Разорение 23-му вопросу и ответу. 8 страница

(л. 444 об.)[1499] Да которое наше неблагодарение есть, аще есть царь доброе семя, его же хощет Господь собрати в житницу свою. Почто его плевелом творишь раскаянием в пожжение огню, якоже и ты хощеши сожжен быти, соблазна ради твоего аки плевел. И аще царь есть сын царствия, почто сына неприязни творишь? Их же ради хощет сын послати аггелы своя собрати от царствия его вся соблазны и творящыя беззаконие, и ввергнут их в пещь огнену, идеже будет плач и скрежет зубом. Обрел ли царь сокровище сокровенно на селе и купи его? Почто раскаевается? Бисер ли драгыи обрел, купил царь? Не (л. 445)[1500] раскаивайся, да не како раскаянием богатства лищився и мзду не получит.

Т ако и Божественный апостол пишет, глаголя: Кождо[1501] свою мзду приимет по своему труду. И по мале. Аще кто назидает на основании сем, злато, сребро, камении честных, дрова, сено, тростие, когождо дело явлено будет, день бо явит, зане огнем открывается. И когождо дело, якоже есть огнь, искусит, и его же дело, аще пребудет, его же назда, мзду приимет. а его же дело аще згорит, отщетится. Тако Анания и Сафира мзду погубиста малаго ради удержания и сами умроста, якоже выше есть (л. 445 об.)[1502] писано.

П аки пишешь, яко знак неблагодарного человека есть[1503] море, которое многия сладкия воды принимает, однако же их пременяет в горкия и солоныя воды. Подобну еси и нарочиту достойну притчю царскаго величества рекл ныне о неблагодарении его к Богу, яко толико того почте Бог на земли царством всея Росии, но он ничто же принесе Господеви и святей велицей церкви, в ней же помазася на царство елеом радости, что любо достойно. Но яко сиру тую обезчести и обнажи всех добрых яко вдову всею Божественною честию, ею же Бог почте, якоже зрится от всех, лишена всех (л. 446)[1504] благих движимых и недвижимых. А яже аще на нас приносишь притчю сию, нимало не примесна. Аще ли о том глаголешь, яже нам царское величество за многия наши труды малое некоторое подаяние даде, недостойно его подаяние наших трудов и болезней. Но и се мы у себе ничто же удержахом к своим похотем, но вси Господеви возложихом, якоже свидетелствуют вещи.

П аки пишешь: Четыре статьи в неблагодарных обретаются пред Богом и пред человеки. Обретаются некоторыя, которыя не узнают добродетелства и николи гласа не вознесут на небо, моля о своих (л. 446 об.)[1505] о своих наставниках, и благодарит Создателя своего за добро, которое им богато дал.

Аще сам еси не достоин видети наши молитвы, о царском величестве бываемы во святей церкви по вся дни и нощи, вопроси от ведущих. Посмотри о себе, лицемере, кто когда твои молитвы видит или слышит, развее свара и смущение. Подобну велми притчю и достойну своего жития ты сам себе изообразил, глаголя: И они такие суть, что боровы, которые желуди ядят, а николи не посмотрят на дуба, которой жолуди родит, иныя неблагодарныя погружают свои добродетели. Тако ты, окаянный человече (л. 447)[1506] неправедный, аки свиния роешь на Божия законы для ради своих скверных прибытков, не смотря на законоположника Христа, глаголющаго: Поминайте слово, еже аз рех вам. И апостол Июда засвидетельствует, глаголя[1507]: Поминайте глаголы прежде реченныя от святых апостол Господа нашего Иисуса Христа, зане глаголаху вам, яко в последнее время будут ругателе, по своих похотех ходяще и нечестиих, сии суть отделяюще себе от единости веры и суть телесни, Духа не имуще.

Такожде и Петр верховный пишет: Сие[1508] уже, возлюбленнии, второе вам пишу послание, в них же возбуждаю вас воспоминанием чистаго смысла, помянути преждереченныя глаголы (л. 447 об.)[1509] от святых пророк и апостол ваших и заповедей Господа и Спаса. Сие прежде ведяще, яко приидут в последняя дни ругателе, по своих похотех ходяще.

