Поместнаго собора до Антиохии Сирстеи. Правило 13. 2 страница

С вятыи Мефодии глаголет: Мы убо в людех непокоривых и прирекающих научихомся глаголати, еже спасая и спаси душю свою, не возхощем убо со грехи чюждими погибнути, но убоявшеся тяжкого суда и Страшный день пред очима имуще, с таковыми погибнути не изволим, но засвидетелствовати день и нощь в народе и особь должни есмы. Соотводити же ся лукавством их и не возхощем прилежати же, паче приобрести их и изяти от сети лукаваго. Аще же се не возможем, протщимся поне своя души от вечнаго осуждения спасти.

(л. 28)[103] Г радскаго закона грань 39, глава 15.

Н арочитии[104] разбоиницы на месте, на них же разбой творяху, повешени да будут, и подобает, да видения их ради убоятся начинающии таковая, и да будет утешение сродником убиенных от них.

Г рань та же, глава 80.

Т воряи[105] убииство волею, коего любо аще есть возраста, мечем муку да приимет.

А еже бы исповедати и причастити святых Божественных таин разбойнику, поиману на разбои или убиице, нигде же не обретается таковое правление, яко же ты, слабоумный толковниче, протолковал, ибо глаголы твоя самого тебе уличат. Глаголеши, яко глаголет (л. 28 об.)[106] Писание Святое, в чем обрящутся, в том и судити тя имать Бог, ты убо повелеваеши всякому по вине умиряющему[107] причастие подавати.

Смотри, от тебе написанных, яко и при распятии Христове, един спасеся и един осудися, како ты глаголеши всякому подавать пречистых таин, аще и недостоин, или како решиши достоина сотворив пречистых таин, повелеваеши убити того, где есть писано? А собою кто тебе дал таковую власть, чрез Божественыя законы вязати и решити, самому тебе связану канонами святых апостол и святых отец.

В озражение 3-му вопросу и ответу.

Г лаголеши убо на вопрос, яко не леть есть (л. 29)[108] архиереем украшатися в Божественей службе, слыши, что пишет в древнем законе: Сыном Аароновым да сотвориши ризы и поясы и клобуки, да сотвориши им в честь и славу. Облецы же в ня Аарона, брата твоего, и сыны его с ним и помажеши я, и исполни руце их, и освятиши я, да ми жертвуют. Аарона[109] же и оба сына его приведеши я пред дверми храму свидения и измыеши я водою, и взем ризы святыя и облечеши Аарона, брата твоего, до земли ризою, и ризу утренюю и слово совокупиши ему[110], слово ко утреннеи ризе. И по мале. И да возмеши от иелея помазаннаго, и да возлиеши на главу его (л. 29 об.)[111] и мажеши и.

З ри, совопросниче и толковниче человекоугодный, яко и древле уставлено есть от Бога иереом украшатися и Господу глаголющу[112]: Егда же поститеся, не будите якоже лицемери, сетующе, помрачают бо лица своя, яко да явятся человеком постящеся. Аминь, глаголю вам, возприимут мзду свою. Ты же постяся, помажи главу свою и лице твое умыи, яко да не явишися человеком постяся. И прочее.

А яже зеркала ищети устроишася во церкви до нас прежде бывшими нас патриархи святеишим Иовом и прочими, ниже мя разоряем, и вси тожде творят, и которое то беззаконие где есть о том писано, скажите ми.

(л. 30)[113] Г лаголет 7-го Вселенскаго собора правило 16:

Е пископи[114] или презвитери или диакони украшающеся светлыми ризами или миром помазующеся, рекше благоуханными вонями, да преставше, от того исправятся. Пребывающии же в том, запрещение приимут.

С ие подобает всем исправити, еже ныне зрится не по правилу сему.

В озражение 4 вопросу и ответу.

К то на мя свидетелствуяи, яко не достойно ми есть рукополагати и по каким каноном. Прочтите 6-го Вселенского собора 36-е правило: К онстантиняграда[115] по римстем да будет равно приемля стареишинство, по нем же Александриискии (л. 30 об.)[116] и потом Антиохиискии и потом Иерусалимскии.

