Студопедия

Главная страница Случайная страница

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






Террористік немесе экстремистік қызметті қаржыландыру және терроризмге не экстремизмге өзге де жәрдемдесу




Аталып отырған бұл қылмыстың қоғамдық қауіптілігі экстремизмді немесе террористтік қызметті қаржыландыру нәтижесінде террористік әрекет жасау қатерінің туындауымен, адамды өлімге әкеп соқтыру қаупінің пайда болуымен, елеулі мүлікті шығын әкелу не өзге де қоғамдық қауіпті зардаптар келтіруімен, қоғамдағы жағдайы тұрақсыздандырумен көрінеді.

Бұл қылмыс объектісі қоғамдық қауіпсіздік.

Объективтік жағы экстремизмді немесе террористтік қызметті қаржыландыру арқылы танылады.

Террористтік қызмет деп, адамның өз іс-әрекетінде террорды пайдалану әрекеттерін, яғни өзінің саяси қарсыластарын қорқыту, үрейлендірімен тіпті қырып-жоюға ұласатын күш көрсету әрекеттері танылады.

Экстремизм деп, барып тұрған көзқарастар мен шараларға бой ұрушылық танылады.

Қаржыландыру деп өзінің қызметін террорлық қызметті жабдықтау және экстремизмді ақша қаражатымен қолдау көрсетуге пайдалану танылады.

Қылмыс кінәлі адамның қарастырып отырған әрекеттердің объективтік жағын орындаған сәтте аяқталған болып саналады.

Субъективтік жағынан өзінің экстремизмді немесе террористтік қызметті қаржыландыру әрекетінің қоғамдық қауіптілігін ұғынуымен көрінетін тура ниетпен сипатталады және соның болуын қалайды.

Субъектісі – 16 жасқа толған, есі дұрыс, жеке адам.

ҚР ҚК 233-3 бабының 2- бөлігінде бірнеше рет жасаумен көрінетін саралаушы белгілер қарастырылған.

ҚР ҚК 41-бабының ескертуінде 2-бөлігіне сай 164, 168-171, 233-3, 26, 337-бабының 2 және 3 бөлігінде, 337-1-баппен көзделген қылмыс экстремизмнің белгілері бар қылмыстар деп танылады.

Егер адамның осы экстремизм белгілері бар әрекеттері үшін бұрын сотталған болса, қылмыстық жауаптылыққа тарту мерзімі ескірмеген болса немесе осы қылмысы үшін соттылығы алынып тасталмаған немесе жойылмаған болса, экстермизмді немесе террористік қызметті қаржыландыруды бірнеше рет жасаған деп танылады.



 

 

7.Жетінші сұрақ:Террористік қылмыстар үшін жауаптылық көздейтін ҚК нормаларындағы қылмыстық жауаптылықтан босататын мән-жайлардың түсінігі, қолдану ерекшеліктері және маңызы.

Кез-келген мемлекет кепілдік беретін басты құндылықтарын жауапкершілікпен үрейлендіруді ғана қолдана бермейді, сонымен қатар кінәлілерге тиісті негіздері болғанда қылмыспен күресудің көздеген мақсатына кей реттерде қылмыс жасаған тұлғаны қылмыстық жауаптылыққа тартпай-ақ, оны қылмыстық жауаптылықтан босату жолымен жетуге болады. Қорытындылай кетсек, қылмыстық жауаптылықтан босату институты өте күрделі және тәжірибелік қалыптасудағы институт. Қылмыстық жауаптылықтан босату қылмыстық-құқықтық мәжбүрлеуді біртіндеп жеңілдетумен азайту тенденциясын бейнелейді. Барлық жауаптылықтан босату түрлері әр жағдайда жеке-дара, тұлғаның жеке қасиеттерін терең талдау нәтижесінде және осы тұлғаның қылмыстық жаза шарасын қолданбай түзелуі мүмкін деп танылған жағдайда ғана қолданылуы тиіс. Террористік қылмыстар үшін жауаптылық көздейтін ҚК нормаларындағы қылмыстық жауаптылықтан босататын мән-жайлар аясы тар, ол террористік қылмыстар сипатына қарай өзіне тән ерекшелігі бар. Олардың қылмыстық жауаптылықтан босату үшін қылмыс түріне сай ерекшеленетін шарттар бар. Енді олардың әрқайсысына тоқталсақ ,



ҚР ҚК 233-бабының(Терроризм актісі) ескертуінде терроризм кезіндегі қылмыстық жауаптылықтан босатудың негіздемесі анықталады. Ондай негіздемелер мыналар болып табылады: мемлкеттік органдарды террорлық акті болатындағы жйаында дер уақытында ескерту немесе террорлық актіні болдырмауға өзге де көмек көрсету(өзге де жолдары). Дер кезіндегі ескерту дайындалып жатқан террорлық акті турасында күні бұрын,уақытысында хабарлаумен және билік органдарының террорлық акті басталғанға дейін ескерту шараларының нақты болуымен анықталады.

ҚК 233-3-бап.Террористік немесе экстремистік қызметті қаржыландыру және терроризмге не экстремизмге өзге де жәрдемдесубабының ескертуінде: Күш қолдану қатерімен террористік немесе экстремистік қызметті қаржыландыруды және терроризмге не экстремизмге өзге де жәрдемдесуді жүзеге асырушы және ол туралы ерікті түрде мәлімдеуші, сондай-ақ қылмыстың ашылуына немесе жолын кесуге белсенді түрде жәрдемдескен адам, егер оның іс-әрекеттерінде өзге де қылмыстың құрамы болмаса, қылмыстық жауаптылықтан босатылады.

ҚР ҚК-не 2014 жылы Террористік немесе экстремистік дайындықтан өту(233-5 бап)қосылды. Баптың мазмұны /диспозициясы- Адамның террористік немесе экстремистік қылмыс жасаудың қыр-сыры мен дағдыларын игеруіне үйренушінің көрінеу бағытталған дайындықтан, оның ішінде Қазақстан Республикасының шегінен тыс жерде дайындықтан өтуі.Ескертуінде қылмыстық жауаптылықтан босату негіздері көрсетілген: Осы бапта көзделген қылмысты жасаған адам, егер ол дайындықтан өткені туралы ерікті түрде хабарласа, осындай дайындықтан өткен, осындай дайындықты жүзеге асырған, ұйымдастырған немесе қаржыландырған басқа адамдарды анықтауға септігін тигізсе, оның өткізілген жері туралы ақпарат берсе, егер оның әрекеттерінде қылмыстың өзге құрамы болмаса, қылмыстық жауаптылықтан босатылады.


mylektsii.ru - Мои Лекции - 2015-2019 год. (0.008 сек.)Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав Пожаловаться на материал