XXIX. Что Он есть Царь, который будет царствовать во веки

У Захарии: рцыте дщери Сионове ⁴: се, Царь твой грядет тебе праведен и спасаяй, той кроток и вседе на подъяремника и жребца юна (9, 9). Также у Исаии: кто возвестит вам место вечное? ходяй в правде... и руце отрясаяй от даров; отягчаваяй уши, да не услышит суда крове; смежаяй очи, да не узрит неправды. Сей вселится в высоце пещере камене крепкаго; хлеб ему дастся и вода его верна: Царя со славою узрите (33, 14–17). И у Малахии: Царь велий Аз есмь, глаголет Господь Вседержитель, и имя Мое светло во языцех (1, 14). То же в псалме 2 (ст. 6–7): Аз поставлен есмь Царь от него над Сионом, горою святою Его, возвещаяй повеление Господне. И в псалме 21 (ст. 28–29): помянутся и обратятся ко Господу вси концы земли, и поклонятся пред Ним вся отечествия язык; яко Господне есмь царство и Той обладает языки. И в псалме 23 (ст. 7–10): возмите врата князи ваша, и возмитеся врата вечная, и внидет Царь славы. Кто есть сей Царь славы? Господь крепок и силен, Господь силен в брани. Возмите врата князи ваша, и возмитеся врата вечная, и внидет Царь славы. Кто есть сей Царь славы? Господь сил, Той есть Царь славы. И опять в псалме 44 (ст. 2–5): отрыгну сердце мое слово благо, глаголю аз дела моя цареви; язык мой трость книжника скорописца. Красен добротою паче сынов человеческих, излияся благодать во устнах Твоих; сего ради благослови Тя Бог во век. Препояши мечь Твой по бедре Твоей, Сильне. Красотою Твоею и добротою Твоею и наляцы и успевай и царствуй, истины ради и кротости и правды. В псалме 5 (ст. 3–4): Царю мой и Боже мой, яко к Тебе помолюся, заутра услыши глас мой, заутра предстану Ти и узриши мя. И в псалме 96 (ст. 1): Господь, воцарися, да радуется земля; да веселятся острови мнози. И опять в псалме 44 (ст. 10–12): предста царица одесную тебе, в ризах позлащенных, одеяна преиспещрена. Слыши дщи, и виждь, и приклони ухо твое, и забуди люди твоя и дом отца твоего, и возжелает царь доброты твоея: зане Той есть Господь твой. Еще в псалме 73 (ст. 12): Бог же, Царь наш, прежде века содела спасение посреде земли. Также в Евангелии от Матфея: Иисусу же рождшуся в Вифлееме Иудейстем во дни Ирода царя, се, волсви от восток приидоша во Иерусалим, глаголюще: где есть рождейся Царь Иудейский? видехом бо звезду Его на востоце и приидохом поклонитися Ему (2, 1–2). И в Евангелии от Иоанна Иисус сказал: Царство Мое несть от мира сего; аще от мира сего было бы Царство Мое, слуги мои убо подвизалися быша, да не предан бых был Иудеом; ныне же Царство Мое несть отсюду. Рече же Ему Пилат: убо царь ли еси Ты? Отвеща Иисус: ты глаголеши, яко Царь есмь Аз; Аз на сие родихся и на сие приидох в мир, да свидетельствую истину; и всяк, иже есть от истины, послушает гласа Моего (18, 36–37).