Т олкование.

К онстантиняграда епископу равно прияти стареишинство по римстем. Се правило истолковало есть в третием правиле, иже в Константинеграде Втораго Вселенского собора, и в 28-м правиле Халкидонского собора, якоже не честну второму быти по римстем, но по летом. Тако убо и зде подобает разумети, еже бо рещи по римстем временем бытие являет, а не чести. По многих бо летех равна стареишинства римския церкве и сей престол Константиняграда получи, понеже царем и боляры почтен бысть град сей и равно (л. 31)[117] прият стареишинство ветхому Риму.

В озражение 5-му вопросу и ответу.

Т ы глаголеши, Симеоне, яко аз не учинил отречения своим за рукою, толко из уст рек, что не хощу впредь быти патриархом. Полно ли на том или надобно, чтоб на писме дал отрекание? Сам ли ты был и слышал наше отрекание или инии тебе сказывали, аще сам ты тут не был, почто нудишися не своих си ведети. Аз же тебе возвещу и всем слышащим, (л. 31 об.)[118] яко не просто засвидетельствовах во святеи Божии церкви о отшествии своем пред Богом и святыми его аггелы, якоже и на избрании нашего патриаршества, не в слове ласкания прияхом или любовию столп патриаршескии, но со многим прошением царского величества и всего священнаго собора. Но якоже весть Господь и святии аггели и святая церкви, по писанному во псалмех и глаголах о свидениих твоих пред цареви и не стыдяхся, тако и мы говорили, не стыдяся, во святеи Божии церкви, засвидетелствуя пред Богом и святою Богородицею и святыми его аггелы и всеми святыми его, яко аще великии государь царь святаго Евангелия (л. 32)[119] и святых апостол и святых отец заповедей не обещался хранити непреложно пред Богом и пред святою Богородицею, то не бы помыслил на таковый сан взыти. Но весть Бог, како великий государь царь, дав обещание свое во святой велицей церкви пред Господем[120] Богом и пред святым честным чюдотворным образом Пресвятыя Пречистыя и Преблагословенная Владычицы нашея Богородицы и приснодевы Марии и пред святыми аггелы и пред всеми святыми и пред всем освященным собором и пред всем своим царским сигклитом и всеми людми. И елико он, великии государь царь, поелико возможно пребывал в своем обещании, повинуяся святей церкви, и мы терпели, (л. 32 об.)[121] егда же он, великии государь изменился от своего обещания и на нас гнев положил неправедно, якоже весть Господь, и мы, помня свое обещание о хранении заповедей Божиих, како обещалися на избрании поставления патриаршескаго с подписанием, и июля[122] в 10 день вшед во святую великую церковь на память пренесения во царствующии град Москву святыя и многоцелебныя ризы Господа Бога и Спаса нашего Иисуса Христа, претерпевшаго нас ради поношение и поругание, оплевание, заушение, одеяние хламидою, осуждение неправедное, распятие и крест и смерть, и совершив святую Божественную литоргию и засвидетелствовав (л. 33)[123] пред Богом и Господем нашим Иисусом Христом и пред Святою Богородицею и всеми святыми аггелы и всеми святыми и всеми святыми священными вещми о напрасном государеве гневе. И поминая заповедь Божию, глаголющую: Егда убо гонят вас во граде сем, глаголю вам, не имате скончати грады израилевы, дондеже сын человеческии приидет. И егда изшед из града, поминая заповедь Господню, глаголющую: И иже аще не приимет вас, ниже послушает словес ваших, исходяще из дому или из града того, отрясите прах наг ваших. И прочее.

