Собора 4-го Вселенскаго правило 9. 3 страница

Г лаголеши, совопросниче, яко Никон полюбил на пустых местех и безжителных.

П исано есть: Лучши есть един благотворяй, паче тмы законопреступных. Лучши вселятися на пустых местех, по писанному: Се удалихся, бегая и водворихся в пустыни, чаях Бога, спасающаго мя от малодушия и бури. Несть же пусто место благодатию Божиею, но велми многонародно, и ниже наимиты, ниже боярские, но раби Бога вышняго живут.

А яже о отхождении. Писано есть выше и ныне реку, якоже заповеда Господь: Егда[508] убо гонят вы во граде сем, бегите во другии, и научи (л. 139)[509] молитися, глаголя: Не введи нас во искушение, но избави нас от лукаваго.

А яже о судьи глаголешь, яко аз говорю, егда будет призван истинныи судья и праведный, тогда скажу. Ведают вси о нашем отхождении, а еже бы кому судити по правилом, не обрящеши ни правил, ни судии, ни митрополита подобает митрополитом или епископом судити, развее патриарха, якоже вышеписано[510] есть, святаго 4-го Вселенскаго собора по 9-му правилу, развее писанаго во Евангелии: В немлите же от человек, предадят бо вы на сонмы, пред владыки же и цари ведени будете Мене ради во свидетелство им и языком.

И скусом Григорий (л. 139 об.)[511] богословнейшии позна, глаголет в 14 слове в 23-м стихе. П релюто бо есть и велми тяжко, еже понести гнев царьскии. Паче же от християнского тягота бе и укор, тягота гонения ради, укор же и досада, яко христианскии царь, тем же ни озлобляеми во уверение мучению страсти приимаху, ни людие ж в мученичестем чину страждущая имяху, зане царь християн, тем же ни мняхуся же ся обиды приимати гонимы, но яко злодеем страдати. Увы мне, глаголет Богослов, яко во злых быхом богати.

Г лаголеши ты, расколниче, ответотворче, нигде есть, чтоб архиерей создал град или обоз, токмо монастыри, церкви, (л. 140)[512] книгохранилницы, школы, училища, дела и радения церковная. Грады же и обозы царем и велможам даны созидати. Не видиши ли, но имея уши слыши, яко ни града, ни обоза есть кое любо строение, развее церкви и монастыря и еже подобное нужнейшее монастырю, якоже свидетелствуют вещи места.

П очатой же того святаго монастыря не беззаконен, но есть законно несть и по правилом святых отец, яко быти и самому самодержавнеишему царю со всем сигклитом и нам со обретающимися архиереи и прочими священными мужи, архимандриты и игумены на освящении святаго места того.

И есть правило святаго 4 Вселенского собора 24-е: (л. 140 об.)[513] М онастырь[514] с волею епископа поставлен да пребывает не претворен и яже суть к нему имения да будут неотъемлема. Аще же кто инако начнет творити, несть без вины.

Т олкование.

М онастыри, иже без благословения и без повеления епископля создани быша, не создани суть, ни освящени. Повелением же и со благословением епископа создании монастыри, яко Божествения места и Богу поручени суще, да пребывают не претворени и не обидими во веки, и мирския жилища николи же да не будут в них. Да сохраняют же имения их и стяжания, села и винограды и вся прочая, неотъемлема и неотходна на них. Аще же кто преступит (л. 141)[515] повеление се, от правил запрещению да будут повинни.

И святаго 6-го Вселенскаго собора правило 49.

Е лицы[516] же монастыри, повелением епископа своего создани бывше, к тому да не будут мирския жилища и мирским человеком да не отдадутся.

Т олкование.

П одобно 24-му правилу Халкидонскаго собора, возбраняет здати монастырь без повеления места того епископа.

И святаго 1-го и 2-го собора в церкви святых апостол правило 1.