И Божественный апостол Павел глаголет: Поминайте наставники ваши, иже глаголаша вам слово Божие. И прочее. И паки пророчествует, глаголя: Дух[1510] же явственне глаголет, яко в последняя времена отступят нецыи от веры, внемлюще духовом лестчим и учением бесовским, в лицемерии лжесловесник, сожженых своею совестию. И по мале. Скверных[1511] и изгнивших басней отрицайся, тако вси бо Господу нашему Иисусу Христу работати не хощут. Будет бо (л. 448)[1512] время, егда здраваго учения не послушают, но по своих похотех изберут себе учителя, чешими слухом, от истинных отвратятся и к басням уклонятся. Како прелщенне умом и не полный разумом, не престанешь баснословя. Господь наш Иисус Христос заповедует ти, и вси святии пророчи и апостоли повелевают поминати заповеди Божия и святых пророк и апостол предания. А ты без всякого стыда хулиши и хвалишеся внешними суесловии и баснословии, паче же бесовскими учении.

П аки глаголеши: Такие были июдее, что хулили Моисея и самого Господа Бога, которыи им дал манну и мясо заутра и вечере. Аще мнишь, (л. 448 об.)[1513] ответотворче, на царя что хуля, ни, не буди то, но злобу и неправду оглаголую. А еже на Моисея, раба Божия иерея, и на Бога хулили жидове, и за то их великое прегрешение земля пожре, якоже во псалмех пишет: И[1514] прогневаша Моисея в стану и Аарона, святаго Господня, и отверзеся земля и пожрет Дафана и пожрет на сонмощи Авирона.

И аще Божие человеколюбие не стерпев и ныне восхитивших сами на ся священство, якоже Дафан и Авирон, повелит земли пожрети, не жалея, или якоже и кадило грешно принесших, огнь разжегшися во сонме их и попалит грешники, не печалую.

П аки глаголеши: Иныя неблагодарныя (л. 449)[1515] забывают добродетелств приняты, с чево тот вирш, неблагодарной человек приняв, благодетелство забывает. Глаголал некоторый мудрец: Зло надобно забывать, а добро всегда поминать.

О суетный человече, паки к человеческим баснем отходиши, несть ли о чем писано во Евангелии: Добро творите ненавидящим вас. И паки: Злобу кождо искренему своему да не вспоминает, и оставите, и оставится вам.

И паки глаголешь: Худодетелство на песку писати, а добродетелство на камени вырезать. А мы сопротивно делаем, худодетелство на камени вырезываем, а добродетелство на песку пишем. Мнози древле идолопоклонницы (л. 449 об.)[1516] столпы поставляху каменны и на них написоваху свое беснование, и все исчезоша и погибоша без вести. Доброе, аще и на песку напишется, вовеки не замыется, якоже свидетелствует Евангелие: Написа Христос на песку оставление грехов жене, в прелюбодеянии ятой. Мню, яко и ты не невеси о сем, и есть и доныне твердо. Написа ж Пилат тотло на кресте: Иисус Назарянин, царь Июдеискии, и не отречеся, еже писах, писах. Написаша евангелисти Евангелие и пребывает вовеки.

Н аписа государь царь завет свой ко Господу Богу и Пречистей Богородицы в Ыверской монастырь, его же есть образ выше писан в книге сей, и своею рукою (л. 973 а)[1517] того утверди и златою печатию запечатле. На ней же есть образ Спаса Христа истиннаго ради свидетелства и образ царского величества и знак Московского царствия и всеа Росии. И сия вся ни во что быша, сам великии государь царь не хранит своего завета, и на него зря, и вси людие. Господу свидетелствующу: несть ученик над учителем, ни раб над господином своим довлеет же. Да будет ученик яко учитель его и раб яко господин его.

П о возвращении июдействем от Вавилона, иже отпусти Кир, царь Перскии, по Божественому повелению, повеле же и церковь Божию создати в Иерусалиме, ея же разори Новосодоносор, царь Вавилонскии, и сосуды, их же Новоходосор царь взя (л. 973 а об.)[1518] из храма Господня, вся отдати и убо созидашеся храм Божий от июдей. Оклеветани же бысть к Дарию, царю Перскому от враг. Тогда царь повеле разсмотрети в книгохранителницы, иже бысть поставлена в Вавилоне, и обретено есть. Обрете же ся во Амафу граде тяжком Мидииском тетрать едина, и сие писано бысть в ней на память.