И сотворив по заповеди Господни, отрясши прах ног наших, и пребываю, водворяясь (л. 33 об.)[124] в пустыни. И кто ми зазирает о сем, яко сотворил чрез волю Божию, а не по правде, и кое отречение хощете ли, возвещу вам, яко и писание писах к царьскому величеству и посылах со диаконом нашим Иовом, в нем же обреталося тогда написаное: Се вижу на мя гнев твой умножен без правды и того ради и соборов святых во святых церквах лишаешись, аз же пришлец есмь на земли. Се ныне, поминая заповедь Божию, дая место гневу, отхожу от места и града сего. И ты имаши ответ пред Господем Богом о всем дати.

И разсмотрив государь писание, паки возврати ко мне, зане не бысть ему на ползу.

Да которое се отречение, (л. 34)[125] К ирила арихиепископа Александрескаго п равило 3.

Ч рез[126] церковныя заповеди, еже писанием отрицатися епископии, и приносити таковая писания неким святителем, аще бо достоини суть святительства, да служат, аще ли ни, да не отрицаются, но обличени бывше о злых своих дел судом да извергутся. Его же некогда прокл от беды и страха и прещения неких, якоже реша отречесь.

А ще ли смел еси, изверги Григория Богословца списанием и клятвою отречеся ко 150-м епископом в 25-м стихе. Аще неправеднии клеветницы, якоже и ты, праведно ли их послушати?

Глаголеши суемудрене во ответе своем, яко уста священническая (л. 34 об.)[127] лгати не знают, против пророчества Малахия пророка, должен остатися при своем слове, коли хощет, чтоб почтен был[128] за правдиваго, а не за лживаго. Двоякия бывают отречения, писменно и не писменно, наипаче отречение, которое возглашается во церкви Божии, почитается быти в болшом постоянии и крепости ради того. Почто, лицемере, о себе, не смотря о других, движеши ответ. Лицемере, изми первие бревно из очесе твоего и тогда прозриши сучец изяти из очесе брата твоего. Измый первее внутренее стляницы и блюду. И прочее.

Усмотри о себе, подобно ли ти есть чрез святыя законы вновь изводити (л. 35)[129] новыя законы, пришелцу сущу, без всякия правды или вопросы послушати клеветника, паче проклятого человека, его же законы отрицают, и по правде судящему не послушати, но паче всякому православному прокляти за его злыя и нехристианския дела. Глаголеши, беззаконный толковниче, яко зделал аз, чего ин никто не зделал, после литоргии святой совершения преосвященныя ризы патриаршескаго чина сверже с себе. Како глаголеши неправедне, яко ни ты сам был ту, ни вопросивый тя о сем вопрошал, а ты глаголеши, яко сверже, егда вы той чин имеете и по совершении литоргии не снимаете от себе священных риз.

А у нас таков есть чин и прежде нас: (л. 35 об.)[130] по совершении святыя литоргии совлачатся вси от священных риз. И глаголеши, присовокупляя свои прикладныя ответы, кроме вопросу, бутто аз говорил: Не достоин я быти, и впредь не патриарх. От кого ты се навык зломысленне, яко ни о вопросе се есть, исповеждь ми.

Аз, егда от Москвы отходя[131], говорил не тако, якоже ты глаголеши. Засвидетелствовал есмь Господу Богу и Пресвятей Пречистей Богородице и святому честному Животворящему Кресту Господню и святым аггелом у святей велицей церкви пред небом и землею, ведая гнев царев без правды на мя, и сего ради дая место гневу, свидетелствовал, а не клятвою клялся. (л. 36)[132] От них же мало зде изообразим от древних Божественых писании, якоже свидетелствуют: Егда Аврааму свидетелствова сам Бог о чадородии, тогда засвидетелствова не инем, но небом и звездами, якоже пишется «И [133] изведе и вон и рече к нему: Возри на небо о сочти звезды, аще можеши исчести. И рече: Тако будет семя твое». Т ако: Егда[134] возва аггел Господень второе Авраама от небеси глаголя: Собою кляхся, глаголет Господь. И прочее. И яков[135] же в послушество постави столп каменен и собра камение з братиею, сотвори могилу и прозва могила си послух и столп си послух. Сего ради могила послушная бысть между Ияковом и между Ливаном.