Б ез повеления епископа никому же достоит монастыря создати, но да весь епископ и молитву сотворит, и созданный монастырь и вся сущая в нем внутренняя и внешняя на хартию да напишутся и да будут под властию (л. 141 об.)[517] епископа, и без воли епископли не подобает ни самому создавшему игуменити в нем, ни игумена поставляти.

Д а ты же, ответотворче, глаголешь: Однако же Никону в житии поместья безжителнаго места прилучилось. Не есть безжителен, но множае нежели на Москве патриархия имеет, яко ничто же, но все царское величество чрез божественныя законы, вышеписанныя зде, олихоимствова. И не имеет святая великая церкви никотораго причастия в Москве, якоже прежде при прежних царех и великих князех имела, но есть пуста всякого перваго своего достояния, яко вдова осиревше.

Д а ты же вракаешь, враже всякоя (л. 142)[518] истины, не повинуяся евангельскому учению, еже глаголет: Г лаголю[519] же вам, яко всяк глагол празден, иже аще рекут человецы, воздадят о нем слово в День Судный.

Н е[520] любяй Мене, словес Моих не соблюдает.

И же[521] в законе хвалишися, преступлением закона Богу досаждаеши.

Д а[522] никто же вас лстит тщими словесы. Сих бо ради грядет гнев Божии на сыны непокоривыя. Елма бо не прияша истину, воеже спастися им. Сего ради посла им Бог действо прелести, воеже веровати им во лжу. От ложше же всяку лжу, глаголите истину.

И 65-е правило святых апостол глаголет.

А ще кто лживое писание нечестивых еретик книги яко святы в церкви (л. 142 об.)[523] пред всеми почитает на пагубу людем и церковному причту, да извержется.

И святаго 6-го Вселенскаго собора правило 19.

Стареишина[524] церковный на всяк день, изряднее же во всякую неделю, да учит люди Божественным повелениям и да сказует не от себе, но якоже Божественнии отцы достигоша.

Т олкование.

Е пископи убо по вся дни должни суть учити причет церковный и вся люди своя благоверию и Божественым повелениям. Паче же иных дней во всякую неделю всего причта и народа поучати благочестия словесы, якоже пред речеся: От Божественаго писания избирающе истинная разумения же и судьбы и не преступати (л. 143)[525] уже положенныя пределы и Богоносных отец предания, но точию от Божественых писаний сказывати и учити истинному разумению Божиих заповедей. А аще кто воспросит их словесе Божественых писаний, да не от своего ума то сказует, но якоже церковнии светилницы и учители своими писании написаша[526]. То бо им есть благоволно, еже ведети и умети предания богоносных отец и потом разрешити вопрошаемая, да некако недоумеюще, от себе разрешити восхотят таковых и истиннаго сказания далече отпадут.

Видел ли еси, безумный расколниче и преступниче, святых богоносных (л. 143 об.)[527] отец уставленых вечных предел, како утвержают и развее преданных от святых богоносных отец Божественых писаний, Божиих заповедей учити или сказовати не велят. А ты от своего ума на соблазн людем Божиим вражиими смехотворными ложными книгами ответы твориши. Писано есть во псалмех: Знаем есть Господь судьбы творяи, в делех руку своею увязе[528] грешник. И по мале. Приседит в ловителстве з богатыми в тайных, еже убити неповиннаго. Очи его на нищаго призирает, ловит в таине, яко лев во ограде своей, ловит, еже восхитити нищаго[529], внегда привлещи и в сети (л. 144)[530] своей смирит его, преклонится и падет. Внегда ему обладати убогими, рече бо в сердцы своем, забы Бог, отврати лице свое да не видит до конца.

