Вход. Прокимен дне. И чтения три.

На Велицей вечерни.

На Господи, воззвах: стихиры, глас 4.

Подобен: Яко добля:

Истины водруж+ение, / и веры утвержд+ение, / и догм+атов хранителя тя знаем, / благочестия рачителя, чистоты селение/ и приятелище из­бранное Духа, / и превеликое сокровище учений, / и основание Христовы Церкве, // священноявленне богодухновенне Александре.

Апостолов преемника, / страд+алец единонравна, / постников единоревн+ителя восхваляем тя, / и уч+ителей печать, /и божественное изображение, / Христова тайноводителя, боготочную реку разумений, / беззаконников и хульников мысли потопляющу, // всехвальне Александре.

Премудрости талант умножив, пребогате, / радости сподобился еси Господа твоего./ Испещрен благодатию/ Божественнаго сияния/ и зарею сияя духовною, / ныне предстоиши/ Деснице Жизноносней, // лучами всегда облистаемь, // славне Александре.

Слава, самогласен, глас 6:

Излияся благодать во устнах твоих, / преподобне отче Александре, / и был еси пастырь Христовы Церкве, / уча словесныя овцы// веровати в Троицу Единосущную во Единем Божестве.

И ныне, Богородичен: Кто Тебе не ублажит:

Вход. Прокимен дне. И чтения три.

Премудрости Соломоновы чтение (глава 3):

Праведных души в руце Божией, и не прикоснется их мука. Непщева-яи быша во очесех безумных умрети, и вменйся озлобление исход их, и еже от нас шествие, сокрушение; они же суть в мире. Ибо пред ли-цем человеческим, аще и муку приймут, упование их безсмертия исполнено. И в мале наказани бывше, великими благодетельствовани будут, яко Бог искуси я и обрете их достойны Себе. Яко злато в горниле, искуси их, и яко всеплодие жертвенное, прият я. И во время посещения их возсияют и, яко искры по стеблию, потекут. Судят языком и обладают людьми, и воцарится Господь в них во веки. Надеющийся Нань разумеют истину и вернии в любви пребудут Ему. Яко благодать и милость в преподобных Его и посещение во избранных Его.

Премудрости Соломоновы чтение (глава 5 и 6):

Праведницы во веки живут, и в Господе мзда их, и попечение их у Вышняго. Сего ради приймут Царствие благолепия и венец доброты от руки Господни, зане десницею покрыет я и мышцею защитит их. Приймет всеоружие рвение свое и вооружит тварь в месть врагом. Облечется в броня правды и возложит шлем суд нелицемерен. Приймет щит непобедимый, преподобне, поострит же напрасный гнев во оружие, спо-борет же с ним мир на безумныя. Пойдут праволучныя стрелы молниины, и, яко от благокругла лука облаков, на намерение полетят. И от камено-метныя ярости исполнь, падут грады, вознегодует на них вода морская, реки же потопят я нагло. Сопротйв станет им дух силы и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте, навыкните, судий концев земли. Внушите, держащий множества и гордящийся о народех язык, яко дана есть от Господа держава вам и сила от Вышняго.

Премудрости Соломоновы чтение (глава 4):

Праведник, аще постигнет скончатися, в покои будет. Старость бо честна не многодетна, ниже в числе лет изсчитается. Седина же есть мудрость человеком, и возраст старости житие нескверное. Благоугоден Богови быв, возлюблен бысть и живый посреде грешник преставлен бысть. Восхищен бысть, да не злоба изменит разума его, или лесть прельстит душу его. Рачение бо злобы помрачает добрая, и парение похоти пременяет ум незлобив. Скончався вмале, исполни лета долга, угодна бо бе Господеви душа его. Сего ради потщася от среды лукавствия. Людие же видевше и не разумевше, ниже полбжше в помышлении таковое, яко благодать и милость в преподобных Его и посещение во избранных Его.