(л. 36 об.)[136] Т акожде: Егда[137] разгневася яростию Господь на Израиля и рече Господь к Моисею: Поими князя людски и обличи я Господу прямо солнцу. И паки: Егда[138] сконча Моисеи, пиша вся словеса закона в книги даже до конца и заповеда левитом возвдижущим ковчег завета Господня, глаголя: Вземше книги закона сего и положите я во страну ковчега завета Господа Бога нашего, и да будет вам во свидение, яко аз веде, аз гневание твое и выю твою жестокую, еще бо мне живу сущу с вами днесь, разгневали есте Господа Бога и яко паче по смерти моей. Призовете ко мне старейшины племен ваших и старца ваша и судия ваша и книгочия ваша да глаголю (л. 37)[139] во уши их вся словеса сия и засвидетелствую вам небесем и землею, веде бо, яко по скончании моем беззаконием собеззакониите и склонитися с пути, иже аз заповедах вам. И обрящет вы зло в последняя дни, яко сотворите зло перед Господем Богом, разгневати его во всех делех руку вашею. И глагола Моисей во уши всему сонму вся словеса песни сея даже до конца. Вонми небо и возглаголю и да слышит земля глаголы уст моих. И прочее.

Т ако[140] Иисус Навгин завещавая завет к людем в день он и даст им оправдания и суд в Сихеме (л. 37 об.)[141] пред храмом Господа Бога Исраилева, и вписа Иисус словеса си в книги Божия, и взя камень велии и постави его в Теревинфе, еже есть пред Господем. И рече к людем: Се камень сий да будет вам во свидение, яко сей слыша все глаголанное от Господа, елико глаголах к вам днесь. И сии да будет во сведение до кончины днии, яко да не солжете Господеви Богу вашему. И прочее.

И божественный Давид глаголет: Небеса[142] поведают славу Божию, творение же руку Его возвещает твердь. И паки той же рече: Исповедят небеса чюдеса твоя, Господи. И паки инде рече: (л. 38)[143] Возвестиша[144] небеса правду Его и видеша вси людие славу Его. И прочее.

Т ако[145] и Исаиа свидетельствует, глаголя: Слыши небо и внуши земле, яко Господь глагола «Сыны родих и вознесох, сии же отвергошася мене».

Т акожде[146] и Господь наш Иисус Христос свидетельствует множицею небом и землею, якоже бо молнии исходит от восток и является до запад, тако будет и пришествие сына человеческаго. И по мале рече: Аминь, глаголю вам, не мимо идет род сей, дондеже вся сия будут, небо и земля мимо идет, словеса же моя не мимо идут.

А ще восхощеши и о отхождении нашем слышати, то по(л. 38 об.)[147]кажем ти без лености благодатию Божиею нескудно от Божественаго Писания, яже о самом Господе нашем Иисусе Христе и о святых его ученицех и апостолех и о прочих святых беганиих от злоб человеческих, не от гнилых смердящих учении, но от самого приснотекущаго источника святаго Евангелия. Слыши самого Христа, пеленами повита бегающа от злобы Иродовы. С е[148] аггел Господень во сне явися Иосифу, глаголя: Востав, поими отроча и матерь его и бежи во Египет и буди тамо, дондеже реку ти, хощет бо Ирод искати отрочате да погубит е. Он же, востав, поя отроча и матерь его нощию и отъиде во Египет. Умершу же Ироду, се аггел Господень во сне явися Иосифу во Египте, глаголя: Востав, (л. 39)[149] поими отроча и матерь его и иди в землю Израилеву, изомроша бо ищущии душю отрочате. Он же востав поят отроча и матерь его и прииде в землю Израилеву. Слышав же, яко Архелаи царствует во Июдеи вместо Ирода, отца своего, убояся тамо ити, весть же прием во сне, отъиде в пределы Галилеиския. И паки: С лышав[150] же Иисус, яко Иоанн предан бысть, отъиде в Галилею, оставль Назарет. И [151] рече Ирод: Иоанна его же аз усекнух, кто же есть сей, о нем же аз слышу таковая. И искаше видети его. И возвращьшеся апостоли поведаша ему, елика сотвориша, и поим их, отъиде на место пусто града нарицаемаго Вивсаида. Народи же (л. 39 об.)[152] разумевше, по нем идоша и прием их, глаголаше им о Царствии Божии и требующая исцеления, целяше.

Да где есть глаголющии, яко аз, отшед, рукополагаю недостоине. Слыши, неправедный протолковниче ложных словес, яко и прешед от злобы Иисус на место пусто, о Царьствии Божии учил и требующая исцеления целил. Паки слыши, неправедный истязателю.

И [153] исполнишася вси ярости в сонмищи, слышавшии сия, и доставше, изгнаша его вон из града и ведоша его до верху горы, на ней же град их создан бяше, да быша, его низринули. Он же, прошед посреде их, идяше. Ф арисее[154] же, совет (л. 40)[155] приемше, изыдоша, како да его погубят. Иисус же, разумев, отлучися оттуду. И [156] искаху убо паки яти его, изыде от рук их и иде паки на он пол Иордана, на место идеже бе Иоанн прежде крести, и пребысть ту. Г лагола[157] им Иисус: Лондеже свет имате, веруите во свет да сынове света будете. Сия глагола, Иисус, отшед, скрыся. От дне убо оного совещашася убити его. Иисус же не к тому со дерзновением хождааше во июдеох и преклонь колене моляшеся, глаголя[158]: Отче, аще есть воля твоя, да мимо идет чаша сия, обаче не моя воля, но твоя да будет.

В оставше[159] же архиерее и вся иже с ним сущая ересь саддукейская, исполнишася зависти, (л. 40 об.)[160] и возложиша руки своя на апостолы и послаша их в соблюдение общее. Аггел де Господень нощию отверзе двери темницы, извед же их, рече: Идите и ставши глаголите во церкви людем вся глаголы жизни сея.

У веден[161] же бысть Савлу совет их, стрежаху врата день и нощь, яко да убиют того. Поемше же его ученицы нощию, свесиша по стене в кошницы.

В [162] Дамасце языческии князь Арефы царя, стрежаше Дамаск град, яти мя хотя и оконцем в кошницы свешен бых по стене, избегох из руку его.

В о оно же время возложи Ирод царь руце озлобити некия иже от церкве, уби же Иякова, брата Иоаннова, мечем. И видев, (л. 41)[163] яко годе бысть июдеом, приложи яти и Петра. Беху же дние опресночнии, его же и ем, всади в темницу, предав четырем четверицам воином стрещи его. И се аггел Господень прииде и свет восия во храмине. Толкнув же в ребра Петра, возвдиже его, глаголя: Востани вскоре. И спадоша ему ужа железная с руку. Рече же аггел к нему: Препояшися и вступи в плесницы своя. Сотвори же тако. И глагола ему: Облецыся в ризу свою и последствуй ми. И изшед во след его, идяше. И изшед от Июдея, в Кесарии живяше. В нарочитыи же день оболкся Ирод во одежду царску и сед на судищи пред народом глаголаше к ним. (л. 41 об.)[164] Народ же возглашаше глас Божии, а не человеч. Внезапу же порази его аггел Господень, зане не даде славу Богу, и быв червьми изъяден.

И юдея[165] же наустиша благочестивыя жены и благообразныя и первых гражан и воздвигоша гонение велико на Павла и Варнаву и изгнаша их от предел своих. Она же отрясше прах от ног своих на них, приидоша во Иконию

Смутиша[166] же ся народ и градоначалники слышащих и приемше мы то от Ассона и от прочих, отпустиша их. Братия же, абие в нощи, отслаша Павла и Силу в Бер.

Разделиша[167] же ся множество града и овии убо бяху со июдеи, овии же со апостолы. И якоже (л. 42)[168] бысть стремление языком же и июдеом с началники их досадити и камением побити их. Уведевше же, прибегоста во грады Ликаонския, в Листру и Вердию и иже во окрестных и ту беста благоденствующе.

Напасть[169] вас не приимет разве человеческа. Верен[170] же Бог, иже не оставит вас искуситися паче еже можете, но сотворит со искушением и изводство.

Иже[171] и Господа убивших Иисуса и своя пророки и нас изгнавших и Богу не угодивших и всем человеком сопротивляющимся, возбраняющим нас языком глаголати да спасется[172], во еже испо(л. 42 об.)[173]лнится им грехи всуду, постиже на них гнев до конца.

С ие доволно ли ти есть сих указание отхождении и бегании, еще ти укажем и от канонов.

С ардикиискаго собора правило 19.

Б ез[174] правды епископ изгнан, аще и в чюждем пределе пребывает, приятен бывает, дондеже досаждение мимо идет.

Т олкование.

От буести и гордости возбраняюще святии отцы, повелеша епископом в реченное время во инех епископиях пребывати. Аще же некии епископ исповедания ради честныя нашея веры или понеже Бог поборник истине, рекше, противяся властелем не творящим истины (л. 43)[175] и того ради от своего града изгнан быв и в другии град приидет. Не возбранится ту пребывати ему дондеже примирение обрести возможет и пременение бывшаго на нем досаждения.

А ще ли сего не доволно ти есть, прочти вселетнаго лета на кийждо день жития святых отец наших, яже в Василии Велицем, яже о Григории Богослове, яже о Иоанне Златоусте и прочих святых. И тамо множае увидите о изшествиих и бегании и отречениях и скитаниих по писанному. Верою святии вси победиша царствия. И прочее. И по мале: Инии же избиени бывше, не приемше избавления, да лучшее воскресение улучат. Друзии же руганием и ранами (л. 43 об.)[176] еще же и узами темничными, камением побиени быша, претрени быша, искушени быша, убийством меча умроша, продиша в милотех и в козиях, кожах лишени, скорбяще, озлоблени, в пустынях скитающеся и горах и в вертепах и в пропастех земных. И сии вси послушествовани верою, не прияша обетования, Богу лутче что о нас предзревшу, да не без нас совершество приимут.

В озражение на 6 вопрос и ответ.

В опрос боярина Семена Стрешнева: Т ы убо, Симеоне, глаголеши таковая не своими устны и языком. Ведят вси, знающие тя, яко ничто же в тебе тако есть. И глаголеши: (л. 44)[177] Есть ли архиереи, которыя обретаются в послушании патриаршеском, имеют ли грех, что не возбранили ему, Никону, злаго совету, или кончее и совершенно обвинены, что не возбранили в том учиненом деле не грешныя.

В пятом убо возражении нашем доволно писано есть о нашем отшествии, обаче и ныне, еже благодать Божия простит, возглаголем. Егда убо согрешали апостоли, еже будучи во Христовом послушании, не возбранили Христу от злобы Иродовы и прочих злодеистов жидовских, еже множицею хотяху его убити, ни, но един Июда, предавыи его, и что суть бысть ему, якоже пишется.

Аще ли и верховный Петр Господу рек, (л. 44 об.)[178] не возбраняя, но маловериемят, глаголя: Милосерд ты, Господи, не имать тебе се быти. Но[179] что Божественный ответ: Иди за мною, сатана, яко не мыслиши яже суть Божеская, но человеческая.

Тако и нашим отступником и предателем и тебе, Семену, не инако будет. Госполу свидетельствующу: Слушаяй вас, Мене слушает, и отметаяися вас, Мене отметается. Божие есть слово и не погрешает от истины. Аще ученицы мои есте, рече: Пребудете в словеси Моем. К сопротивным же рече: Вы несте ои истины, но есте отца вашего диавола и похоти отца вашего хощете творити. Он человекоубийца (л. 45)[180] бе сикони и во истине не стоит, яко несть истины в нем. Егда глаголет лжу, от своих глаголет, яко ложь есть и отец лжи. Тако и ты, Семене, неси от истины, но все лживо вопрошаеши, якоже отец твой диавол научил тя.