П одобно же уже время рещи да обратится болезнь его на главу тебе самаго скитающагося, остави свое гнездо, яко ворону звати и краситися не своими красотами, но иных птах добротами, еже есть не в своей епархии учити и законополагати и зватися от человек «учителю». И прочая. Чрез святыя священныя правила и вновь от внешних басней толковати и по правилом святым, яко ворону ощипати от всего священнаго сану, которая в чюжем гумне пакостит (л. 144 об.)[531] и, обнажив, пустити пешу ходити, чтоб ея обретаючи иныя птахи, признав ея глупость, тово не делали, а ея, яко врага, носы своими тело ея клевали и кости ея розломали.

Р азорение 17 вопроса и ответа.

Г лаголеши, совопросниче, яко аз говорю, что не обретаются вне от своего престола и епархии, толко съехал для некоторых притчей достойных, которые он будет явно говорити, егда будет призван от истиннаго судии и праведнаго.

Писано[532] есть, яко о неключаемых кому не достоит испытовати.

Евангелисту[533] глаголющу: И по хлебе тогда вниде в он сатана. Глагола ему Иисус: Еже твориши, твори вскоре. Сего же никто разу(л. 145)ме[534] от возлежащих, к чесому рече ему. О ви[535] убо сошедшеся, вопрошаху его, глаголюще: Господи, аще в лето сие устрояеши царство Израилево? Рече же к ним: Несть ваше разумети времена и лета, яже Отец положи своею областию. Почто вопрошаеши, яже не суть достоиных?

Глаголеши ли, ответотворче, яко бысть везде на всяком месте дано токмо Богу, который ни в котором месте не ограждается и не описуется, для чего на всяком месте есть его вседержителство. Но человеку дано есть на некотором месте быти огражденному и описанному и на том именном месте, а не ином месте престол цареградскии описуется (л. 145 об.)[536] толко в одном Цареграде, а не инде где, такожде и иерусалимской в самом Иеурсалиме толко.

П исано есть, ответотворче: Я ко[537] подобает всякому глаголу или вещи верна приводити свидетелства от Богодухновенных писаний, во извещение убо благому в постыдение же лукавому, а не человеческим преданиом последовати.

Писано[538] есть: И пришед к нему искуситель, рече: Аще сын еси Божий, рцы камению сему, да хлеби будут. Он же отвещав, рече: Писано есть: не о хлебе едином жив будет человек, но о всяком глаголе изходящем изо уст Божиих.

П о[539] сих же вопросиша его фарисее и книжницы: Почто ученицы твои не ходят по преданию (л. 146)[540] старец, но неумовенныма рукама снедают хлеб. Он же отвещав, рече им: Яко добре пророчествова Исаия о вас, лицемере, якоже есть писано. Сии людие устнами чтут Мя, сердце же их далече отстоит от Мене. Суе же чтут Мя, учаще учения заповедей человеческих, оставльше бо заповедь Божию.

М ужие[541] июдеистии, живущии во Иерусалиме, вси се вам разумно да будет и внушите словеса Моя, не бо, якоже вы мните, сии пияни суть, есть бо час третии дне, но се есть реченное пророком Иоилем: И будет в последняя дни, глаголет, излию от духа моего на всяку плоть и прорекут. И прочая.

