Теле. И.Шумилкин (Зима).

Ютась сёксесь – сырнень шкась.

Инжекс тенек телесь сась.

Стукадсь кенкшес мезе моць –

Мазый викшневкст вальмас содсь.

Чийсь сон велязь тей ды тов –

Ацась честе ашо лов.

Ёвтнема «Пиже озяз» (сказка «Синичка»).

Зинань сэредсь пильгезэ. Минь сыргинек больницяв. Ардынек лишмесэ. Ваксозонок валгсь пиже озяз.

- Вай, кодамо мазый! Эрьга мон сонзэ эждяса.

Зина кекшизе сонзэ тулупонть потс. Зина арсесь нолдамс пиже озяскенть. Сон таргизе тулупонть потсто.

- Ливтяк, тесэ оно зяро ялгат.

Пиже озяскесь неизе Зинань варьганть ды эцесь потмозонзо.

- Лембенть маризе. Мусь пизэ. Эно кадык.

Больнницяв совамсто каршонок вастовсть колмо цёрынеть.

- Максынк миненек нармушканть. Минь сонзэ школав кандсынек, - пшкадсь вейкесь.

- Кода, Зина, макссынек?

- Саинк, - састыне мерсь Зина. – Паряк, васня андомаль, а?

- Иля мелявто. Минек школасо эрьва мезе ули.

Сынь саизь пиже озяскенть, ёвтасть сюкпря.

Быличка «Вирява» (Лесная женщина).

Ломанесь мольсь вирев пангс. Лиссь каршонзо Вирява ды давай сонзэ кутькавт. Ломанесь пенгенть лазызе узерьсэ, путовтызе тозонь Виряванть кедензэ ды узеренть таргизе. Вирявантень кармась улеме пек, сон кевкстни церанть:

- Кода тонь леметь?

- Мелят, - мери ломанесь.

Цёрась оргодсь, куйсь чувто пряс, Вирявась жо ранги:

- Мелят! Мелят!

Виресь гай моли. Пуромсть Виряватне, пешкедсь те таркась. Кармасть кевкстнеме, кие истя теизе. Вирявась мери, што тень теизе ломань. Вейкесь эйстэст кевкстни:

- Ды кие эно сон, кона шкане сакшнось?

- Мелят! – отвечась Вирявась.

-Ней косто сайсынек, бути мелят ульнесь?

Ды сынь тусть, тона жо кадо:

- Мелят! Мелят!

Человек пошел в лес за грибами. Вышла навстречу Лесная женщина и давай его щекотать. Человек расколол бревно топором, велел Лесной женщине сунуть туда руки, а топор вынул. Лесной женщине стало больно, она спрашивает парня:

- Как тебя зовут?

- Мелят (второе значение слова «в прошлом году»), - говорит человек.

Парень убежал, залез на дерево. Лесная женщина же кричит:

- Мелят! Мелят!

Лес загудел. Собрались Лесные женщины. Стали расспрашивать, кто так поступил с ней. Лесная женщина говорит, что сделал это человек.

Одна из них спрашивает:

Да кто же он, в какое время приходил?

- Мелят! – ответила Лесная женщина.

- Теперь, где возьмем его, если в прошлом году был?

И они ушли, та же осталась и кричит:

- Мелят! Мелят!

Паро умарина (песня «Яблонька»).

Чувтось паро умарина,

Чувтось мазый умарь чувтось.

Козонь чачнесь умаринась?

Козонь каснесь умарь чувтось?

Вай, покш вирень вирь куншкинес.

Масторонь перть ундоксонзо,

Менель келес тарадонзо.

Кедь келешкат лопинензэ,

Керьксазь, керьксазь цветкинензэ,

Лов покольнеть панчткинензэ,

Покш мокшнашкат умарензэ,

Кона пельде чизэ лиси,

Якстерть молить умарензэ,

Кона пелев чизэ валги,

Ашолт молить умарензэ.

Ки неизе умаринанть?

Ки редизе умарь чувтонть?

Яки-паки киска-бояр,

Моли-юты пине-азор.

- Мон керяса умаринанть!

Мон сявордса умарь чувтонть!

Костясынь мон тарадонзо,

Пужовтсынь мон лопинензэ.