Т ы же, ответотворче, глаголеши: Здесь надобно разсуждение, и хотяе спрошены в любви братцкой, не возбранили погружения престолу и церкви наследующаго имети тягость самоболшую и великую за грех удоволства епитемию. А есть ли не были спрошены, толко Никон зделал своею волею, не имеют греха ради того, что человек без совету такия и иныя терпит злаго ради своего безумия, потому что болшия многия увидят (л. 45 об.)[181] нежели един, для того, что один жаден против присловия и беда одному самому, потому что как упадет, некому его возставить. Мудрено делали, а те ныне, что в два ходили вдруг безотступно, чтоб воспомогал друг другу и радел против времени и случая. Иоанн Богослов ради того, что пребывал вместе з Богородицею, достоин учинен, чтоб писал то, чего не глаголал, не видел, ни ухо человеческое не слышало. Пишет Амбросии святый: И Бог хощет, чтоб Его имели обще за общаго добродетеля по совету, и солнце правды называется для того, что всех освещает и нихто не обретается здеся без света. Что собери, как пишет Климент, но всякия приимают сего све(л. 46)[182]тлости, всяк богатеет его милостию.

В озражение: И уже речено есть вопрошающему тя, смотри, яко не чюжде есть и тебе, ныне же особно ти напишем. Ты же слыши, неправедный ответотворче, Василия Великаго, глаголюща, яко не подобает судити кого о безвестных и приводит апостола, свидетелствуя: Тем[183] же не прежде времене судите, дондеже приидет Господь, иже просветит тайныя тмы и явит советы сердечныя, и тогда похвала будет комуждо от Бога.

В[184] последнаядги отступят нецыи от веры, внимающе духом лестчем и учением бесовским, в лицемерии лжесловеснем, сожженым своею совестию.

И[185] не судите и не осудитеся, не осуждайте: и не осуждени будете, и им же бо (л. 46 об.)[186] судом судите, осудитеся.

Р ече же к неким, уповающим на ся, яко бяху праведни, уничижающе иных, притчю сию: Человека[187] два внидоста в церковь помолитися, един фарисей, а другии мытарь. Фарисей же став, в себе сия помышляше: Боже, благодарю, яко несмь якоже и прочии человецы, хищницы, неправедницы и прочия безумныя глаголы.

Не обрел еси, како рещи от правых святых догмат к вопроснику, но якоже сам явился еси, противословя правых уставов святых апостол и святых отец, извержен, такожде отвержеными законы написанны Климентом, и ответы (л. 47)[188] твориши. о них же 85 правилом святых апостол пишет в толковании сице.

К лиментом изглашеныя и преданыи заповеди, и тии бо от зловерных неких развращены и искажены быша. Тем почитати их отнюдь отрече Вселенскии Шестыи собор.

П равило 2 Шестаго Вселенскаго собора.

Я же[189] от иноверных татебно вверженыя во апостольския заповеди, преданыя Климентом, да извергутся.

Т олкование.

Се же правило за некая ложная, яже суть чюжда благочестия, от иноверных приложена в них. Напред церкви отврещи сия повелевает, на созидание и на утвержение християнскому стаду. Ты же како смел еси дерзнути развращати Вселенскаго 6-го (л. 47 об.)[190] собора каноны и вводити зловерныя, аще не бы ты, окаянне, зловерен сам был. Господу свидетелствующу о товем зловерии: От[191]сердца бо человеку помышления лукавая, убииства, прелюбодеиства, блудове, крадьбы, лжесвидетелства, хулы, сии суть сквернящая человека.

Послушай же апостола, глаголюща: Аще[192] кто инако учит и не приходит ко здравым словесем Господа нашего Иисуса Христа, и еже по благочестию учению разгорде ничесо же сведыи, но болезнь о взыскании и любопрениих. От них же бывает зависть, рвение, хула, мнения лукава, прихождения разтленных человек умом и отчюжденных от истины, мнящих приобретение (л. 48)[193] быти благочестие, отступай от таковых.

