Собора 4-го Вселенскаго правило 9. 8 страница

Евангелие.

Множаешии же народи постилаху ризы своя по пути. Друзии же резаху ветви от древ и постилаху по пути.

Толкование.

По сказании убо Писания, велию честь являет ризное растилание и ветвеное ношение, торжества бо день являет. По духовному же веждь, яко по возложении риз апостолских, сиречь плоти их, риза бо души плоть, тогда потом вседает Господь. Аще бо не украсится душа апостолскими добродетелеми, не возходит на ню Господь. Предваряющии же суть, иже прежде воплощения Христова пророцы. Последущии же, иже потом мученицы и преподобни (л. 257)[930] учителие, иже ризы своя разстилаху Христу, сиречь плоть покаряют духови. Риза бо и покров души плоть есть. Разстилаше на пути, сиречь по Христове: Аз бо есть путь. Аще кто плоти своея не разстелет, сиречь не смирит о Христе, еже есть путь и живот, и в нем присно не пребывает, уклоняяся от всякого беззакония и неправды, и не возходит на нь Господь.

Евангелие.

И вшедшу ему[931] во Иерусалим, потрясеся весь град. глаголя: Кто есть сей? Народи же глаголаху: Сей есть Иисус пророк, иже от Назарета Галилеискаго.

Толкование.

Народи яко не лстивии суще и препрости, ни бо завидяху Христу, ниже паки подобный разум о нем имеяху, (л. 257 об)[932] тем же и пророка его нарицаху, еда како понеже яве, тако пророка его глаголаху. Возмогут разумети его, яко сей есть чаемый пророк, о нем же рече Моисей, яко: Пророка вам воздвигнет Бог. Глаголаху бо, яко сей есть пророк, сиречь он же чаем.

Крутицкой же митрополит по какому указанию творит? Которой пророк о нем писал, яко подобает ему тако творити? Есть ли праведно или ни единому[933] патриарху таковое деяние творити или ни? Понеже в Писании явлено есть, яко патриарх Христов образ носит на себе, градстии же епископи по образу суть двунадесяти апостол, селстии же по 70 апостол. А Крутицкой митро(л. 258)полит[934] селскаго епископа место держит и како может таковое деиство содеяти? Аще бе и повелено было, но в своей енории, ибо Господь наш Иисус Христос, седе на ослицу, ни единой сущи иной потребе, токмо совершити проречение и по показанию и по разума устроению, яко и на жеребя вседе, сиречь на новыя и не ученыя люди и непокоривыя язычники. Иным же по себе творити не повелел тако, но како. Шедше убо, рече, научите вся языки, крестяще их во имя Отца и Сына и Святаго Духа, учаще их блюсти вся, елика заповеда вам.

Почто Крутицкой митрополит в свою епархию не идет учити и проповедати, якоже священныя правила (л. 258 об.)[935] повелевают на всякой год обходити епископу свою епархию. А он, как и поставлен, не бывал с Москвы. Сего ради правила святыя возбраняют в чюжих епархиях пребывати надолзе и непозвану епископом, ея же епархия есть, Не приходити, ни учити, ни ино что творити без воли местнаго епископа, якоже выше сего писано есть о сем. А он, Крутицкой митрополит, якоже вторый Максим глаголемый Кинин, еже сказается безстудный, церковь Божия раздра и многа мятежа и молвы сию исполни. Волк вместо пастыря бысть и вся грехи прощати готов согрешающим. Единаго ради еже нечествовати в повелениих, рекше (л. 259)[936] преступати заповеди, якоже глаголет великии богословец Григории: Чюждь убо сии Максим от епископства да будет и вси от него поставлении презвитери и диакони и прочии причетницы чюжди священия.

Паки заповеда Господь, глаголя: Ходяще[937] же, проповедаите, глаголюще, яко приближися Царство Небесное, болящая исцелите, прокаженныя очищайте, мертвыя воскрешайте, бесы изгоните. И прочая.

Почто сих повеленных от Бога Крутицкий митрополит не исполняет, но тамо гоняет, где мирским злосмрадием воняет. Не о нем ли есть пророчествова Господь, глаголяй: Блюдите[938], да никто же вас прелстит. Мнози бо приидут во имя Мое, глаголюще: (л. 259 об.)[939] Аз есмь Христос, и многих прелстят. Не изыдите вслед их.