Д оволно ли ти есть, (л. 146 об.)[542] лжесловче, во указание, яко не подобает кроме писания учити или проповедати, якоже апостолския каноны 65 и 85 и Шестаго Вселенскаго собора 19 утвержают. Да почто бесишися, отвещаеши кроме писания и заповедей, глаголеши, яко цареградскии престол точию во Цареграде описуется и иерусалимскии во Иерусалиме. Хощеши ли, аз ти в мале покажу. Да почто вселенстии патриарси исходят от своих престол по странам и достизают даже и до зде, яже и при нас быти тем. Иже суть Константинополскому Афанасию, Антиохийскому Макарию, Иерусалимскому Паисею, якоже и прежде бывшим Константинопол(л. 147)скому[543] Иеремию, Иерусалимскому Феофану, прочих митрополит и архиепископов и епископов, Бог число их изочтет, да почто аще и вне своея епархиа обреталися, но кождо своею титлою престола писалися и именовалися, якоже и ты днесь зде пишешися и именуешися Газскии митрополит в чюжей епрахии. Да уже не лет есть, глаголеши, нам в своей епархии именоватись, еже злаго ради времени отшедшим. Почто ты в чюжеи пишешися и именуешися Газским, да где есть Газа и колико время преходя скитаешися от нея, аки змии, ползая по земли, изблевая смертоносная своя беззаконная слова и уядая простеишия человеки. Сыскать, аще бы (л. 147 об.)[544] о тебе колико от Газы, одва и бывал ли в Газе, или есть ли в Газе и седалище или престол архиереискии. У брата сучец видиши, а у себя и бервна не видиши. Лицемере, изми первие бревно изо очесе твоего и потом прозриши изяти сучец изо очесе брата твоего. Тако Господу заповедующу: П исано[545] есть, не оклеветаите друг друга, братие. Оклеветаяи бо брата своего или осуждаяи брата своего, окветает закон и осуждает закон. аще закон осуждаеши, неси творец, но судия. Един есть законоположник и судия, могии спасти и погубити, ты кто еси. осуждаяи друга?

П ослушай же (л. 148)[546] святых отец святаго 1-го собора Вселенскаго п равило 6.

Е гиптом или всею и Пентаполиею Александриискии епископ да владеет, и Римскии епископ сущими под Римом да владеет, и Антиохиискии и прочии епископи своими да обладают.

И Втораго Вселенскаго собора правил 4-е.

Предел ради никто же да смешает церковь, ни поставляет презвитера, ни епископа. Сущи яже во языцех Божия церкви, святых отец обычаи да держат.

Т олкование.

В о многих правилех речено есть, яко не подобает епископу на чюжую епископию находити, но кождо внутрь своих предел да пребывает.

С ам ты свидетелствуеши, яко Александриискии пренесеся во Египет (л. 148 об.)[547] и Антиохиискии в Дамаск. Почто же не пишутся, ов Египецкии и ов Дамаскинскии, да уже по твоему толкованию и сии извержены суть. Безумне, почто не согласився с Божественным писанием, порицаеши нас без правды? Видел ли еси, яко несть согрешил епископ, внутрь своих предел пребывая, и ниже есть описано место епископу в своей ему епископии где пребывати. Но точию вся святыя правила отрицают и извергают, свою оставя епископию, в чюжих пребывающих, якоже ты, непреподобне, вся святыя правила ни во что вменил еси и яко тать по писаному, не входя дверми, но прелазя инуде, обретаешися, тать бо не преходит, (л. 149)[548] разве да украдет и убиет и погубит, от плод бо познаите их, аще объемлют от терния гвоздие и от репия смокви.

Б людитеся, рече святый апостол, яко по нашем отшествии внидут волцы тяжце, не щадяще стада Христова, и блюдитесь от псов и лаятелей.

Глаголеши, ответотворче, есть ли бы прилучилось чрез воины разорение или иныя притчи, тогда мощно на иное место пренесть, как учинилося во Антиохии и во Александрии, которые оба престола пренесены суть на иные лутчия места.

Д а на что болши воины кому царев гнев понести по святому Григорию Богослову, якоже выше писано есть. (л. 149 об.)[549] З риши ли, колик подвиг, колико тщание показует от великаго гнева твоего на мя царь, чтобы какову лжу ни сказал кто сам чрез вся святыя Божия заповеди и апостолския и отеческия правила.

П о всей России сыскивает з болшим страхом и прещением о несведомых наших и бысть сам судия и истец. Весь на себя суд и управление архиерейское взял.

Г осподу заповедающу: Не[550] судите, да не судими будете, им же бо судом судите, осудитеся. И паки. Не[551] судите и не осудитесь, осуждаите и не осуждени будете.

Ты[552] кто еси судяй чюждему рабу, своему Господеви стоит или падает, станет же силен Бог (л. 150)[553] поставити его. Т ем же безответен еси, о человече, всяк судяй, им же бо иного судиши, себе осуждаеши, тая ж де бо твориши судяй. Вемы же, яко суд божий есть воистину на творящих таковая. Помышляеши же ли се, о человече, судяй таковая, яко ты убежиши суда божия. И паки.

Н е[554] оклеветайте друг друга, братие, не осуждайте, оклеветая ибо брата или осуждая брата, оклеветает закон и осуждает закон: аще закон осуждаеши, не си творец, но судия; един есть законоположник и судия, могии спасти и погубити. Ты ж кто еси, осуждая друга?

Н о сия вся презрев, яко же прежде собор (л. 150 об.)[555] чрез божественныя правила своим повелением собрал, ему же написание первое сице есть.

В лето от создания мира 7168-е, от воплощения же господа бога и спаса нашего Иисуса Христа 1665-го повелением благочестивейшаго великаго государя царя и великаго князя Алексея Михайловича всея Великия и Малыя и Белыя Росии самодержца собрашася преосвященнии митрополиты и архиепископи и епископы и архимандриты и игумены и весь освященный собор. С обра же ся вины ради сицевыя, понеже пред сим летом предвоспомянутыя осмыя тысящи во 167-е случися святейшему Никону патриарху Московскому и всеа Росии (л. 151)[556] свой патриаршеский престол оставити. И в нынешнем вышеписаннем лете февраля в 6 день предсташа весь преосвященный собор пред лицем великаго государя царя и великаго князя Алексея Михайловича всеа Великия и Малыя и Белыя Росии самодержца, и слышав от святых уст его великое попечение, зане святая соборная церковь пастыря и жениха не имеет. Да и преосвященный собор о нем крепко и единодушно праведне, не имея кто ненависти и тщетныя любве, по правилом святых апостол и святых отец разсуждают, памятуя кииждо Страшный Суд и воздаяние комуждо по делом его. Они же преосвященный собор, слыша его пре(л. 151 об.)мудрейшее[557] его, великого государя, повеление, идоша в Крестовую патриаршу полату и наутрее февраля в 17 день по его, государя царя и великого князя Алексея Михаиловича всеа Великия и Малыя и Белыя Росии самодержца указу боярин Петр Михаилович Салтыков принес на собор скаски писмяныя. И преосвященнии, прияша скаски, и свидетелей против сказок на соборе допрашивали, священнаго чину по священству, а прочих по святой непорочной евангелской заповеди.

В скасках преосвященнаго Питирима митрополита Сарскаго и Подонскаго и боярина князя Алексея Никитича Трубецкаго написано: Патриарх Никон патриаршества своего отрешен (л. 152)[558] с клятвою. А в прочих скасках во всех о отречении патриаршества его написано: Отречеся патриарх патриаршества своего во всех согласно и впредь на патриаршестве обещалися не быти.

И преосвященный собор, сказок слушав, познали: Святейший патриарх Никон оставил свой патриаршеский престол своею волею. И о том посылали доложить великого государя царя и великаго князя Алексея Михаиловича всеа Великия и Малыя и Белыя Росии самодержца боярина Петра Михаиловича Салтыкова о указе. И боярин Петр Михаилович Салтыков, пришед на собор, сказал, что великии государь царь и великии князь Алексей Михайлович (л. 152 об.)[559] всеа Великия и Малыя и Белыя Росии самодержец указал преосвященному собору выписать ис правил святых апостол и святых отец о отшествии бывшаго патриарха Никона. А у выписки указал великии государь быть преосвященному архиепископу Маркелу Вологоцкому и Белозерскому и преосвященному архиепископу Иллариону Резанскому и Муромскому, и преосвященному архиепископу Макарию Псковскому и Изборскому, Чюдова монастыря архимандриту Павлу, Александрова монастыря Свирскаго игумену Симону. И по указу великаго государя царя и великаго князя Алексея Михаиловича всеа Великия и Малыя и Белыя Росии самодержца преосвященный собор велели (л. 153)[560] выписать ис правил святых апостол и святых отец. А у выписи велели быть преосвященным архиепископом Маркелу, Илариону, Макарию и архимандриту Павлу и игумену Симону. И в той их выписке про патриарш отход и суд правил святых апостол и святых отец вселенских седми соборов не объявилося, развее о епископех. А Вселенскаго 4-го собора 9-е правило ни митрополита прощает митрополитом судить, но святейшему патриарху, под ним же есть митрополит, или Цареградскому патриарху.

Т акожде от свитка новых заповедей глава 57 и 58 указуют. А они в приклад написали епископския правила, (л. 153 об.)[561] а не о патриархе. И разсмотри, колико есть написано лжи, а не истины в писме собора. Бывшим нам по отшествии в Воскресенском монастыре год и болши, и ничто нам помяну государь царь о патриаршестве, ведая нашему отшествию вину. Но и на Москве нам бывшим сказано, что Орда хотела на московския места наступити, и ничто же государь царь, егда нам видевшимся с ним, о сем возвети и ни в чем отмени в пришествие наше. Но якоже бывшим нам на Москве, тако все сотвори, якоже обычай имел прежде патриаршескии чин и на седалищи оном седети нам указа, якоже вси (л. 154)[562] ведят бывшии ту. Таже оскудевших нам потреб телесных отъидохом в Иверский монастырь. Т огда изволи государь своим повелением собрать митрополитов и архиепископов, и епископов,: архимандритов и игуменов. И призвав, сказал им о нашем отшествии, якоже ему изволилось, и скаску таковую прислал в Крестовую патриарщу полату про наше отшествие. А кто допрашивал, того не написано. А знатно, что он сам, великии государь, или боярин кто-любо допрашивал, и правил не написано, по которому правилу святых апостол и святых отец.

А есть в пра(л. 154 об.)вилех[563] святых апостол в 37-м собору собиратися.

Д ващи в лете епископи да собираются церковных ради вещей и Божественых повелений.

Т олкование.

С ие убо правило преславных апостолов повелевает дващи в лете собору быти, но обаче се оставлено бысть, ибо осмое правило 6-го собора, иже в Трулле полатнем, и шестое правило, иже в Никеи 2-го собора. Единого в лете повелевают в коейждо области от всех епископ собору быти о церковных вещех и о Божественных повелении стязании и о разрешении недоуменных и неразумных вин. И сие правило повелевает[564] самем епископом (л. 155)[565] собиратися, а не царю собирати указано.

Т акожде 1-го Вселенскаго собора 5-е правило, собора Лаодикиискаго 39-е правило, собора Халкидонскаго правило 19, собора Карфагенскаго правило 18, собора 6-го Вселенскаго правило 8-е, собора 7-го Вселенскаго правило 6-е. Во всех же единою речено есть собираются. Во Антиохии же Сирстеи в 20-м правиле к концу толкования глаголет: Несть[566] же достоино никим же о себе собора творити, свене сущаго в митрополии епископа, рекше митрополита.

И нигде есть после седми вселенских соборов, еже царем собирати (л. 155 об.)[567] или собиратися со цари, развее Флоренскаго осмаго собора и нынешняго 9-го.

П онеже на 7-м святем Вселенском соборе утвержено с клятвою, к тому уже нелзе ни прибавить, ни убавить, якоже есть о сем выше писано много. И сей собор, бывшии 9, не точию сонмищем июдейским достоино нарещи, но и бесовским, яко не по правилом собран. Такоже и соборование все по цареву указу делали, якоже он хотел, собор собран по ево, государеву, указу, и делано все по ево, государеву, указу, и руками закреплено по писаному во Евангелии во свидетельство им и языком. И все, елико (л. 156)[568] написали, все солгали.

К арфагенскаго собора правило 104.

Л юдскаго суда у царя просяи, не епископ.

Т ого же собора правило 106.

Н екия ради нужди хотяй ко цареви отъити, да яве сия творит Кархидонскому епископу и Римскому и отпустное послание до возмет. Аще ли ни, без обещания есть.

Смотри 104-е правило: Аще бы и похотел кто царева суда, извергается. Колми паче беззаконно царю на суд епископов своим указом собирати. Якоже 106-е правило глаголет: Без патриарша или папина веления ни по что не приходят к царю. Якоже и Антиохиискаго собора п равило 11: Е пископ или презвитер или диакон сам о себе ко царю приходяй без по(л. 156 об.)веления[569] сущаго во области митрополита, с причащением и сана извержется.

Г лаголеши, толковниче, ныне милостию Божиею и благодатию Господнею живет и царствует Москва. Чесо ради ты отнимаешь от нея престол и приносишь в монастырь той без ведома особнаго царьскаго величества и без совета всех архиереов и всего священнаго чину для того, что ты не сам един глава и самовластель. Глаголет убо 34-е святых апостол правило, что епископи без своих первоначалных и глав их не чинят ничто же. Однако же и ни первый их без совету всех ничево не чинил для одности, да и говорит патриарху, чего ради не поведал (л. 157)[570] таиных притчи своего отъезду, ни без совету и докладу, толко от себя, отстал и пошол. Яз не без ведома царства отшел, ведал государь царь, потому гнев почал быть на мя не по правде. И приходили от нево, государя, ево государевы ближние люди, князь Юрье Иванович Ромодановской да Офонасей Иванович Матюшкин. И им то говорено, что от немилосердия его, государева, иду из Москвы вон, пусть ему, государю, просторнее без меня, а то на мя гневаяся, к церкви не ходит. И про тот гнев всему государству ведомо, что он, государь, гневаяся на мене, не приходил. А все святей велицей церкви обид много стало и Божественых заповедей Христовых и святых (л. 157 об.)[571] апостол и святых отец правил, как обещал на нашем поставлении, не почал соблюдать. А мы на избрании своего патриаршества и сами обещали с клятвою и с подписанием руки своея Божия заповеди и святых апостол и святых отец хранити. А он, великии государь, чрез Божественыя правила суд церковной отнял, нас самех и епископов и архимандритов, и игуменов и весь священническии чин велел своим приказным людем судити, якоже и ныне от всех зрится. И о том о всем после святыя службы, как нам итти с Москвы, во святей церкви пред Богом и святыми Его аггелы засвидетельствовано и пред святым Евангелием и всеми (л. 158)[572] священными церковными вещми, и обретшимися в то время архиереи и иереи и всем священным собором и всеми людьми, а не безвестно отшел. Их же государь царь принуди сказати то мое свидетелство отреканием. И многими пытками стращали, велели сказывати, как ему, государю, годно. И всем архиереом свое государево жалованье давал для тово, чтоб на меня подписалися к ево годности. и про то ведомо всему государству.

И по едином лете приезжал яз к Москве, и государь царь свои очи дал видети и в седении ничем перед прежним не отменил, зная мою неповинность перед ним, госуджарем. И после велел было в Колязин монастырь (л. 158 об.)[573] сослать, толко я не поехал. И паки отъидохом во своя, Божественым заповедем повинуяся, глаголющим: егда[574] убо гонят вы во граде сем, бегаите во другии. В он же град входите, и не приемлют вас, ниже послушают словес ваших, изходяще из града, отрясите прах ног ваших. Аминь, глаголю вам, отраднее будет земли Содомстей и Гоморстей в День Судныи, неже граду тому.

