Григорий,милостию Божиею архиепи­скоп константинопольский Новаго Рима и вселенский патриарх.

Великоименитая Премудрость Отча, не­пременный образ присносущия Его и перво­родный всей твари, иже за неизреченное че­ловеколюбие Свое человек бысть, восхоте падшаго воздвигнути человека, возведе его не точию к первоначальней его славе, но и вышшия чести сподоби, украси его высоким архиерейства достоинством, увенчав его сла­вою и честию по подобию Своему, во еже о людских неведениях приносити жертву, вхо­дя во внутреннее олтаря, идеже предотеча за нас вниде Христос и облече в таинствен­ную силу божественных дарований Пресвятаго Духа, преподавати верным к просвеще­нию и освящению: да тако предпоставлен быв и озарен от божественныя благодати, аки столп огненный возможет предводити нова­го Израиля в таинственную обетования зем­лю. Сице убо и мерность наша всевысочайшим промышлением Божиим удостоившися одержавати святейший сей апостольский патриаршеский вселенский престол и подчиненныя ему церкви недремлющима очима посещати и укрепляти, якоже подобает ко спасеню, видевши святейшую Босанскую митро­полию вдову, оставшуюся [без] законнаго ея архиерея господина Вениамина, уже от жи­вота скончавшагося и к небесным обителем преложшагося. И должность признавши оте­ческую, немедленно другаго вместо онаго поставити потрудихомся, и все тщание приложихом к обретению достойно восприяти имущаго духовное сие промышленные. Тем же и повелевше нашею патриаршею властию бытии правильному избранию во всечестнем патри­аршеском храме святаго славна го великому­ченика Георгия Победоносца в царствующем сем граде находящимися преосвященнейшими архиереи, пречестными по Духу Святому возлюбленными братиями и сослужителями нашея мерности. И убо Ефесским господином Хрисанфом, Ираклийским господином Диони­сием, имущим доверие от Никомидийскаго господина Филарета, председателя анкирскаго, господина Герасима и Софийскаго гос­подина Паисия избрася и предпочтеся от всех других высокословеснейший великий протосингел святым Христовы великия Церкви господин Амвросий, яко достойный восприяти архиерейское предстательство и пас­тырский жезл святейшия митрополии Босанския, муж благочестив же и изряден, Богу работаяй и умная очеса высокопарною мо­литвою к Нему возносяй, кроток, смирен, в делании добра не леностен и готов ко всякому благотворению и, вообще рещи, достоин отеческаго наказания, воеже пасти стадо духов­ное и вести ё к спасительной пажити. Чесо ради и предразсудися синодально произвестися на святейшую митрополию Босанскую, сего и мерность наша силою и благодатию Пресвятаго и Всесовершительнаго Духа рукоположихом архиерея и поставихом его митрополита приснаго и правильнаго свя­тейшия митрополии Босанския, и председа­теля духовнаго всея епархии сея, и господина и владетеля всех движимых и недвижимых вещей митрополии сея. Должен есть реченный сей преосвященнейший митрополит Босанский, пречестный по Духу Святому воз­любленный брат и со служитель нашея мер­ности господин Амвросий, пришед в богодарованную ему митрополию сию и приняв корми­ло ея, благословляти, освящати и учити в ней люди Господни и увещавати и наказовати я спасительне, имея власть поставляти чте­цов, рукополагати диаконы и в достоинство презвитерства производити, поставляти духовныя отцы своими подтвержениями и про­чая вся делати, елика присным и господ­ствующим архиереем творити подобно есть, вкупе с седением священнаго сопрестола. Плодособирати же и приимати вся церковныя приходы и оправдания, обычныя и узаконенныя. Должни же и вси в епархии сей нахо­дящийся честнейший клирицы, благоговейный священницы, иеромонахи же и монахи, честнии председатели, старцы и предстоятели и прочее христоименитое исполнение всякаго чина и состояния воздавати его преосвященству всякую честь и благоговение, с прияти­ем и благоразумием, послушествовати и подчинятися ему, якоже присному их пастырю и господствующему владыце, и подати ему с признательностию и послушанием вся подо­бающий ему церковным приходы и оправда­ния, господствующая и случившаяся обычныя и узаконенным, си есть, спомоществованыя честолюбныя, правильным подати, от брако­сочетаний и торжеств церковных, помест­ную милостыню, подать за вечное поминание душ, предложения четыредесятныя за упо­коение душ и все прочее обычное поместное узаконенное. Поминати же и правильное его имя во всех священных совершениях и иссле­дованиях, якоже узаконено есть, и притекати и помогати ему во всех церковных его ну­ждах и делах, и ни в чем противитися или прекословити ему безчинием: ибо бываемая его преосвященству честь, благоговение, по­слушание и покорность на нас возносится, а чрез нас к Самому Богу, Котораго образ ар­хиереи на земли носят. А противная побелен­ному делаяй, и умом развращенным архиерею противитися хотяй, или прекословяй, или удерживаяй обычественных его приходов, а не воздаяй достодолжную ему честь и послу­шание, таковый якоже гордый несмысленник божественным негодованием накажется, а и от нас тяжчайшим запрещениям подверг­нется. На сия убо вся издадеся настоящее патриаршеское на коже (пергамене) писан­ное деятельное подтвержение и дадеся вышереченному преосвященнейшему митропо­литу Босанскому, по Духу Святому возлюб­ленному брату и сослужителю нашея мерно­сти господину Амвросию, к собственному и всегдашнему его утвержению. В лето спасе­ния 1835, месяца сентября 9, индикта 9.

На подлинном подписано: