Студопедия

Главная страница Случайная страница

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






Мақтаарал аудандық мәслихат аппараты қызметінің ағымдағы жағдайын талдау




Жергілікті өкілді болып отырған Мақтаарал аудандық мәслихаты өзіне жүктелген, жергілікті мемлекеттік басқару және өзін-өзі басқару функциясын толық көлемінде қамтамасыз етуде. 2014 жылға арналған аудандық бюджет, экономикалық және әлеуметтік дамытудың әр түрлі бағыттары бойынша 10 өңірлік бағдарлама мәслихатпен бекітіліді және орындалуы бақылануда, аудандық басқару схемасы бекітілді, келіп түскен ұсыныстарға қарай әкімшілік-аумақтық құрылыс мәселелері шешілуде.

Аудан аумағында қаралатын мәселелер, орындалуы міндетті шешімдер қабылданатын аудандық мәслихат қызметінің негізгі формасы - сессия болып табылады.

Жыл ағымында депутаттармен аудан дамуында маңызы бар келесідей мәселелер көтеріліп қаралды: «Аудандағы денсаулық сақтау жүйесінің жағдайы және даму мүмкіндіктері», «Мақтаарал ауданының қала, кенттері мен ауылдық округтерінің бөлек жергілікті қоғамдастық жиындарын өткізу», «Мақтаарал ауданының өңірлік даму бағдарламасының жүзеге асырылуы», «Ауданда дене шынықтыру және спорт саласын дамыту» және басқалар.

Сессияда көкейтесті мәселелердің қаралуы-сессия шешімдерін дұрыс қабылдап жүзеге асыруда депутаттар белсенділігінің артуына септігін тигізеді.

Сессияда қаралатын мәселелерді дайындау үшін уақытша комиссиялар құрылып,тексерушілерге арналып түйіндемелер дайындалады, комиссия мүшелері тиісті жерге барып түйіні шешілмеген мәселелерді толық және жан-жақты зерттей отырып тұрақты комиссия отырыстарында, сессияларда сұрақты талдауға белсене қатыса отырып шешу жолдарын ұсынады.

Наурыз мерекесі қарсаңында «Нұр Отан» партиясының 15 жылдығына, Қазақстан мәслихаттарының 20 жылдығына байланысты ауданымыздың халық қалаулыларын аудан әкімі С.О.Тұрбеков қабылдады. Қабылдауға облыстық мәслихат депутаты Ахмет Зиядин, «НұрОтан» партиясы аудандық филиалы төрағасының орынбасары А.Нығатайұлы және баспасөз өкілдері қатысты.



Аудан әкімі қалыптасқан 20 жыл ішінде жергілікті мәслихат депутаттары қоғамды одан әрі демократияландыруға, халық пен атқарушы билік арасындағы байланысты нығайтуға, халықтың тұрмыс жағдайын жақсартуға бағытталған экономикалық және саяси реформаларды жүргізуде өз белсенділіктерін танытып келе жатқанын атап өтті.

 

Ауданымызда өткен жылы атқарылған жұмыстарға тоқталып, осы атқарылған ауқымды жұмыстарда аудандық мәслихат депутаттарының сайлаушылар сеніміне ие болып, олардың аманаттарын орындауда аянбай жұмыс атқарғанын атады. Аудандық мәслихаттың барлық депутаттары «НұрОтан» партиясының мүшелері екенін сондықтан да Елбасының «НұрОтан» партиясының кезектен тыс ХҮ съезінде «Іс жүзінде, партия біздің бүкіл қоғамымыздың айнасы іспетті. Партия халық мүддесінің бастаушысы болуы үшін депутаттар корпусы тарапынан атқарушы биліктің жұмысын тиімді бақылау қажет етіледі. Бәрінен бұрын, 2050 Стратегиясының міндеттерін жүзеге асыруда «НұрОтан» фракциясының парламенттік және қоғамдық бақылау мүмкіндігін кеңінен пайдалану маңызды»,-деп қадап айтты. Сондықтан аудандық мәслихат болатынына сенім білдірді.