Не он ли есть сей? Егда убо узрите мерзость запустения, реченную Даниилом пророком, стоящу на месте святе, иже чтет да разумеет. Мерзость и запустение Крутицкой митрополит не заеже Отца своего седалище просмради, но инаго самого Христа, окаянный, вознеистовися, творит, что Христос делал, ему же не достоино есть творити. Сел на месте святе, еже никто от апостол сотвори, ниже заповеда Господь творити.

Верховныи апостол Петр, ниже на кресте восхоте тако пригвоздитися, якоже Христос, но стремглав мучителеи умоли пригвоздитися. Егда убо (л. 260)[940] умы Иисус нозе учеником, возлег, паки рече им: Весте ли, что сотворих вам, вы глашаете Мя учителя и Господа и добре глаголите, есмь бо. Аше убо умых ваши нозе Господь и учитель, и вы должни есте друг друга умывати нозе, образ бо дах вам, да якоже Аз сотворих, и вы творите. Аминь, аминь, глаголю вам, несть раб болии Господа своего, ни посланник более пославшаго его. Аще сия весте, блажени будете, аще сотворите такожде.

И что преславнее сего, еже Царство Божие проповедати, тело Христа ясти и кровь пити. Се, рече, творите в Мое воспоминание, елижды бо аще ясте хлеб сей и чашу сю пиете, смерть (л. 260 об.)[941] Господню возвещаете. Болных целити, прокаженных очищати, мертвых воскрешати, бесы изгонити, ноги умыти, горы преставляти, власть наступати на змию и на скорпию и на всю силу вражию.

Не доволно ли есть даныя власти? Почто якоже диавол возгордеся, на высоту[942] наскачеши не данную, ибо сатана тако возгордевся, рече: Поставлю престол мой на небеси и буду подобен вышнему. О нем же Господь глаголет: Видех сатану, с небесе спадша. Такожде Июда, брат Божии, глаголет: Аггелех же, не соблюдших своего началства, но оставлших свое жилище, на суд Великаго Дне узами вечными (л. 261)[943] под мраком соблюде.

И Петр верховный глаголет: Аще[944] бо Бог аггелов согрешших не пощаде, но пленницами мрака связав, предаде на суд мучимы блюсти.

Почто, святотатче, не внимаеши Писанию? Гордишися и не данным ти обладаеши. Послушай Писания, что Господь глаголет: Не о всех молю, Аз бо вем, их же избрах и поставил на высоте, которой ты не достоин. Аще ли речеши, яко царь повеле ти есть, и видел еси выше сего писаное и ныне веждь, яко всяк мирскии (л. 261 об.)[945] властми власть приемый извержен есть. И ты, прельстився, глаголеши, яко царь повелел есть, что и царем вышнии царь Христос мстит за таковое беззаконие.

Возлюбил ли царь венчати тя цветы, яко победителя смерти. Почто прочее последование оставил, яже о Христе суд, оплевание, поругание, пропятие, смерть и гроб? Пусть усмотрили бы любимцы твои и воскресение твое, как востанешь, аще мнишися, что един аз тебя проклиню, не един, но и сам Господь. Тогда, речет к сущим ошую его, идите от мене, (л. 262)[946] проклятии, во огнь вечный, уготованный диаволу и аггелом его. Тогда, рече, когда слушай, взалках бо ся, и не дасте ми ясти. И прочая.

И аще в той час проклят, в он же не даяше ясти. А иже чюжая похищая, то колми паче проклят, якоже издревле речено есть: Проклят[947], иже претворяет пределы подруга своего, и рекут вси людие, буди.

И будет, аще не послушаеши гласа Господа Бога твоего, снабдети и творити вся заповеди его: Елика Аз заповедаю тебе днесь, приидут на тя вся клятвы сия и постигнут тя, и проклят ты будеши во граде и проклят ты и на селе, проклят ты, внегда вхо(л. 262 об.)диши[948], и проклят ты, внегда исходиши.