В лето 1-е Кира царя Кир царь повеле, да дом Божии созидается, иже есть во Иерусалиме и место, где пожрут приношение. И положи меру, возносящи высоту лакоть 60 и ширину лакоть 60 и стены от камения толстаго триего и кров от древ един. Оброк же от дому (л. 974)[1519] царева да дасться и сосуди церкви Божии златии и сребрянии, их же Новходоносор взя от церкви, иже во Иерусалиме и принесе их в Вавилон, воздаются и внесутся во церковь во Иерусалим в место, иже и поставлены суть в церкви Божии. Ныне убо дайте князем, иже суть за рекою и сущим далече за Фарвузаною, и советником их Афарсахеи, иже есть за рекою далече отъидет от тех, и отпустите сотворити церковь Божию князи иудейския и старцы, да дом Божии той созидается в месте своем. Но и от мене повелено есть, да ничто не сотворите никогда презвитером жидовским, иже созидают (л. 974 об.)[1520] дом Бога оного. И от тех царей, иже об ону страну реки дают дань прилежно на росход, да дается мужем тем, еже бы не умедлило дело то, и еже аще оскудевает, все давает. Такожде и телцы, и агнецы, и овны во всесожжение Богу небесному, пшеница, соль, вино и елей по обычаю священному, иже суть во Иерусалиме дается им по вся дни, да будут приносяще возношение Богу небесному и да молятся за живот царев и сынов его. И от мене бо поставлено есть повеление, да всяк человек, иже то преступив повеление, возмется древо от дому его и воздвигся и обесится на нем, и дом его мне (л. 975)[1521] да будет взят. И бог, идеже обитает имя его, ту да обратит вся царства и люди, иже прострут руку свою и возбранят и разорят дом Божии, он же есть во Иерусалиме, аз, Дарии, поставих повеление, да дело сие с прилежанием да будет.

З риши ли, ответотворче неправедныи, а паче же, враждотворче, како и еще и невернии царие, паче же идолопоклонницы[1522], заветы не свои точию сохраняху со опаством, но и прежде бывших их, на единой тетрати обретше написанное повеление о церковном здании, ниже рукою царскою утвержденно, ниже печатми запечатленно и клятвами страшными и царскими казнми (л. 975 об.)[1523] устрашенно, но едина тетрать проста, и не сме приложити, якоже ты ныне, враже Божии, царя нашего развращаеши и в таков велик грех вводиши. Не погрешил бы истины[1524] царь наш, аще бы Дария, царя Перскаго, закон исполнил о тебе, враже всякоя правды, якоже выше есть писано. Да всяк человек, преступит повеление, возмется древо от дому его и воздвигся, обесится на нем. Ты же, аще не имееши, яко ворона, дому, от него же взятися древу, на разбойническом древе достойно тя есть повесити. Христу свидетелствующу: Не входяй дверми во двор овчий, но прелазя инуде, тать есть и разбойник.

(л. 976)[1525] П аки глаголеши: Обретаются паки иныя неблагодарныя, которыя добродетелства возвращают на злобы и на убытки. Добродетелство их се есть то, об чом плакал царь и пророк и сего ради возгласил: Суди[1526], Господи, обидищыя мя, побори борющыя мя, воздаша ми лукаваго вместо благаго и безчадие души моей.

Зри, лжесловче, еже о нас глаголеши, яко неблагодарни, которое неблагодарение наше? Что же добродетель царева? Се ли неблагодарение наше, еже отступати от зла? Которые ли убытки от нас царь пострада? Все, елико собраное прежде нас архиерей, движимыя и недвижимыя, веща в патриархии, без всякого страха Божия в потребы свои и сущим (л. 976 об.)[1527] с собою царь усвоил, все чрез Божественныя законы и заповеди онасилова и поработи. Тем же несть подобно ему, государю, глаголати, еже глагола царь и пророк Давид: Гоним от враг своих, но нам, паче гонимым, жаляся Господу Богу на гонителей, да избавит нас от враг наших и не се едино, еже суди Господи обидящих нас, даже до конца, но и приложити к сим. Вознесися, судяй земли, воздаждь воздаяние гордым, доколе грешницы Господни, доколе грешницы восхвалятся, провещают и возглаголют неправду, возглаголю вси делающии беззаконие. Люди твоя, Господи, смириша и достояние твое озлобиша и реша: Не (л. 977)[1528] узрит Господь. И паки: Иже реша да наследим себе святилище Божие. Боже мой, положи их яко коло, яко трость пред лицем ветру, яко огнь попаляяй дубравы, яко пламень пожигаяй горы, тако поженеши я бурею твоею и гневом твоим смутиши я. Исполни лица их безчестия, и да взыщут имени твоего, Господи. Да постыдятся и смятутся в век века, и посрамятся, и погибнут, и уведят, яко имя тебе Господь. Ты един вышнии по всей земли. И паки: Боже[1529], хвалу мою не премолчи, яко уста[1530] грешнича и уста лстива на мя отверзошася. Глаголаша на мя языком лстивым и словесы ненавистными обыдоша (л. 977 об.)[1531] мя и брашася со мною втуне, вместо любве оболгаху мя. Аз же молитву деях и положиша на мя злая возблагая и ненависть за возлюбление мое. И прочее. И паки: Друзи[1532] мои и искрении мои, прямо ми приближашася и сташа, и ближнии мои отдалече мене сташа, и нуждахуся ищущии душю мою и ищущии злая мене, глаголаху суетная и лстивая, весь день поучахуся. Аз же, яко глух, не слышах и, яко нем, не отверзая уст своих. И по мале. Врази же мои живут, укрепишася паче мене и умножишася ненавидящии мя без правды, воздающии ми злая возблагая, зане гонях благостыню. И прочая, по(л. 978)добная[1533] сим, яже несть места и времени зде написатися. А яже великому государю несть достойно глаголати, еже Давид глагола в молитве своей на гонящих его. Суди[1534], Господи, обидящая мя, занеже никим гоним, развее от Бога. Но паче сие ему, великому государю, пристойно глаголати: Пожените[1535] и имите его, яко несть избавляяи. Нам же, бедным, противу сим: Боже мой, не удалися от мене. Боже мой, в помощь мою вонми, да постыдятся и исчезнут оклеветающии душю мою, да облекутся в студ и срам ищущии злая мене.