Кездесу соңында аудан әкімі барлық халық қалаулыларын Қазақстан мәслихаттарының 20 жылдығымен, депутаттары халықтың мүддесі мен тілектерін басшылыққа ала отырып, тәуелсіз мемлекетіміздің өрлеуінің, ауданымызды өркендетудің кемел міндеттерін тиісті дәрежеде орындауға бірлесе үлес қосып, одан әрі аянбай еңбек етіп, игілікті істердің ұйытқысы

«Нұр Отан» партиясының 15 жылдығымен құттықтап отбастарына амандық, еңбектеріне жеміс тіледі. Елбасы, партия төрағасы Н.Ә.Назарбаевтың сындарлы саясатын жүзеге асыруға, мақсаттары мен міндеттерін орындауға белсене қатысқаны және Қазақстан мәслихаттарына 20 жыл, «НұрОтан» партиясының құрылғанына 15 жыл толуына байланысты аудандық филиал атынан аудандық мәслихат депутаттарын, бұрынғы аудандық мәслихат хатшысын, аудандық мәслихаттың аппарат жетекшісі И.Молдабекті жемісті еңбектері үшін “Алғыс хатпен” марапаттады.

Мақтаарал аудандық мәслихатының 2013 жылғы 23 желтоқсандағы «2014-2016 жылдарға арналған аудандық бюджет туралы» №26-134-V шешіміне өзгерістер мен толықтырулар енгізу туралы» облыстық мәслихаттың 2014 жылғы 14 ақпандағы №24/194-V шешіміне сәйкес, Мақтаарал аудандық мәслихаты сессиясының төрағасы Б. Құдайбергенов пен аудандық мәслихаттың хатшысы О.Дәндібаев шешімімен:

1. «2014-2016 жылдарға арналған аудандық бюджет туралы» Мақтаарал аудандық мәслихатының 2013 жылғы 23 желтоқсандағы №26-134-V шешіміне мынадай өзгерістер енгізілді:

1) 1 тармақ жаңа редакцияда жазылсын:

Мақтаарал ауданының 2014-2016 жылдарға арналған аудандық бюджеті 1-3 қосымшаларға сәйкес, оның ішінде 2014 жылға мынадай көлемде бекітілсін: 1) кірістер – 24186985 мың теңге, оның ішінде: салықтық түсімдер – 1396495 мың теңге; салықтық емес түсімдер – 8260 мың теңге; негізгі капиталды сатудан түсетін түсімдер – 10000 мың теңге; трансферттер түсімі – 22772230 мың теңге; 2) шығындар – 24268852 мың теңге; 3) таза бюджеттік кредиттеу – 223223 мың теңге: бюджеттік кредиттер – 255576 мың теңге; бюджеттік кредиттерді өтеу – 32353 мың теңге; 4) қаржы активтерімен операциялар бойынша сальдо – 0 теңге: қаржы активтерін сатып алу – 0 теңге; мемлекеттің қаржы активтерін сатудан түсетін түсімдер – 0 теңге; 5) бюджет тапшылығы (профициті) – -305090 мың теңге; 6) бюджет тапшылығын қаржыландыру (профицитін пайдалану) – 305090 мың теңге, оның ішінде: қарыздар түсімі – 255576 теңге; қарыздарды өтеу – 31702 мың теңге; бюджет қаражатының пайдаланылатын қалдықтары – 81216 мың тенге.

2) 7 тармақ жаңа редакцияда жазылсын:

2007 жылғы 15 мамырдағы Қазақстан Республикасының Еңбек кодексінің 238-бабына 2 тармағына сәйкес 2014 жылға азаматтық қызметші болып табылатын және ауылдық жерде жұмыс iстейтiн денсаулық сақтау, әлеуметтiк қамсыздандыру, бiлiм беру, мәдениет, спорт және ветеринария саласындағы мамандарға, аудандық бюджет қаражаты есебінен қызметтің осы түрлерімен қалалық жағдайда айналысатын азаматтық қызметшілердің жалақыларымен және ставкаларымен салыстырғанда 25 процентке жоғары лауазымдық жалақылар мен тарифтік ставкалар белгіленсін.

2. Осы шешім www.maktaral.gov.kz. ауданның ресми веб-сайтында жариялансын.

3. Осы шешімнің орындалуын бақылау жасау мәслихаттың экономикалық реформа, бюджет, тарифтік саясат, шағын және орта кәсіпкерлікті дамыту жөніндегі тұрақты комиссиясына жүктелсін.

4. Осы шешім әділет органдарында мемлекеттік тіркелуге жатады, алғашқы ресми жарияланған күннен бастап қолданысқа енгізіледі және 2014 жылдың 1 қаңтарынан бастап туындаған қатынастарға таратылады.

Үдемелі индустрияландыру инновациялық даму бағдарламасы шеңберінде 2014-2015 жылдары іске асатын жобалар қаралды. 2013 жылы ҮИИД МБ шеңберінде ауданымыздан жалпы құны 2414,2 мың.теңгені құрайтын төмендегі 4 жоба АҮК-те мақұлданған. Атап айтқанда: Мырзакент кентінде орналасқан «Мырзакент» ЖШС-нің мақта өндеу зауыты 2014 жылы іске қосу жоспарланған. Зауыттың жалпы құны 1 млрд. теңге, оның 600 млн.теңгесі несие қаражаты. Зауытта 80 адам тұрақты жұмыс орнымен қамтылмақ. Жылы су а/о орналасқан «Арсенал Сад» СТК-на қарасты кешенде көкөніс және жеміс сақтау қоймасын 2014 жылы іске қосу жоспарланған. Жобаның жалпы құны 376 млн.теңге, Қойма іске қосылса, 30 адам тұрақты жұмыс орнымен қамтылмақ. Қойманың жалпы сыйымдылығы 3000 тонна. «Хаят» ЖШС аяқ-кйім фабрикасы инвестициялық жобасы Ералиев а/о орналасқан. Жобаның жалпы құны 675 млн.теңге. Жоба 2014 жылы іске қосылғанда 50 адам тұрақты жұмыс орындарымен қамтылып, жылына 16560 дана аяқ-киім түрлері шығарылатын болады. «МАG логистик» ЖШС сауда логистикалық орталығының құрылысы. Көкөніс сақтау қоймасының жалпы құны 364,2 млн.теңге. Іске қосылған уақытта 60 адам жұмыспен қамтылу жоспарлануда. Аталған жоба 2015 жылы іске қосылу күтілуде.

«Бизнестің жол картасы -2020» бағдарламасы аясында жалпы 8 жобаға қолдау көрсетілген. Оның ішінде 1-ші бағыты банк несиелерін субсидиялау және кепілдендіру бойынша 2013 жылы 3 жобаға қолдау көрсетілген. Атап айтқанда: Жетісай қаласынан «Шапағат Нұры» ЖШС-ның ойын сауық орталығы, ЖК «Нұртазаева Қ» жекеменшік балабақшасы, Жылы су а/о «Арсенал сад» СТК көкөніс сақтау қоймасы жобасы.

Бағдарлама аясында өндірістік инфрақұрылымды жетілдіру мақсатында 2 жобаға қолдау көрсетілген. Асықата кентінен «Атамекен МК» ЖШС-на су мұнарасы және Жетісай қаласынан Сапа Инвест Плюс» ЖШС-не табиғи газ бен электр жүйелері. Үстіміздегі жылы «Бизнестің жол картасы 2020» бағдарламасы аясында өндірістік инфрақұрылымды жетілдіру мақсатында 3 жобаға қолдау көрсету үшін құжаттары жинақталып, тиісті жұмыстар жүргізілуде. Атап айтқанда: Мақтарал а/о қарасты «Боев» ШҚ-ның жылыжайына табиғи газ жүйесін тарту, Жетісай қаласында орналасқан ЖК «Нышанова Г» қарасты нан және тәтті нан өндіретін цех жобасын іске қосу үшін бағдарлама аясында өндірістік инфрақұрылымды(электр энергиясы, газ, жол, кәріз жүйелері) және Мырзакент кентіндегі «Мырзакент» ЖШС-і мақта тазалау зауытына табиғи газ тарту мақсатында жұмыстары атқарылуда.

Бір емес бірнеше рет өмірлік маңызы бар мәселелер депутаттардың бастамасымен қаралды. Мәселен, экономикалық реформа, бюджет, қаржы, кәсіпкерлік, АӨК және табиғи ресурстарды пайдалану жөнінде қоғамдық тыңдау өткізілді.

Депутаттарға әлеуметтік саланың бүгінгі жай-күйі, көкейкесті мәселелері таныстырылды. Халық қалаулылары бірнеше ауылдағы апатты жағдайда тұрған және салынып жатқан білім ұяларын барып көрді. Мақтаарал ауданында 118 мектеп бар болса, соның 12-сі апатты жағдайда тұрғаны белгілі болды. Атап айтқанда, Қарақай ауылындағы Мәншүк Мәметова атындағы орта мектептің жағдайы өте ауыр. Мектеп 1952 жылы саманнан салынған. “П” әрпі тәріздес мектептің 2004 жылы бір жартысы түгел құлап қалған. Шығыстан шыққан тұңғыш батыр қызымыздың атындағы мектепті көріп, көңілімізге қаяу түсті. Дәлізде Мәншүктің портреті ілулі тұр, жанында өмірбаяны берілген. Онда: “М.Мәметова Гурьев облысының Орда ауылында туған” деп қате жазылыпты. Гурьевтің Атырау болғалы қаншама уақыт өтті. Әрі ол облыста Орда ауылы жоқ! 350 орындық жаңа мектеп ғимаратын салу жобасы дайын, жері анықталған, жобаның құны 419 млн. теңгені құрайды. 2008 жылғы облыстық бюджеттен қаржы бөлу туралы ұсыныс жасалып отыр.

Әрине, сұрақтарды жедел шешу мүмкін емес. Бірақ, проблемалық мәселе көтерілді, талдау жасалынды, алға міндеттер қойылды.Жауап беретін мекемелер өздеріне тиесілі сұраққа жауап берді, сұраныс бар екенін түсінді және бақылау қойылды.

Нормативтік - құқықтық актілерді қабылдауда және жергілікті өкілеттік орган жұмысында депутаттардың білімдері мен тәжірибелерін атап өткен жөн.

Аудандық мәслихат сессиясында мәслихат депутаттарымен 4 өңірлік бағдарлама қабылданды. Олар: денсаулық сақтауды дамыту бағдарламасы, ауданның өңірлік даму бағдарламасы, ауылшаруашылығы жерлерін тиімді пайдалану және тілдерді дамыту бағдарламасы.

Өңірлік бағдарламаларды талқылау кезінде депутаттар оның экономикалық жағдайына және іс-шаралар жоспарын қаржыландыру мәселесіне баса назар аударды.

Жұмыс жоспарына сәйкес жыл сайын аудан әкімінің оған жүктелген міндеттер мен тапсырмалардың атқарылуы жөніндігі есептері, атқарушы органдар басшыларының жұмыс бағытына қарай, олардың кемінде екі басшысының есептері қаралады. Төртінші шақырылымдағы аудандық мәслихаттың бірінші сессиясында төрт тұрақты комиссия құрылды: бюджет және экономикалық даму мәселелері жөніндегі, мемлекеттік-құқықытық мәселелері жөніндегі тұрақты комиссиялар және тексеру комиссиясы.

Аудандық мәслихаттың және тұрақты комиссияларының жұмысы бiрiншi жоспарлаудан басталады. Аудандық мәслихат жұмысын жоспарлау кезінде, мәслихатқа және тұрақты комиссияларға қатысты мәселелердi аппарат қызметшілерi мен депутаттар сайлаушылардан түскен ұсыныстар мен сын-ескертпелер және сайлауалды бағдарлама негізінде жан-жақты талқылап, зерттеп енгiзедi.

Жоғарыда аталған тұрақты комиссиялардың ағымдағы жылдың 3 айында 6 отырысы өтіп, күн тәртібінде бірнеше мәселе көтерілді. Мысалы:

1. Аудандағы білім мәдениет саласы мекемелерінен қаржыға байланысты келіп түскен сұраныстарды іске асыру туралы

2. Мақтарал ауданы бойынша аз қамтамасыз етілген отбасыларға (азаматтарға) тұрғын үй көмегін көрсетудің мөлшері мен тәртібі

3. Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидасын бекіту туралы

4. Мақтаарал ауданының ауылдық елді мекендеріне жұмыс iстеу және тұру үшiн келген денсаулық сақтау, бiлiм беру, әлеуметтiк қамсыздандыру, мәдениет, спорт және ветеринария мамандарына 2014 жылы көтерме жәрдемақы және тұрғын үй сатып алу немесе салу үшiн әлеуметтiк қолдауды ұсыну туралы;

Аталған мәселелер бойынша тиісті мекеме, бөлім басшыларының хабарламалары тыңдалып, жан - жақты талқыланып, қабылданған қаулылар орындауға жолданды.

2014 жылдың қаңтар-сәуір айы аралығында ауданның әлеуметтік-экономикалық дамуына қосқан мол үлесі, ұзақ жылғы жемісті еңбегі мен белсенді қызметі үшін аудан әкімдігі, аудандағы мекеме, кәсiпорын басшыларының ұсынысы бойынша 26 азамат аудандық мәслихаттың Грамотасымен, 14 азамат аудандық мәслихат хатшысының Алғыс хатымен марапатталды.

Мәслихат шешімімен аудан әкімдігі жанынан құрылған 8 консультациялық кеңесші органның дербес құрамы келісілді. Аудандық маңызы бар қаланың бас жоспары бекітілді. Ұсыныстардың келіп түсуіне қарай, қала мен ауылдық округтердің шекаралары бекітіліді.

Аудандық мәслихат аппаратының мемлекеттік әкімшілік қызметшілерінің жұмыс сапарына бағалау жүргізу және әзірлеу жөнінде іс шаралар жоспары бекітіліп, жүзеге асырылуда, белгіленген критерийлерге сәйкес, әр тоқсан қорытындысы бойынша әрбәр қызметшінің жұыс сапасына бағалау жүргізіледі. Жазбаша материалдарды дайындау аудару және көбейту, сондай-ақ аудандық мәслихат хатшысына қол қоюға тапсырылатын құжаттарды әзрлеу тәртәбі бекітілді.

Өздерінің депутаттық өкілеттіліктерін орындай отырып әр депутат өз қызметінің бағыттарын анықтайды, аудандық мәслихаттың алдыға қойған міндеттерін шешуге өз үлестерін қосады.

Тұрақты комиссияның жұмысы салалық бағыт бойынша ағымдағы жоспармен жүргізіледі. Барлығы бір жылда 16 тұрақты комиссия отырысы өткізіліп, онда 24 сұрақ қаралды.

Барлық депутаттар өз қызметтерінде Қазақстан Республикасының Бюджет Кодексін қатаң түрде сақтай отырып, аудандық бюджеттің әлеуметтік бағытталуын, бөлінген қаржының мақсатты түрде жұмсалуын қадағалайды.

Әлеуметтік- экономикалық мәселелер, ауданның мәдени дамуы жергілікті өкілетті орган қызметінің маңызды бөлігі болып табылады.

2014 жылдың ақпан айында шақырылғанМақтаарал аудандық мәслихат депутаттарының 2013 жылдың қорытындысы бойынша қала және ауылдық округтерде сайлаушыларымен кездесулер өткізді. Кездесулер барысында қала, ауыл тұрғындарынан жалпы 56 ұсыныс түсті.

Оның ішінде:

25- ұсынысқа депутаттар тарапынан жауап берілді

10 - ұсыныс аудандағы тиісті мекеме басшыларына жолданды

21 - ұсынысқа іс-шара жоспары әзірленіп, аудан әкіміне жолданды.

