталған соң қатысушыларды ұйымдасқан түрде шығару тәртібі, сондай-ақ қажетті жағдайда оларды эвакуациялау тәртібі;
8) өрт қауіпсіздігін қамтамасыз ететін шаралар;
9) медициналық және жабдықтық-техникалық қамтамасыз етуді ұйымдастыру қарастырылады.
Жоспар картада (схемада) есептер, кестелер, қосымшаларымен қоса ресімделеді және оны ішкі істер органының бастығы бекітеді.

Қажет жағдайларда бұқаралық ақпарат құралдары арқылы көлік бағыттарындағы уақытша өзгерістер, жаппай шаралар өткізілетін ауданға азаматтардың баруын шектеу туралы хабарламалар жасалады.

Жиналыс, митингтер, көше шерулері, демонстрациялар және өзге де жаппай шаралар кезінде қоғамдық тәртіп пен қоғамдық қауіпсіздікті қамтамасыз етуге дайындық кезеңінде жеке құраммен полицияның құқықтары мен міндеттерін реттейтін нормативтік құқықтық актілерді оқып-үйрену, құқық бұзғаны үшін көпшілік акцияларының ұйымдастырушылары мен қатысушыларының жауаптылық шаралары, сондай-ақ жағдайдың шиеленеліскен кезінде қызмет атқарудың тактикалық тәсілдерін өңдеу бойынша нұсқама және дайындықтар жүргізілуі тиіс. Нұсқамаларда аумақтың схемасы қолданылады, көпшілік шаралар өткізу бағдарламасы түсіндіріледі, қоғамдық тәртіпті сақтау секторлары мен учаскелері, адамдар қозғалысының бағыттары және көлік тұрақтары, басқару, резерв пункттерінің, медициналық пункттердің, сауда орындарының, санитарлық тораптар айқындалады, сондай-ақ нарядтарды қоршалған аймаққа өту (көлікпен өту) құқығын беретін рұқсатнамалардың (билеттер мен өзге құжаттардың) үлгілерімен таныстыру жүргізіледі.
Дайындықтар көпшілік шараларды өткізудің алдында оның өткізілетін жерінде жүзеге асырылады. Осыған сәйкес, нарядтардың міндеттері, орналасуы айқындалады, күштерді жоспарлап үлестірудің белгіленген мерзімдерінің нақтылығы тексеріледі; полиция нарядтарының, әскерлердің және басқа жұмылдырылатын күштердің төтенше жағдайлар туындаған сәтте өзара іс-қимыл мәселелері реттеледі.

Жаппай шаралар жүргізу барысында қоғамдық тәртіп пен қауіпсіздікті қамтамасыз етуге жұмылдырылған нарядтардың жеке құрамына атыс қаруы берілмейді. Резерв қарулануы мүмкін.