Р азорение 26-го вопроса и ответа.

Т ы убо, совопросниче[1536], глаголеши, яко Никон (л. 978 об.)[1537] бранил и бранит ныне, что учинил государь Монастырской приказ и посадил на том судить мирских людей и что наставляет по монастырем архимандриты и игумены, котораго он хощет. Аз, Никон, государю не бранил, ни браню, но злобу его оглаголую и не престану.

П ослушай, отчюжденне от Бога совопросниче, како и древле Господь предпочте священство и како хотящих онасиловати перваго патриарха Авраама, о жене его Сарре царь египетцкии неправедно осуди, отъяти жену от мужа жива, его же умучи Господь, дондеже познався, отпусти патриарха с честию и богатством многим. И паки второе того ж патриарха Авраама (л. 979)[1538] Авимелех, царь Герарскии, неправедно разсуди, поят Сарру, жену Авраамлю. И прииде Господь Бог ко Авилемеху нощию во сне и рече ему: Се ты умреши жены ради сея. И возврати Авилемех патриарху Аврааму Сарру, жену его, со многим богатством.

Фараон же неправедно разсуди люди Божия удержати, гневом Божиим искусися. Адам неправедно разсуди от неповеленных коснуся, от рая изгнася. Каин неправедно разсуди о жертве Авеля, неправедно уби, по вся дни живота своего на земли трясыися. Тако и ныне, аще кто чим преобидит архиереов Божиих, сим законом, таковым Бог судит тем, а не инако.

(л. 979 об.)[1539] И [1540] егда взыде Моисей на гору Божию пред бога и старцем реша: Пождите в молчании ту, дондеже возвратимся к вам, се же Аарон и Ор с вами, аще кому лучится пря, да идут к нима.

Видел ли еси, совопросниче, яко не старцом суд приказа, но архиереом. И паки: Заповеда[1541] Господь, да носит Аарон суды сынов Израилев на персех пред лицем Господним всегда.

Егда[1542] же воста на Моисея и Аарона Кореи, Дафан и Авирон племене Рувимля, а не священническа, и слышав Моисей, паде ниц, и глагола Корею, и ко всему сонму его, рекши: Согляда и позна Господь сущих его и святых, их же приведе к себе, и их же (л. 980)[1543] не избра себе, сих и не приведе к себе. И не послушаста Моисея престати, вознеистовившеся на священство и вземше кадила, покадиша. И отверзеся земля и пожре я и домы их и вся люди сущая с Кореом и скоты их. Снидоша сии и вся, елико бяше их, живи во ад, и покры их земля и погибоша от среды полка. И паки возропташа сынове израилтестии на утреи на Моисея и Аарона, глаголюще: Вы избисте люди Господня. И погуби Господь всегубителством 14 и 700, яко да будет в память сыном израилевом, яко да не приидет никто же иноплеменник, иже несть от плода Аароня, еже возложити фимиян пред Господем, и да не будет, яко Корей и советницы его. (л. 981 об.)[1544] Тако и ныне, аще кто не свяшен дерзает священнический чин и достояние судити и владети, имать, и тем Бог мстити. И паки, како израилтяне не людие Божии и часть достояния его, пожелаша себе суда царьска и просиша себе царя Самоила. И [1545] собрашася мужи[1546] израилевы к Самоилу в Сармафему и реша ему: Се ты уже состаревся, сынове же твои не ходита по пути твоему, то[1547] постави ныне над нами царя: да ны судит, якоже и прочии языки. И бысть лукавны глаголы пред очима Самоиловыма, егда реша, даи же нам царя, да ны судит. И помолися Самоил ко Господу и рече Господь Самоилу: Послушай гласа людей, (л. 981)[1548] якоже глаголют к тебе, яко не тебе уничижиша, но Мене, не царствовати Ми над ними, и вся творения, яже сотворих, от него же дне изведох их из земли Египецки до днешняго дне, оставлше Мя, послужиша богом инем. Тако и тебе тии творят. И ныне послушай гласа их, обаче засвидетелствуя, засвидетелствуеши им, и возвестиши им правду цареву, иже царствовати будет над ними. И рече Самоил вся словеса Господня к людем, просящим от него царя и глагола им: Се есть оправдание царево, иже царствует над вами, сыны ваша возмет и положит я во оружии его, и на кони всадит их и предтекущая пред колесницами (л. 981 об.)[1549] его, и поставит тысущники себе и сотники и жателми жатвы своея, и обымут обыманием гроздия у него, и сотворити сосуды победы своея и сосуды колесниц своих. И села ваша и винограды ваша и маслины ваша и благая ваша возмет и даст рабом своим, и семена ваша и вино ваше одесятерит и даст скопцем своим и рабом своим. И рабы же ваша и рабыня и стада ваша благая и ослы ваша отъимет, удесятерит на дело свое, и паствины ваша одесятерит, и вы будете ему в рабу.

Н е сия ли вся ныне в нас суть, яже вышеписанная? Не селы ли, освященная (л. 982)[1550] Господеви, и паствины и скоты и жита и вся благая наша царь наш взят себе? Не архиереи ли и священницы рядницы быша воинством?

Паки древним да воследуем. И возопиете от лица царя вашего в день он, его же избрасте себе, и не услышит вас Господь в день он, яко вы сами себе избрасте царя. И не восхотеша людие послушати Самоила и реша ему: Ни, но царь да будет над нами, и будем и мы, яко и вси языцы, и да судит нам царь наш. И слыша Самоил вся глаголы людеи и изглагола я во уши Господеви. И рече Господь к Самоилу: Послушай гласа их, постави им царя. О[1551] них же глаголет Иосия от лица Божия: Аз, Господь Бог, (л. 982 об.)[1552] утвержаяи небо и созидаяи землю, Его же руце стяжасте все воинство небесное, и не показах ти его, яко ходити во след их. Аз[1553] изведох тя из земли Египетски, и Бога разве Мене да[1554] не познаеши, и спасающаго несть, разве Мене. Аз пасох тя в пустыни, на земли невселенней, по паствам их, и умножишася до исполнения и вознесошася сердца их. Сего ради забыша мя, и буду им яко Панфир, и яко и рысь на пути асириистем, и срящу я, яко медведь лиховаем, и разрушу сключение сердце их, и изъядят я[1555] щенцы дубравнии и зверь полскии расторгнет я. В разсыпание твое, Израилю, кто поможет (л. 983)[1556] тебе? Где царь твой? Той да спасет тебя во всех грехах твоих и да судит ти, ему же глагола: Даждь царь и князь. И дах царя во гневе своем и удержахся в ярости моей.

С ия написахом, не яко царя оглаголуя, но непреподобное его деяние, и иже хощет, да слушает царя и суд приемлет от него. Нам же Христос Бог наш собою узаконоположи, не послушати, ни отвещати пред беззаконными судии, но обличати.

В[1557] той час, рече Иисус народом, яко на разбойника ли изыдосте со оружием и дреколми яти мя. По вся дни при вас седех в церкви, уча, и не ясте Мене. Архиерей[1558] же вопроси Иисуса о ученицех его и отвеща ему Иисус: Аз, не обинуяся, глаголах миру. Аз всегда учих на сонмищах и в церкви, идеже вси людие снемлются, и таи не глаголах ничесо же. Что Мя вопрошаеши? Вопроси слышавщих, яже рех Аз.

Егда[1559] же во ини емше Иисуса, приведоша к Каиафе архиереови, идеже книжницы и старцы собрашася. Архиерей же и весь сонм искаху на Иисуса свидетелства, да умертвят Его, и не обретаху. Мнози бо лжесвидетелствоваху на нь, и равна свидетелства не бяху. И нецый восташа, лжесвидетелствоваху на нь, глаголюще, яко: Мы[1560] слышахом Его, глаголющ, яко Аз разорю церковь сию рукотворенную (л. 984)[1561] и треми[1562] денми ину, нерукотворенную, созижду. И ни тако равно бе свидетелство их. И востав архиерей посреде, вопроси Иисуса, глаголя: Не[1563] отвещеваеши ли ничесо же, что сия на тя свидетелствуют. Иисус же молчаше и ничесо же отвещаваше.

Зриши ли, жидовскии подражателю, како неправедно на суд ведомый Христос Бог наш пред неправедными архиереи и старцы жидовскими не отвещал, всем образ верующим в Него дал, но и поругался вопрошающим с клятвою.

И отвещав, архиерей рече ему: Заклинаю тя Богом живым, да речеши нам, аще Ты еси Христос, сын Божии? Глагола ему Иисус: Ты рече. (л. 984 об.)[1564] Таже реша вси: Ты ли убо еси сын Божии? Он же к ним рече: Вы глаголете, яко Аз есмь. Они же реша: Что еще требуем свидетелства? Сами бо слышахом от уст Его.

О жидове беззаконнии, что слышали? Слышали, яко вы глаголете: аз есмь, а не сам той. Почто неправедно свидетелствуете, яко сами слышахом от уст Его. Тако и ныне, жидом подражая, лжуще, нецыи глаголют, якоже ты, совопросниче, и подобнии тебе. Сам де Никон на волю государеву положился в суде, как государь де изволит. Никон чрез Божественная веления никогда не глаголет, ни хощет, да что будет. (л. 985)[1565] Но глаголал Никон к вопрошающим, посланным от царя, Божественныя законы царем не повелевают возложеным Господеви обладати, движимыми и недвижимыми вещми, ниже судити, но кто хощет, тот от него суд приемли. Нам же и до последней срачицы в суд приходити Христос возбранил. А будет царь нуждею повлечет, якоже и жидове Христа и святых его апостол мучителски, и на то есть свыше царь царем и господь господем, иже обещался всякую неправду неправедником и насилующим отмстити вскоре, якоже и прежде гордящим и превозносящимся над Божиим достоя(л. 985 об.)нием[1566] и наследием, множицею мстил. Есть Бог неправедно судящим[1567], якоже фараону, Моаву, Гевалу, Аммону и Аммалику, и Ассиру, Мадиаму и Сисаре, и Авиму в потоце Киссове, и Ориву, и Зиву, и Зевею, и Салмону, Дафану и Авирону, Новходоносору, царю Вавилонску, неправедно судившаго Даниилу пророку и трием отроком, и Валтасару, глумящемуся во святых сосудех, и Саулу, пожирателю скверне, Иозии, непреподобно кадящему, и Ахаву, пророкоубиице и гонителю, Ироду и Понтиискому Пилату, архиереем и старцем жидовским и прочим святых пророков и святых апостол (л. 986)[1568] и всех святых неправосудцам, гонителем и убиицам, Максентию, Иулиану законопреступнику, Иуаленту, их же именословити оставим ныне, но на предглаголемая обратимся.

П ослушай, совопросниче, жидовских зол ревнителю, како Господь наш Иисус Христос к вопрошающим жидом не отвещал, такожде егда приведен Господь наш Иисус Христос пред игемона, и вопроси его игемон, глаголя[1569]: Ты ли еси царь Июдеиск? Иисус же рече ему: Ты глаголеши. И егда на нь глаголаху архиерее и старцы, ничесо же не отвещавше. Тогда глагола ему Пилат: Не слышиши ли, колико на тя свидетелствуют? И не отвеща ему ни ко единому глаголу, яко дивитися иге(л. 986 об.)мону[1570] зело.

Толкование [1571].

Я ко о царских вещех оклеветаем, веден бысть к Пилату Господь, отнюду же и вопрошает его, аще приложил есть воцаритися над жидовы. Иисус же рече ему: Ты глаголеши. Ответ премудр отвеща ему. Ни бо, рече, яко есмь, ниже паки яко несмь, но между некако рече: Ты глаголеши. Се бо есть и сице разумети, яко ты глаголеши, есмь, или сице, яко аз не глаголю се, но ты глаголеши. Иноже ничто же отвеща, ведяше бо судище, яко не по правде идет, купно же, яко презирающа и не боящася смерти, купно же, и како премудру сущу и сло(л. 987)весну[1572] и тысящи могущу предложити но отвещание. И не хощет ничто же отвещати, но оболгающих его презираше. Научаем же ся и мы от сего, егда растленно судище зрим, ничто же глаголати, да не молву множаишу творим, ниже множайшему осуждению вина будем, не хотящих послушати глаголы наша.