Қазіргі таңда кездесулер барысында сайлаушылар тарапынан көтерілген барлық мәселелер аудандық мәслихаттың бақылауында.

Аудандық «Мақтаарал» газетінде жарияланған кестеге сәйкес аудандық мәслихат депутаттары ай сайын сайлаушыларына қабылдау жүргізуде.

Қазіргі кезеңде бесінші сайланған аудандық мәслихат депутаттары қызмет жасауда, ал бұл мерзімге дейін сайланған депутаттар үлкен тәжірибе мектебінен өтіп, нағыз халық қалаулыларына айналды, жастарға үлгі-өнеге болуда. Ал, депутаттардың көпшілікпен, яғни сайлаушылармен жұмысының нәтижелі болуы аудандық мәслихат аппаратының қызметімен тығыз байланысты.

Аудандық мәслихаттың қызметі туралы айтқанда аудандық прокуратура және әділет басқармасымен байланысты қызметтік іс-әрекетті айтпай кетуге болмайды. Себебі, аудандық мәслихат шешімдерінің заң талаптарына сәйкес келуі, сілтеме жасаған баптардың нақтылығы, тіпті шешімдердің сауатты жазылуына басты назар аударуға бұл аталған органдар қызметкерлерінің қосқан үлесі зор. Аудандық мәслихат шешімдерінің жобасы тұрақты комиссия шешім қабылдағанға дейін прокуратура қызметкерлерімен пікірлесіп, түрлі кеңес сұрағанымыз жасырын емес. Мысалы, ауданда жастар арасында бұзақылық іс-әрекеттерінің көбеюіне байланысты олардың кешкі мерзімде жүріп-тұруына шектеу қою мәселесін нақтылау аудандық прокуратура қызметкерлерімен бірлесіп, жүзеге асырылып еді.

Сол орган қызметкерлерінің қатысуымен ата-аналар арасындағы жұмыс, мектеп ұжымдарында жиналыс өткізу, тіпті мектептерге тұрақты полиция қызметкерлерін бекіту мәселесі сияқты жағдайлар шешілген болатын.

 

 

Аудандық мәслихат жұмысы туралы сөз қозғағанда оның өзге де қоғамдық ұйымдармен, тіпті үкіметтік емес мекемелермен байланысын айтпай кетуге болмайды. Өйткені сайлаушылар талап-тілектерін жүзеге асыру үшін меншік түріне қарамастан барлық ұжымдармен, кәсіпорындармен, мекемелермен қызмет жасау қажет. Депутаттар белсенділігін арттыруда солар мүшесі болып табылатын саяси партиялар ұйымдарының ықпалы ерекше болғаны белгілі.

2014 жылдың 26 наурыз айында өткізілген 13-ші сессияның күн тәртібіне бүгінгі таңдғы аса маңызды мәселе ретінде «Аудан тұрғындарын жұмыспен қамту және әлеуметтік қорғау мақсатында атқарылудағы жұмыстар және аудандық «Жұмыспен қамту -2020» бағдарламасының орындалу барысы туралы» мәселе енгізіліп, аудан әкімінің орынбасары С.Қорғанбаев жасаған баяндама талқыланды. Нәтижесінде, жаңа басталған «Жұмыспен қамту -2020» бағдарламасының аудандағы орындалу барысы негізінен дұрыс бағытта екендігі, оның ішінде, әсіресе тұрғындарға мақсатты несиелерге қол жеткізілуіне қажетті нақты шаралар атқарылғаны көрсетілді. Әрине, сол бағдарламаның белгіленген бағыттары бойынша атқарылуы тиіс шаралар ауқымы көлемді және жұмыс нақтылығы қажет екені көрсетілді.

Алдағы кезеңде мәслихат жұмысын одан ары жандандыру, жетілдіру бағытындағы тиісті іс-шаралар атқарылатын болады.

 

 


mylektsii.ru - Мои Лекции - 2015-2019 год. (0.01 сек.)Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав Пожаловаться на материал