Көпшілік шараларын жүргізу барысында құрсау (Қ), еріп жүру топтары (ЕЖТ), бақылау бекеттері (ББ), резерв (Р), қоршаулар (Қ), патрульдеу топтары, көлік қозғалысын шектеу, заңдарды түсіндіру, байланысты қамтамасыз ету, қоршау "блоктау", құқық бұзушылықтарды тіркеу және басқалар қолданылады.
Әр топты арнайы біріккен отряд командирі алдын ала тағайындаған жетекші басқарады:
1) құрсау - көпшілік шаралар жүргізілетін аумаққа бөгде адамдарды жібермеу мақсатымен, сондай-ақ іс-шараларға қатысушылар мен көрермендер орналасқан жерлерде шараларға қатысушылар, көрермендер немесе ара жігін ажырату квадраттардың (тік бұрыштардың) ұйымдасқан түрде қозғалуын қамтамасыз ететін бағыттаушы коридорлар құру үшін қойылады. Құрсаулардың құрамына полиция қызметкерлері, әскери қызметкерлер, көпшілік өкілдері кіре алады.
Құрсаулар жеке құрам 2 метрден аса интервалда орналасқанда - сирек, 1-2 метр интервалда - қалыпты, 1 метрден кем интервалда - күшейтілген, екі және одан да көп қатарларда - көп қатарлы болып бөлінеді. Аса қауіпті бағыттарда құрсауларды күшейту мақсатымен арнайы кедергілерден, автомобильдер және әскери техникадан қоршаулар орнатылады;
2) еріп жүру тобы - колонналар сап түзеу кезеңінде, оларға арналған жерлерде оларға еріп жүру және орналастыру кезінде қоғамдық тәртіпті қамтамасыз етеді;
3) бақылау бекеттері - көпшілік іс-шараларды жүргізу және жағдай өзгеру барысында дер кезінде ақпаратты қамтамасыз етеді. Ол аумақты жақсы шолуды қамтамасыз ететін пункттерде орналасады және қажетті техникалық құралдармен жабдықталады;
4) резерв - көпшілік іс-шараларын жүргізу барысында жағдай шиеленіскен кезде қоғамдық тәртіпті сақтаудың міндеттерін шешуге арналады. Резерв ол тез арада қимылға кірісе алатындай жерде орналасуы тиіс.
Жедел штаб бастығының қарамағындағы резерв құрамына қоғамдық тәртіпті сақтауға жұмылдырылған күштер мен құралдардың 20%-ы бөлінуі мүмкін. Секторлар, учаскелер немесе бағыттар бастықтарының қарамағындағы резервтер осы секторлардағы, учаскелердегі немесе бағыттардағы қызметте пайдаланатын күштер мен құрамдардың 10-15%-ын құрайды. Жұмылдырылған резервтер тез арада маңызы шамалы учаскелер мен бағыттардағы күштер және құрамдарды босату есебінен толықтырылады;
5) патрульдеу тобы - ішкі істер органдарының, сондай-ақ Қазақстан Республикасы Ішкіісминінің ішкі әскерлер және оқу орындарының (оларды жұмылдырған жағдайда) жеке құрамынан аумақтағы азаматтардың көпшілік іс-шаралар жүргізуге жақын аудандағы қоғамдық тәртіпті сақтауды жүзеге асыру үшін қалыптасады;
6) көлік қозғалысын шектеу топтары - жол полициясы қызметкерлерінен қалыптасады және блоктау аймағының айналасында көлік, жаяу жүргіншілер қозғалысын ұйымдастырады, сондай-ақ арнайы іс-шаралар өткізілетін жерлерге ішкі істер органдарының және ішкі әскерлер, апат-құтқару қызметтерінің автокөліктерінің бөгетсіз өтуін қамтамасыз етеді;
7) заңдарды түсіндіру тобы - ішкі істер органдарының мейлінше дайындалған қызметкерлер санынан құрылады. Бұл топтың басты міндеті көпшілік іс-шараларға қатысушылар арасында түсіндіру жұмысын жүргізу болып табылады;
8) байланысты қамтамасыз ету тобы - байланыс және арнайы техника бөлімшелерінің, сондай-ақ байланыс құралдарымен жұмыс істеу дағдысы бар жеке құрамның қызметкерлерінен құрылады. Ол күштер мен құралдарды сенімді басқаруды қамтамасыз етуге бейімделеді. Радиоқұралдарының байланысын қолдану және жұмыс тәртібін жедел штабтың бастығы анықтайды;
9) қоршау (блоктау) тобы - полицияның саптық бөлімшелері және ішкі әскер бөлімшелерінің (олар жұмылдырылған жағдайда) жеке құрамынан құрылады. Топ азаматтардың енуін шектеу, қоршау (блоктау) ауданына белсенді түрде енуге тырысқан адамдарды сүзгіден өткізу пунктіне бағыттау, құқық бұзушыларды ұстау, іс-шара өткізілетін ауданға бөтен көліктің өтуін тоқтату мақсатымен жергілікті тиісті ауданын қоршауды (блоктауды) жүзеге асырады. Қажетті жерлерде азаматтарды, көлікті ұйымдасқан түрде өткізу, құқыққа қарсы қимылдардың ұйымдастырушылары мен белсенді мүшелерін анықтау (ұстау) үшін БӨП құрылады;
10) құқық бұзушылықтарды тіркеу тобы - криминалдық полиция бөлімшелерінің қызметкерлерінен құрылады, сырттай (визуального) бақылау, фото суретке түсіру, бейне және дыбыс жазбалары құралдарымен жабдықталады. Оқиға болған жерде құқыққа қарсы қимылдарды құжаттауды, жөткізілген құқық бұзушыларды тексеруді қамтамасыз етеді. Жаппай іс-шаралар өткізу кезінде қоғамдық тәртіп пен қауіпсіздікті қамтамасыз ету үшін тек нақты қажетті күштер мен құралдар саны жұмылдырылуы тиіс. Нарядтар жүргізілген іс-шараның таралуына қатысты қимылға енгізіледі, ал қажеттіліктің төмендеген жағдайында тез арада алынады және резервке ауыстырылады.

Жаппай іс-шараларды өткізу күні қызметтер мен бөлімшелердің бастықтары жеке құрамды және оның жабдықталуын тексеру, дербес топтардың жетекшілерімен жұмыс нұсқамасын жүргізеді, және жоспарланған іс-шараның басталу уақытындағы, өткізу тәртібіндегі болуы ықтимал өзгерістер және жедел жағдайдағы басқа өзгерістер туралы хабарлайды, бар күштер мен құралдардың қойылуын қамтамасыз етеді; іс-шараның ұйымдастырушыларымен өзара іс-қимыл белгіленеді.

Жаппай іс-шара жүргізу кезінде нарядтар:
1) қойылған міндеттерді білуге және мүлтіксіз орындауға;
2) қызмет өтеу барысында үрей және топтық құқық бұзушылықтың тууын ескерте отырып, әсіресе, қоғамдық тәртіпті бұзудың алдын алу барысында ерекше қырағылық пен ұстамдылықты сақтауға;
3) көрсетілген жерде болуға және арнайы рұқсатсыз қызметтің сеніп тапсырылған учаскесін тастамауға;
4) жаппай іс-шара өткізу орынынан мас күйіндегі адамдарды, және басқа да қоғамдық тәртіп бұзушыларды шығаруға;
5) іс-шара өткізуді, қоғамдық тәртіп пен көрермендер және қатысушылардың қауіпсіздігін қамтамасыз етуді күрделендіретін жағдайлар орын алған жағдайда объектідегі тәртіпті сақтау үшін жауапты адамға тез арада баяндауға тиіс.

Қоршау аймағында тұратын немесе жұмыс істейтін азаматтар тұратын жерлеріне өткізудің жарияланған тәртібіне сай өткізіледі.

Ішкі істер органы бастығының (штаб жетекшісінің) шешімі бойынша қажеттілік шамаланған жағдайда жап


mylektsii.ru - Мои Лекции - 2015-2020 год. (0.071 сек.)Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав Пожаловаться на материал