В ниде[1573] же паки Пилат в претор и гласи Иисуса и рече ему: Ты ли еси царь июдеиск? И отвеща ему Иисус: О себе ли ты се глаголеши, или инии тебе рекоша о мне? И отвеща Пилат: Еда аз жидовин есмь.

Зри, совопросниче, второе Пилатово вопрошение, Иисусово отвещание: О себе ли ты се (л. 987 об.)[1574] глаголеши, или инии тебе рекоша о мне? Се же сотвори, да обличит жидовское. Таже отвеща ему Пилат: Еда аз жидовин есмь, не Иисуса укоряя, но жидовское злодейство, род твой, рече, архиерее предаша тя мне. Что еси сотворил? Отвеща Иисус: Царство Мое несть от мира сего. Аще от мира сего было бы царьство Мое, слуги Моя убо подвизались быша, да не предан бых был июдеом. Ныне же царство Мое несть отсюду.

Зри ли, совопросниче, прекословие Иисусово к Пилату. Пилату убо глаголющу ко Иисусу: Род твой архиерее предаша тя мне. Что еси сотворил? Иисус же к первому вопросу отвещевает, являя свое царство (л. 988)[1575] не земное, но небесное быти, тем же и глаголет: Царство мое несть от мира сего. Паки рече ему Пилат: Убо царь ли еси ты? Отвеща ему Иисус: Ты глаголеши, яко царь есмь аз. Аз не се родихся и на се приидох в мир, да свидетелствую истину и всяк, еже есть от истины, послушает гласа моего. Глагола ему Пилат: Что есть истина? И се рек, паки изыде ко июдеом и глагола им: Аз ни единыя вины обретаю в нем. Отвеща ему июдее: Мы закон имамы и по закону нашему должен есть умрети, яко себе сына Божия сотвори. Егда же услыша Пилат се слово, паче убояся и вниде в претор паки и глагола Иисусови: Откуду еси ты? Иисус же ответа не даст (л. 988 об.)[1576] ему. Глагола же ему Пилат: Мне ли не глаголеши, не веси ли, яко власть имам распяти тя и власть имам пустити тя? Отвеща Иисус: Не имаши власти ни деиныя на мне, аще не бы ти дано свыше. Сего ради предавыи Мя тебе более грех имать. От сего искати Пилат пустити Его, июдее же вопиаху, глаголюще: Аще сего пустиши, неси друг кесарев, всяк, иже царя себе творяй, противится кесарю.

Видиши ли, совопросниче, язычника Пилата милосердующа о Иисусе, а мы царя нашего ничим не преобидим, ни царем нарицаемся, якоже есмь, тако и есть. Аще нецыи жидовски подражают, они убо (л. 989)[1577] отрицающеся Христа Спасителя своего, глаголюще: Не имамы царя, токмо кесаря. Тако и ныне, нам де не надобен патриарх, добр и Крутицкой митрополит.

Т ако и ныне воследующим святым Его заповедем, не подобает покорятись нудящим мирским судиам отвещати в суде, ни поучатися, якоже Господь заповедал, глаголя: В немлите[1578] же от человек, предадят бо вы на сонмы и на соборищих их биют вас. Пред[1579] владыки же и цари ведени будете Мене ради, во свидетелство им и языком. Егда[1580] же предают вы, не пецытеся, како речете или что возглаголете, даст бо ся вам в той час, (л. 989 об.)[1581] что возглаголете, не вы бо будете глаголющии, но Дух Отца вашего глаголяй в вас, якоже пишется в Деяниих книг апостол: И[1582] исполнишася вся Духа Свята и начаша глаголати инеми языки, якоже дух даяше им провещавати. И тако со дерзновением апостоли глаголаху. Став[1583] же Петр со единемнадесяте, воздвиже глас свой, рече им. И по мале. Бысть[1584] же на утреи собратися князем их и старцем и книжником во Иерусалиме, и Анна архиерей, и Каиафа, и Иоанн, и Александр и едицы беша от рода архиерейска. И поставаше их посреде, вопрошаху: Коею силою или коим именем сотвористе се вы? (л. 990)[1585] Тогда Петр, исполнився Духа Свята, рече к ним. И прочая.