Н есть раб болии Господа своего, ни посланник болии пославшаго Его. Аще мене изгнаша, и вас ижденут, аще слово мое соблюдоша, и ваше соблюдут, но сия вся творят вам за имя мое.

Д овлеет ученику, да будет яко (л. 159)[575] учитель его и раб, яко Господь его. Аще господина дому Веелзавула нарекоша, колми паче домашняя его, не убойтеся убо их. Н о дадите место гневу. Писано бо есть: Мне отмщение и Аз воздам, глаголет Господь.

И опять глаголеши, после отъезду своего чего ради не известил чрез писание и не оставил, речи, на долгое время на 4 годы и болши, чтоб дело в молчании было.

П исано много было от Божественаго Писания о всех его царских превосходящих делех, и он, великии государь, не слушает, но паче гнев на гнев прилагает.

Т ы же глаголеши, чего ради сам не изыскивал собору чтоб очистился и оправдал себе самого, выговоря свое (л. 159 об.)[576] учение. Г де есть писано, еже ты глаголеши, яко бы самому собору изыскивати и для чево, покажи правила таковые, чтоб оправдати себе самого, выговаривая свое учение? И о ком таковыи собор собрати, и где их взяти, понеже подобно такое дело всем патриархом знати, аще митрополита митрополиты не могут судити, колми паче[577] патриарха главу всем составом, якоже выше есть показано.

П аки, глаголеши, ответотворче неправедный, однако страшно есть страсть самолюбства и проклята гордость та притчею и родит такие дела, ими же убо он, Никон, чево[578] сам изыскивал и терпи хотя.

(л. 160)[579] Д а которое самолюбство, еже вся злая терпети заповеди ради Божия.

Т ако[580] есть писано: Хотящему судитися с тобою и ризу твою взяти от тебе, не возбрани ему и срачицу.

И меет[581] ли кто вещь, имея ко иному судитися от неправедных, а не от святых. Се убо срам вам есть, яко тяжбы имате между собою, почто не паче обидими есте, почто не паче лишени бываете.

Р абу же Господню не подобает сваритися, но тиху быти ко всем.

А ще[582] ли друг друга хаплете и снедаете, блюдитеся, да не друг от друга снедени будете.

Но[583] се судите паче, не полагати претыкания брату в соблазн.

И поем его Петр, на(л. 160 об.)чат[584] претити ему, глаголя: Милостив[585] ты, Господи, не имать быти тебе се. Он же, обрящся, рече Петрови: Изи за мя, сатана, яко не мыслиши, яже суть Божия, но яже человеческая. И паки писано есть: Разсыплет Бог кости человекоугодником.

Д а что суть городость наша, еже писаное совершаем делом. Отступися от зла, сотвори благо, се ли глаголеши гордость?

Апостол святый учит ны: Б людите, убо како опасно ходите, не яко немудри, но яко премудри, искупующе время, яко дние зли суть. Сего ради не бываите безумно, но разумевающе, что есть воля Божия святая и угодная. Н е сообразуитеся веку сему, но преобразуй(л. 161)теся[586] обновлением ума вашего, воеже искушати вам, что есть воля Божия.

И проклинаешь гордость, которую гордость? Тую ли, ею же ты гордишися и не в свою меру поступаеши, митрополит иностранец, яже по многим законным каноном не достоин ни священства, не точию архиереиства? На сию гордость мы по законом святым и утрегубим. да будеши проклят, да будеши проклят, да будеши проклят.

В озражение или разоврение 18 вопросу и ответу.

П ротиву сего 18 вопросу доволно есть указание выше сего написано на разорение. Т ы глаголеши, ответотворче, н адобно, чтоб ушол, так Иисус уходил (л. 161 об.)[587] ради мучителства безвинных отроков убиения и сохранился во Египте. Да ли ты не слышал во Святом Писании, яко побиты все младенцы, обретшиися во время Христова рожества в Вифлеоме и во всех пределех его?