Студопедия

Главная страница Случайная страница

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






МАД ВУЧ КIАНДА, АЗИЗДИ, ВАЗ?




КукIвар ая зун, ая зун кIус-кIус,

Зи цIугъдикайни туькIуьра макьам.

Зи жегьилвилин цуькведиз кьуьл гуз,

Куг зи мурадар,зи йисар хуррам.

Зун такабур я лугьуз, къвез хъилер,

Зи гьар гимандал ая на хъверер.

Ма, акъуд зи рикI! Жедайвал рази,

Хъухъ ам сагълугъдай диливилин зи!

ЛУГЬУМИР, ЯР, «БЕС ХЬУРАЙ!»

Гьяд йикъал рикI ала зи,

Гуьруьшдихъ вил гала зи.

РикIе ашкъи-цIай ава.

Зи цIуз жаваб – пай ава.

Гьяд югъ – югъ я мурадрин,

Сад рикIерин ниятрин.

Кьве руьгьдикай сад жеда,

Къаних чIавуз дад жеда.

Са фейжандай шадвал-гъам

Хъунухъ чна – бахт я ам.

Чаз хъвадай гьевес хьурай,

Лугьумир, яр: «Бес хьурай!»

Бес хьурай чун къакъатун…

Гьяд югъ я чи агатун.

 

ГАЛАТНАВА ЗУН!

Ашкъидикайни галатнава зун, уьмуьрдикайни галатнава

зун!

Вафадикайни, вафасузвилин шийирдикайни галатнава

зун!

Хиялрикайни галатнава зун, манийрикайни галатнава

зун!

Къизхилгуьллерин атиррикайни, дердийрикайни галатнава

зун!

Гьам вацракайни галатнава зун, йиферикайни галатнава

зун!

Алемдикайни галатнава зун, гъетерикайни галатнава зун!

КIанидакайни галатнава зун, гаф тахуьникай галатнава

зун!

Кьенва зи гьиссер, галамач мад вил, жув текьиникай

галатнава зун!

УЖУЗДИ

Уьмуьр, руг хьиз, я ужуз затI,

Заз сифтедай тир ам лацу булут хьиз,

Харжна за ам, ийиз барбатI,

Кана зи цуьк – зи жегьилвал, барут хьиз.

Гуьзелни тир, яйлах хьиз, ам,

Тир хьи заз чар булах хьиз ам,

За шадвал-гъам хъвана адан фейжандай.

Гьай авачир суракь хьиз, зун,

ЦIай амачир яракь хьиз, зун

Къе, рехъ квахьна, къекъвезва зи гьижранда.

АХВАР ХУНИН ЮРГЪУНВАЛ

Ваз къугъвадай са затI хьана муьгьуьббат,

Ахвар хунин юргъунвал.

Амма ваз чир хьайиди туш гьакъикъат –

Ви писвилин азгъунвал.

Къугъвана вун шумудни са кьисметдив…

Шумудни са рикI вегьена кIвачерик,

Русвагьна на, агъузна на цифретдив…

Зазни мани янай на хуш сесерив…

Заз акI тир хьи, ни ятIани аваз ви

Сефил ийиз, адан мана чIурзава.

Гьар сад анжах кур вилерай акваз ви,

За фикирнай, гьарда жув икI хурзава.

Гила зи рикI хана вакай, саймазди,

ЯтIани зун ваз машгъулат яз ама.

Ахвар хунин юргъунвал, ви аяздиз

Эсер жедач, ашукь тир са кас амаз.

ЭКУЬНИКАЙ АТАЙ ЭКВ

Мигьрабдавай чирагъдин экв

Каинатдин дугуна

Заз, цаварин акахьиз рекIв,,

Рушаз элкъвез акуна.

Ава адахъ варз хьтин чин,

Агь акъудиз хурай зи.

Вилер дерин, вилер эркин –

РикI секин гьикI хьурай зи?!

Мили хъуьруьн суьгьуьрда тваз

Ава гьар са авара.

«Я Сад Аллагь, шукур хьуй Ваз,

И мужизат къалурай чаз!» –*

Ванер гьатна цавара.


mylektsii.ru - Мои Лекции - 2015-2019 год. (0.005 сек.)Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав Пожаловаться на материал