Где ли входиши и откуду исходиши, яве чрез Божественныя заповеди, якоже и Господь глаголет: Не входяй дверми во двор овчии, но прелазя инуде, тать есть и разбойник. Татие же и хищницы Царствия Божия не наследят, якоже рече апостол: А еже не наследовати, яве есть проклят. По градским законам разбоиницы повешаются. По древнему же закону проклят есть от Бога всяк висяй на древе, елицы от дел закона суть под клятвою суть. Писано бо есть: Проклят всяк, иже не пребудет во всех писанных в книзе законней, яко творити я. И паки: Проклят (л. 263)[949] всяк, творяи дело Божие с небрежением.

Собора в Константине граде во Святей Софии правило 1.

Иже в связании[950] или во извержении или в проклятии от папы Римскаго быв и от патриарха Константиняграда, аще кто связан или извержен или проклят и от прочих патриарх, в том же да пребывает.

Колико есть явлено Крутицкаго митрополита небрежения и преступления Божественных заповедей и святых правил святых апостол и святых отец. Иже[951] есть от Бога глаголы Божия послушает, сего ради вы не послушаете, яко от Бога несте. Кто же есть глаголавый? Сие сам Бог. Указание же заповедем Божиим, их же не твористе, выше сего писано. (л. 263 об.)[952] И паки: Всяк преступаяй и не пребываяй во учении Христове, Бога не имать. Разумеваяй Бога, послуашет вас, иже несть от Бога, не послушает нас. Возлюбленнии, не всякому духу веруите, но искушаите, аще от Бога суть, яко мнози лживии пророцы изыдоша в мир. О сем разумеем Дух Божии и дух лстеч. Всяк дух, иже исповедует Иисуса Христа в плоть пришедша, от Бога есть. И всяк дух, иже не исповедует Иисуса Христа в плоть пришедша, сей есть Антихристов. Его же слышасте, яко грядет и ныне в мире есть уже. Не любяй Мя, словес моих не соблюдает, иже не любит Господа Иисуса да будет проклят. (л. 264)[953] Како же той несть проклят, кто Бога не знает, тот есть Антихристов, якоже ты, ответотворче, и Крутицкой митрополит. Аще ли глаголете, яко знаете Бога, послушай наперсника возлюбленнаго апостола Богослова Христова, на ином месте глаголюща: И [954] о сем разумеем, яко познахом Его, аще заповеди Его соблюдаем. Глаголяй, яко познахом Его и заповедие Его не соблюдает, ложь есть, и в сем истины несть. Кто[955] же есть лживый, точию отметаяися, яко Иисус несть Христос, сей есть Антихрист, отметаяися Отца и Сына. Всяк отметаяися сына, ни отца и мать.

А[956] иже отвержется Мене пред человеки, отвергуся его и Аз пред Отцем Моим, (л. 264 об.)[957] иже на небесех. Аще отвержемся, и той отвержется нас, иже несть со мною, на мя есть, и иже не собирает со мною, растачает.

Т ы веруеши, яко Бог един есть, добре твориши, и беси веруют и трепещут. Хощеши же ли разумети, о человече суетне, яко вера без дел мертва есть? Авраам, отец наш, не от дел ли оправдася, вознес Исаака, сына своего на олтарь? Видиши, яко вера поспешествоваше делом и от дел вера совершися. И совершися Писание, глаголющее: Верова Авраам Богови, и вменися ему в правду, и друг Божии наречеся. Зрите ли, убо яко от дел оправдается человек, а не от веры еди(л. 265)ныя[958]? Видесте ли по Святому Писанию, яко никотораго христианства в вас что есть любо, но и отметницы есте Божии и не просто отметницы, но и Антихристи, то есть богопротивницы. Анафема, ничто же ино, разве отлученный от Святыя Троицы. Вы же по коликим святым книгам отлучилися есте сами собою. А яже от правил святых, о проклятии, писано есть доволно в первом нашем к тебе возражении. Таяжде и зде и Крутицкого митрополита презорство святых апостол и святых отец правил клятвою наполнят, паче же святаго Седмаго Вселенскаго собора первое правило. И прочее.

Деяние, в неделю Православия действуемое. В нем же есть сице писано: (л. 265 об)[959] Неправе[960] святых учителей Божия церкве Божественныя гласы восприемлющим, и яве и явствено в них благодатию Святаго Духа реченная, инако толковати же и превращати покушающимся, да будет проклят.

Ваше же писание и Крутицкого митрополита деяние беззаконное всем ведомо.

