💸 Как сделать бизнес проще, а карман толще?

Тот, кто работает в сфере услуг, знает — без ведения записи клиентов никуда. Мало того, что нужно видеть свое раписание, но и напоминать клиентам о визитах тоже. Проблема в том, что средняя цена по рынку за такой сервис — 800 руб/мес или почти 15 000 руб за год. И это минимальный функционал. Нашли самый бюджетный и оптимальный вариант: сервис VisitTime.
⚡️ Для новых пользователей первый месяц бесплатно. А далее 290 руб/мес, это в 3 раза дешевле аналогов. За эту цену доступен весь функционал: напоминание о визитах, чаевые, предоплаты, общение с клиентами, переносы записей и так далее.
✅ Уйма гибких настроек, которые помогут вам зарабатывать больше и забыть про чувство «что-то мне нужно было сделать».
Сомневаетесь? нажмите на текст, запустите чат-бота и убедитесь во всем сами!

Яд къадрида

Сонет

Лезгийрихъ ихьтин са мавгьумат

ава: яд къадрида гьатайла, яни

йигиндиз авахьна физвай кIамун

ва я вацIун гьерекат са легьзеда

юзан тийиз акъваздай кьит вяде

жеда, гьа и макъам акурла тIала-

бай мурадар кьилиз акъатда.

Алпан вацI – Самур, Кьулан вацI – Самур,

Вучиз чун чпел чIугвазва цери?

Гьар са лезгидин ацIанватIа хур

Гъамарив дерин, бахтар яз кьери?

Йисара агъзур – ккIара какур

Мурадрин къилав тахьана къуьруь,

Гьатда лугьуз яд къадрида, сабур

Хуьзва лезгийри ятарив дири.

ТIалаб ийирвал мурадар кьилин,

Мубарак легьзе акур са инсан

ХьанатIа яраб? Лугьуз я четин.

ЯтIани, санлай халкьдиз я аян:

Аквада гьатна къадрида ви яд –

Хъжеда садра чи Лезгистан сад.

28.02.2004

* * *

Чи Жамидин муаллим тир тамада –

Яшайишда, межлисрани чIалара:

Илгьам вини кIваче жедай тIамада,

Зарафатдив экв куькIуьриз гафара.

«Халичаяр вегь, – лугьудай, айванрал!» –

Хъфей чIавуз хайи муказ – Муграгъиз.

Кьил чIугвадай ада багъри инсанрал,

Гьар са касдин щалвиликай са дагъиз.

Кьилин къанун яз Жамидин-малимди,

Пак дуьа хьиз, эзбердай гьар макъамда:

«Итимвилин ранг хас хьурай итимдиз,

Квахьдач а ранг, туртIани вич лакьанда!»

«Свас» лугьудай ада вичин юлдашдиз,

Дустар галай суфра къени ийизвай.

Адан мердвал, къуьлуьн ник хьиз, фарашдиз

ЭкIя хьанвай, рикI, къелем хьиз, хцизвай.

«Гьар са кардиз герек я кас кьил кьадай» –

Кьиле жедай ам хийирлу крарин.

Куьмек тIалаб ийизвайдан гъил кьадай,

Им са пай тир ганвай адаз цавари.

Хъсанвилер, гьуьрметарни итимвал

Ядигар яз тунватIани жемятдиз,

Гьиссзава къе Жамидинан лазимвал

Гьар са кIвали, хъвер гьатзавай кьегьятдиз.

Чи арада амачирла тамада,

АкI я, амач дерт кьезилдай гафар дуьз.

Ам галайла, кьуьд цуьк алаз аквадай,

Гатфарни къе аквазмач хьи гатфар хьиз.

2004

ГЬЕЙ, КУЬН…

Гьей, куьн, дуьнья тIуьна-хъвана

Тух тежербур, аваз хазна!

Квез куьн ксар хьиз авани?

Квез куьн гъуцар хьиз авани?

Куь кIвалахар, гьерекатар

Дуьзгуьн крар хьиз яни квез?

Инсанвилин берекатар

Хуьдай банкар чиз яни квез?

Гьикьван хьурай такьаз хабар:

Бахтикъара гьи чан я?

Ам зун я, зун – жанлу къабар,

Зун инсан я, инсан я!

Вири гъамар, хажалатар

Зи кIула пар ийидани?

Керематар, аламатар

Икьван самбар ийидани?

Зун Аллагь туш, я пачагь туш,

Я игит туш, я сиягь туш,

Я нацI туш зун, я туш буьтIруьк,

Я къван туш зун, захъ ава рикI,

Захъ руьгь ава, намус ава,

Руьгьдавайди иман я,

Захъ мез ава, кьве пIуз ава,

Зун инсан я, инсан я!

Зун яшамиш хьун лазим я,

Руьгьдив бегьер гун лазим я.

Зав цегв, зав чIиж гекъиг жеда.

Бес куьз бахт зи эксик жеда?

Зи зегьметриз къимет амач,

Ватандихъни къастар амач,

Инсанвилиз гьуьрмет амач,

Угърашвилиз дапIар амач.

Куьн Аллагьни маса къачуз

Гьазур я – заз аян я.

Гьадани квез жеда лугьуз:

«Зун инсан я, инсан я!»

21.12.2004