💸 Как сделать бизнес проще, а карман толще?

Тот, кто работает в сфере услуг, знает — без ведения записи клиентов никуда. Мало того, что нужно видеть свое раписание, но и напоминать клиентам о визитах тоже. Проблема в том, что средняя цена по рынку за такой сервис — 800 руб/мес или почти 15 000 руб за год. И это минимальный функционал. Нашли самый бюджетный и оптимальный вариант: сервис VisitTime.
⚡️ Для новых пользователей первый месяц бесплатно. А далее 290 руб/мес, это в 3 раза дешевле аналогов. За эту цену доступен весь функционал: напоминание о визитах, чаевые, предоплаты, общение с клиентами, переносы записей и так далее.
✅ Уйма гибких настроек, которые помогут вам зарабатывать больше и забыть про чувство «что-то мне нужно было сделать».
Сомневаетесь? нажмите на текст, запустите чат-бота и убедитесь во всем сами!

Гъвечiи гада дакiарда

Пакамалай дагъдин хуьре

Циф гьатнава илисна.

Квахьна михьиз гуьзел дере,

Дагъ аквазмач хкисна.

ГъвечIи гада – текдиз кIвале

(Диде-буба – кIвалахдал)

Дарих хьанва сугъулвиле –

Ялгъузвилин бужахда.

Дуьньядиз са ава пенжер,

Гьамни – аби экран я.

Килигзава: вуч эйбежер

Дуьнья я им, девран я.

Ягъун-рекьин, кьуру лагълагъ,

Мусибатдин хабарар...

Бес дуьньяда амачни рагъ,

Шадвилерин шагьварар?..

Гена къецел алахьна циф.

КIвалин дакIар ахъайна,

Гадади гьикI цавар алциф

ЖезватIа вил эляйна.

Ачух хьана дагъдин кукIуш,

Къацу гуьзел гирвеяр.

Мад бажагьат идалай хуш

Ава маса дереяр!

Ина лекьер ава цава,

Яд михьи я булахра.

Тек кфилди агъзур гьава

Хъичирзава яйлахра.

Инсанарни чилер-цавар,

ТIебиат пак икьрарда

Ава ина – Первердигар

Рази жедай рафтарда.

А патахъ и гирведилай

Авайди велвеле я.

Хайи чилин бинедилай

Мягькемди гьи кIеле я?!

«Бес вучиз къе физва патаз

ЧIехи хьайи стхаяр,

Яд шегьеррин гьава чIугваз,

Егъи хьайи стхаяр?»

Гададин кьил суалривди

АцIанва. Ни жаваб гуй?

АцIанва рикI хиялривди –

Къуй гьар сад са суваб хьуй...

ДакIардавай тир са гада

Зунни лап фад чIавара.

Къе, ватандиз ийиз шазда,

Юргъун хьанва яргъара.

Зун экрандай къалурзавай

Гургьагурда рам хьанва.

За хуьруьз рехъ жагъурзава, –

Улам квахьай къам хьанва.

Къариблухдин кьакьан тахтар

Акьадани гъавурда

Хайи чили гузвай бахтар

Усалбур яз акурдан?

2006

* * *

Зи дуст Гьажидиз

Хъфена вун Испикиз,

Хайи чилиз чан-рикIиз.

Ватан ажеб жумарт я,

Хуш няметар виликиз.

Ялгъуз амай дидеди –

КIвал хивевай бендеди

Сач эцигна, чразва

Ваз афарар вергедин.

Вун – рикIик лув акатна,

Гъамарикай хкатна.

Гагь фена вун булахрал,

Гагь чуьллериз аладна.

Ватан я са авайди,

Виридалай къулайди.

Ина рикIел хкведа

Ви кьилел цав алайди.

Жув чир жедай вахт я им.

Ватан – гьахъ гвай тахт я им.

Адан вилик чин чIулав

ХьанвачтIа ви, бахт я им.

Диде чIал вуч ширин я! –

Рахай гьар сад Эмин я.

Хайи чилел жагъайтIа,

Лап ажални ширин я!

2007