В[194]последняя дни настанут времена люта, будут бо человецы самолюбцы, сребролюбцы, величави, горди, хулницы, родителем непокориви, не благодатни, не преподобни, не любовни, свадливи, диаволи, невоздержливи, некротцы, не боголюбиви, предателе, продерзателе, горделиви, сластолюбцы паче нежели боголюбцы, имуще образ благочестия, силы же его отметающеся, и сих отвращайся.

В озражение 7-му вопросу и ответу.

Глаголеши, совопросниче, добро ли вы было, чтоб собор был в том деле патриаршеском, чтоб не прилучилося какова соблажнения или помешки во церквех. Слыши, сопросниче[195], Господу глаголющу: (л. 48 об.)[196]Всяко[197]царство, разделшееся на ся, запустеет и всяк град или дом, разделся на ся, не станет и како не может се быти, Господу свидетельствующу, еже и бысть, мнозем и будет. И ты, ответотворче, глаголеши, предлагая37-е правило святых апостол, чтоб дважды в году собор был и на нем бы был прежде обыск о существе веры, а после того об ыных церковных речах роспрос был и не одиножды, для того, что учинилося не меншее дело, есть и чрез толко год овдовенство и прочая.

Слышите, совопросниче и ответотворче, не едино правило 37-е, но многа обрящеши собору бывати.

(л. 49)[198] С вятых апостол правило 37. Д ващи[199] в лете епископи да собираются церковных ради вещей и божественых повелений, первое убо в четвертую неделю по Пасце, второе же октября во вторыинадесять день.

Т олкование.

С ие убо правило преславных апостол повелевает дващи в лете собору быти, но обаче се оставлено бысть, ибо осмое правило Шестаго собора, иже в Трулле полатнем, и 6-е, иже в Никеи 2-го собора[200], единою в лете повелевают в коейждо области от всех епископ собору быти о церковных вещех и о божественных повелении стязании, и о разрешении недоуменных и неразумных в вине. И аще которыи епископ некия или епитемиами тяжкими, сиречь запрещении, или отлучением (л. 49 об.)[201] связал, да и о таковых вещех разсудят вси епископи. Врмя же едино собору уставиша между Пасхою и между месяцем октябрем, перворетии бо по еллински и римски октябрь сказается.

С обора 1 Вселенскаго правило 5.

С воими епископи отлучении инеми да не будут прияти, обаче аще не за малодшие или за некую распрю или за ино нечто таковое отлучение бысть. Того бо ради повелено бысть дващи в лете в коеждо области собору быти, первое убо прежде четыредесяте днии святаго и великого поста, второе же по времени овощнем.

Т олкование.

П одобает по приточному словеси уязвившему человека, тому же (л. 50)[202] и изцелити его. Такожде и от своего епископа, отлучения заповедь приемша, от иного прияту быти без испытания и без взыскания вины несть достойно. Но и вины отлучения смотрити подобает, да некогда не по достоянию нанесено бысть на нь отлучение, но от малодушия. Се же есть от ярости епископли или от распри некия или иных ради вины се сотворшу, страстныя воли епископли, страстная же воля есть, еже рещи «не сотворил ми еси сего», да будеши отлучен. Но убо да ни отлучаемии кроме подобныя вины отлучаются, ни отлучающии их епископи преобидени будут другим епископом, приемлющим без испытания таковыя. Сего ради дважды в лете в коейждо (л. 50 об.)[203] области собору быти святый собор повеле, да общею волею всех епископов тоя области всяко совопрошание и истязание церковное и всяко прекословие разрешится, якоже и 37-е правило святых апостол повелевает. Кроме же, якоже тамо написахом, осмое правило, иже в Трулле полатнем, 6-го собора и 6-е правило Седмаго собора, иже в Никеи второе собрася, скудости ради потребных, яже хотят имети напутное шествие собиряющиися епсикопи, единою в лете собору быти заповедаста, идеже аще изволит митрополит. Время же собору между праздником святыя Пасхи и месяцем октябрем, тои бо есть месяц во времени овощнем.