П росиша Иаков и Иоанн: Даждь нам, да един одесную Тебе и един ошуюю Тебе сядема во славе твоей. Иисус же рече има: Не веста, что просита. Можета ли пити чашю, юже Аз пию, и крещением, им же Аз крещаюся, креститися. Она же реста ему: Можема. Иисус же рече има: Чашю, убо юже Аз испию, испиета, и кре(л. 266) щением[961], им же Аз крещаюся, креститася. А еже сести одесную Мене и ошую, несть Мне дати, но им же уготовано есть.

Н икто[962] же собою приемлет честь, но званныи от Бога. Якоже Аарон, тако и Христос, не себе прослави первосвященнику, но глаголавый к нему: Сын Мой еси, Аз днесь родих тя. И по мале. Ибо сын сый навыче откуду пострада послушание и совершився бысть всем послушающим его виновен спасению вечному, наречен от Бога первосвященник по чину Медхиседекову.

В скочи на брак, не имея одеяния брачна, вшед царь видети возлежащих. Виде ту человека, не облечена во одеяние брачное и глагола ему: Друже, (л. 266 об.)[963] како вниде семо, не имый одеяния брачна? Он же умолча. Тогда рече царь слугам: Связавше ему руце и нозе, возмите и вверзите его во тму кромешную, ту будет плач и скрежет зубом.

Е гда зван будеши киим на брак, не сяди на преднем месте, еда кто честнее тебе будет званных. И пришед, иже тебе звавым и оного, речет: Ты даждь сему место. И тогда начнеши со студом последнее место держати.

П редвари Петра Июда седети на вечери, вниде в него сатана. Аминь, аминь, глаголю вам, яко един от вас предаст Мя. Созираху же ся между собою ученицы и недоумева(л. 267)ющеся[964], о ком глаголет. Бе же един от ученик его, возлежай на лоне Иисусове, его же любяше Иисус. Поману же сему Симон Петр вопросити, кто убо есть, о нем же глаголет. Напад же той на перси Иисусове, глагола ему: Господи, кто есть? Отвеща Иисус: Той есть, ему же Аз, омочив хлеб, подам. И омочь хлеб, даст Июде Симонову Искариотскому. И по хлебе тогда вниде в он сатана. И по мале рече: Но[965] да писанеи сбудется. Ядыи со Мною хлеб, воздвиже на Мя пяту.

С уди, ответотворче, что наше зло Крутицкому, яже он воздает нам злая за благая, не яко ли Июдино того деяние есть? Аще ли же вы приемлете яко Лжехриста, по (л. 267 об.)[966] писанному: Востанут бо, рече лжехристи и лжепророцы. И паки пророчествова о вас Петр верховный: Быша и лживии пророцы в людех, якоже и в вас будут лживии учители, иже внесут ереси погибели, и искупашаго их владыки отметающеся, приводяще себе скору погибель. И мнози последствуют их нечистотам, ими же путь истинный похулится и в преумножении лживых словес вас уловяи, их же суд не коснит и погибель их не воздремлет.

Н е се ли вся ныне деются вами прорекованное? Но не радуитеся, паки верховный наведе, утешая нас, злостраждущих, от зол ваших. (л. 268)[967] Весть[968], рече Господь, благочестивыя от напасти избавляти, неправедники же в День Судный мучимы блюсти. Но и паче вслед плотския похоти сквернения ходящии и о Господе не радящыя, продерзателе, себе угодныя, славы не трепещут, хуляще, идеже аггели крепостию и силою болши суще, не терпят на ся укоризнен суд. Сии же, яко скоти животни естеством бывше, погибель и тлю, в них же не разумеют хуляще, во истлении своем истлеют. Приемлюще мзду неправедну, сласть мняще вседневное насыщениу, сквернители и порочницы, питающеся лестми своими, очи имуще исполнь блудодеяния (л. 268 об.)[969] и непрестаемаго греха: прелщающе душя неутверждены, сердце научено лихоимству имуще, клятвы чада, оставлши правыи путь заблудиша, последоваша пути Валламову Восорова, иже мзду неправедну возлюби, обличение же име своего беззакония. Подъяремник безгласен, человеческим глаголом провещавшим, возбрани пророка безумие. Сии суть источницы безводни, облацы и мглы, от ветр преносимы. Им же мрак темный во веки блюдется. Прегордыя, суеты вещающе, прелщают в скверны похоти плотския, отбегающе их отнюд, живущих во лсти, свободу обещавающе, сами раби суще тления, (л. 269)[970] им же бо кто побежден бывает, сему и работен есть.