Видяще ж Петрово дерзновение и Иоанново и разумеша, яко человека не книжна еста и проста дивляхуся, зная хуже их, яко со Иисусом беста, ничто же имяху противу рещи. Повелевше има вон из сонмища изыти, стязаху же ся к себе, глаголюще: Что сотворил человекома сима, яко убо разумно знамение бысть има, всем живущим во Иерусалиме яве, и не можем отврещися, но да не боле распрострется в людех. Прещением да запретим има к тому не возглаголати о имени сем, ни единому от человек. И призвавше их, заповедаша има (л. 990 об.)[1586] отнюдь не провещавати, ни учити от имени Иисусове.

Петр же и Иоанн, отвещавше к ним, реста: Аще праведно есть пред Богом вас послушати паче, нежели Бога, судите. Не можем бо мы, яже видехом и слышахом, не глаголати. Они же запрещше има пустиша их, ничто же обретше, како мучити их людии ради. Тако[1587] Павел ко Агриппе и Фисту со дерзновением глагола и проповедая Царствие Божие и уча, иже о Господе нашем Иисусе Христе со всяким дерзновением невозбранно.

И аще не бы христианскии царь был и христианским законом сам не подлежал и нуждею влачим на суд, хотящим судитися с нами, (л. 991)[1588] то и сему закон положил Христос во Святем Евангелии. И[1589] хотящему судитися с тобою и ризу твою взяти, отпусти ему и срачицу, а иже и сущим во евангельстей заповеди, аще и царь, аще и князь, кто будет превыше своего достояния власти, чрез Божественныя заповеди да не судит, то есть священнаго чину, понеже священство и самого царствия преболе. О сем же много есть явлено напреди, понеже нигде ж есть явлено, еже бы Господь царем и князем рекл: Приимите[1590] Дух Свят, им же отпустите грехи, отпустятся, и им же держите, держатся. Аминь, глаголю вам, елика аще свяжете на земли, будут связана (л. 991 об.)[1591] на небеси, и елика аще разрешите на земли, будут разрешена на небеси. Но кому ли сие речется? Святым Его учеником и апостолом и по них приемником тех власти и достояния архиереом, а не царем и князем.

З ри, ныне бываемое, аще и чрез Божественныя правила собора, иже в Карфагене, правило 7 и 43. Еже царие наши по своей воли священником исповедаются, а не архиереом, и от них во всех своих гресех суд приемлют и запрещение и их же хотят каковых любо грехов тяжких связати, яко связани мнятся быти, и их же разрешат, яко разрешени мнятся. Увы, яко (л. 992)[1592] и у Бога не разрешени суть. Тем же слезити и плакати, и не просто плакати, но и рыдати над ходитми, яко погибель таковии идут, ибо единем архиереом таковая власть дадеся от Господа, еже вязати и решити грехи, а не просто и священником. Якоже воследование в молитвословии показуется, но обаче аще и от обычая таковое самочиние привниде, и терпят царие и князи священническое запрещение и разрешение, правду мнят быти, колми паче подобает архиереов слушати, а не судити. О них же Господь рече: Слушаяй вас, Мене слушает, и отметаяйся вас, Мене отметается. (л. 992 об.)[1593] И аще не слушаяй и отметаяйся вас, Мене отметается, рече Господь. А иже кто дерзает судити несудимаго колми паче неистовится на Господа. Тем же к таковым Господь з запрещением глаголет: Не[1594] судите, да не судими будете, им же бо судом судите, осудитеся, то есть, якоже вы мой суд неправедно восхитисте, не даныи вам, царие и князи, и вознеистовистеся на рабов моих, архиереов и прочих священнаго чина, и неправедно осудисте, Аз вас праведно осужду, по делом вашим. Тем же и наводит, глаголя, аки уча и запрещая: Не[1595] судите и не осудитеся, не осуждайте, и не осуждени будете. Такожде (л. 993)[1596] и Божественный апостол Павел засвидетелствует, глаголя: Тем[1597] же не прежде времени судите, дондеже приидет Господь, иже просветит таиная тмы и явит советы сердечныя. И тогда похвала будет комуждо от Бога. И паки глаголет: Ты[1598] кто еси, судяй чюждему рабу, своему Господеви стоит или падает, станет же, силен бо есть Бог возставити его. И паки: Что имаши, еже не приял еси. А кой же хотящим судитися пред мирскими судиами от священнаго чина, коего любо суть, апостол завещает, сице глаголя: Смеет[1599] ли кто вещь имея ко иному судитися о неправедных, а не о святых, или не весте, яко (л. 993 об.)[1600] святии миру судят.