💸 Как сделать бизнес проще, а карман толще?

Тот, кто работает в сфере услуг, знает — без ведения записи клиентов никуда. Мало того, что нужно видеть свое раписание, но и напоминать клиентам о визитах тоже. Проблема в том, что средняя цена по рынку за такой сервис — 800 руб/мес или почти 15 000 руб за год. И это минимальный функционал. Нашли самый бюджетный и оптимальный вариант: сервис VisitTime.
⚡️ Для новых пользователей первый месяц бесплатно. А далее 290 руб/мес, это в 3 раза дешевле аналогов. За эту цену доступен весь функционал: напоминание о визитах, чаевые, предоплаты, общение с клиентами, переносы записей и так далее.
✅ Уйма гибких настроек, которые помогут вам зарабатывать больше и забыть про чувство «что-то мне нужно было сделать».
Сомневаетесь? нажмите на текст, запустите чат-бота и убедитесь во всем сами!

Жуьгьенар

Чубарукар кIвале

Лезги са хуьре зун зи хванахвадал илифна. Мугьманрал рикI алай иесиди зун гъилин ва рикIин жумартвилелди кьабулна. Хъфидайла, ада, вичиз атай-хъфейди кьабулдай чкаяр гзаф авайди ва зун мадни хтунихъ вич цIигел тирди малумарунин лишан яз, заз вичин чIехи кьве мертебадин дараматда авай са-са кIвал къалурна:

– Мус кIантIани, я дустар, я хзанар галаз, хъша, – ла-гьана ада заз. – Чкаяр виридаз бес жеда.

Са кIвале зи вил дагъдин лацу чепедай асуннавай цлал алай розеткадинни выключателдин кьилелай цлак ккIанвай кьве мукуна акьуна. Абур чубарукрин мукар тир. Гьикьван мукьуфдивди, гьикьван гуьзелдиз абур туькIуьрнавай хьи, палчухдин чIунар гатфарин къушари кIуфара кьаз гъиз сад садал гьалчиз мягькемдиз эцигнавай и «имаратрал» гьейран ва мягьтел тахьана амукьун мумкин кар тушир.

Зи тажубвал акур кIвалин иесиди зи мецел къвез гьазур хьанвай суалдиз суалдалди жаваб гана:

– Ваз абур и кIвале гьикI хьайибур ятIа чириз кIанзавани?

– Чубарукри, адет яз, айванрик мукарда эхир, – лагьана за.

– Вун гьахъ я, – жаваб гана хванахвади. – Мукар ийидайла, и кIвал айван тир. Ахпа кIвалерихъ цIийи кIвалер гихлитIдайла, виликан айвандикай кIвал хьана.

– АкI хьайила, мукар ичIибур я ман?

– Абур са йисузни ичIи жезвайди туш. Гьар гатфариз чубарукрин цIийи несилар, яни алатай йисуз чеб шарагар хьайибур цIи шарагар ахъайиз хквезва. Гьар хтайла, абуру, гьараяриз, чпикай хабар гуда. Чна дакIарар ахъайда. И кIвал чубарукрин кIвал я. Абуруз, и кIвале ксар хьайитIани, кичIе жедач; чпин шарагриз ем гуз-хъфиз жеда, йифиз ксузни хкведа. Абуруз чпиз и кIвале инсанрикай зиян авачирди чида.

Чубарукри нин кIвалин айвандик муг авунватIа, а касдин бахтар ачух жедайди яз гьисабда лезгийри. Гатфар гъидай къушарин мукар чукIурун гунагь я лугьуда. Ихьтин инанмишвилерал амал авуни зи хванахвадин инсанвилин дережа гьар са мугьмандин вилик хкажзава.

Зи дустунин гъилин ачухвилизни, руьгьдин жумартвилизни, мугьманрал рикI хьунизни къуват адаз вичин кIвале гьамиша чубарукрин мукар авайвилин фикирди гузватIа?

Заз чиз, анжах гьакI я.

Гатфариз чубарукриз дакIарар ахъайзавайвал, ада ярар-дустариз ва мугьманриз, гьи чIавуз атайтIани, ракIap ачухзава, рикI ахъайзава, ам халкьдин дувулралди – къадим адетралди яшамиш жезва.