П аки, ответотворче, пишешь, так пишет святый апостол Павел: Есть[971] ли кто, изыман в каком гресе, вы, духовнии его, поучите духом кротости, осматривая, чтоб ты сам в то же искушенье не впался. Не поспешайте, о вы, пастыри, бросать стрелы молнии, понеже пастыри есте душевныя, оберегаючи не насилством, но любовию, не господствуючи над духовным чином.

К то ти область сию даде, да сия твориши, лицемере, сам превосходя вся заповеди Божия, овогда глаголеши, яко несть патриарша власть боле оноя? Почто ты твориши ся сам учителем и законополождником над нами? (л. 269 об.)[972] Не добре ли писал верховный Петр, яже выше сего изображено, которой духа кротости образ ты показал? А яже нами клятва кому нанесенная, разсмотри выше писаное, яко сами на ся нанесли, а не мы. Мы, последующе богоносных отцех преданием, их же они прокляли, и мы, соблюдая их заповедание, проклинаем, якоже выше есть писано. Но будите, глаголешь, образом своего чину так, как покажется первой пастырь Христос, могли б есте принять венец хвалы нетленныя. Так научает апостол Петр, глава всех апостол: будите милосерди, яко и Отец ваш милосерд есть.

Не помните ли, что рек сыновом Зеведеовым Господь, кото(л. 270)рыя[973] его к ярости приводили, чтобы огнем казнил самаритян: Не знаете какова духа вы есте? Сын бо человеческии не пришол[974] души человеческия погубити, но спасти. Первой пастырь ваш и высочайшии епископ Христос показался таков милосерд. Како же мы, которыя люди, равнострастны есмы имеем быти, к равным нашим братиям быти милосердны и человеколюбцы? Ибо Спас выше закона[975], человеком же добро предания подражать, ибо овогда смирения образ показуя, наказа. Не всета, коего духа еста вы, сын бо человеческии не прииде душ человеческих погубити, но спасти. Иногда же, связавше ему руце и нозе, вверзите во тму кромешную. Иногда[976], обаче враги моя оны, (л. 270 об.)[977] иже не хотевшия мне да царь бых был над ними, приведите семо и ссецыти предо мною. Иногда же паки, что убо сотворит им господин винограда, приидет и погубит делатели сия и виноград даст инем. Иногда же отъидите от мене проклятии, во огнь вечный, уготованный диаволу и аггелом его. Инде: Отраднее будет Содому и Гомору, неже вама на суде. И паки: Отраднее Тиру и Сидону, неже вама. И повеле грады их сожещи. Инде: Свяжите я в снопы, яко сожещи я. И паки: Посецыте ю в скую землю упражняет. И ино: Лутче есть не бы родился человек он. И паки: Иди за Мя, сатано, яко не мыслиши (л. 271)[978] яже суть Божия, но яже человеческа.

Сия вся не казнь ли и отмщение? Глаголеши, яко Павел проповедник языком не проклинал, толко трожды ради кровосмешения и ради ереси и ради хулы от архиерей. Аще бы воздержали клятву для ради великия вины и грехов, не бывал бы так уничижен, потому как что частое будет проклятие, никто не станет почитати.

Павел и ныне таковых проклинает, якоже ты и Крутицкой митрополит, презоривых того заповедей. Но[979] и аще мы или аггел с небесе благовестит вам, паче же благовестихом вам, анафема да будет, якоже прежде рех и ныне глаголю. Аще кто вам благо(л. 271 об.) вестит[980] паче еже приясте, проклят да будет. И паки: Иже не любит Господа Иисуса, проклят да будет.

Сия вся и ныне действует на нововводных законников, которыя препочитают славу человеческую неже славу Божию. Якоже пишет Иоанн Богослов: Обаче убо и от князь мнози вераваша в Него, но фарисей ради не исповедаху, да не из сонмища изгнани будут, возлюбиша бо паче славу человеческую нежели славу Божию.