Кондак 2. Избра̀нной служительнице слова Божия и подвигом святых Апостол подражательнице, залог благословения от Божия Матере

АКАФИСТ

СВЯТОЙ РАВНОАПОСТОЛЬНОЙ НИНЕ,

ПРОСВЕТИТЕЛЬНИЦЕ ГРУЗИИ

(память 27 января)

Кондак 1

Избра̀ нной служительнице слова Божия и подвигом святых Апостол подражательнице, залог благословения от Божия Матере, честны̀ й Крест приявшей и во стране Ѝ верстей водрузѝ вшей, благодарственная хваления восписуем ти, цевнѝ це духовная, святая равноапостольная Нѝ но. Ты же, я̀ ко иму̀ щая дерзновение ко Господу, не преста̀ й моля̀ щися изба̀ вити нас от всяких бед и скорбей, да со умилением благодарственно зовѐ м ти:

Радуйся, святая, равноапостольная Нѝ но, просветительнице Грузии.

Икос 1

Ангела дѝ вна страны̀ Ѝ верския явѝ тя всея̀ твари Создатель, обратѝ ти народы земли сея̀, седя̀ щия во тьме и сени смертней, от прелести идольския и призва̀ ти их во язык свят, в люди обновления. Темже мы, благодаря̀ ще Бога, прославляем тя я̀ ко просветѝ тельницу и молитвенницу нашу и прилежно зовѐ м ти:

Радуйся, пречудная избра̀ ннице Божественнаго Промысла;

радуйся, дивно процветшая розго̀ благочестиваго ко̀ рене.

Радуйся, сосу̀ де благодати преизря̀ дный;

радуйся, вместѝ лище благодатныя силы.

Радуйся, Пресвятыя Девы Богородицы верная посланнице;

радуйся, прехвальная Апостолом подража̀ тельнице.

Радуйся, во благовестии первозванному Андрею поревновавшая;

радуйся, ѐ юже лжа ѝ дольская попра̀ на бысть.

Радуйся, ѐ юже святая вера насадѝ ся;

радуйся, ѐ юже нам земным путь к небесѐ м показу̀ ется.

Радуйся, святая, равноапостольная Нѝ но, просветительнице Грузии.

Кондак 2

Вѝ дяще исполнение Божественнаго о людех смотрения Отца Небеснаго, Единороднаго Его Сына и Святаго Духа, воздвѝ гшаго пророки и Апостолы ко спасительному служению и нашего ра̀ ди обращения к свету Евангельския истины избра̀ вшаго святую равноапостольную Нину, вопием к Богу: Аллилуиа.

Икос 2

Разум Божественный возжелѐ вши уразумѐ ти святая Нина, не едѝ ножды испы̀ товаше от наставницы своея̀ Нианфоры, я̀ же известна бы̀ ша о Господе Спасителе нашем и Его святом хито̀ не, научѐ нная же от нея̀ истинными познании, восхотѐ поклонѝ тися вседраго̀ му хитону и месту подвигов святых Апостол. Мы же, благоговения к жизни святыя Нины исполненнии, прославляем ю сѝ це:

Радуйся, истины Царствия Божия уразумѐ ти иму̀ щая;

радуйся, от юности Христа возлюбившая.

Радуйся, от младости материю своею Суса̀ нною благочестию научѐ нная;

радуйся, отца своего Завуло̀ на утешение.

Радуйся, святителем Иувена̀ лием в страсе Божии упасѐ нная;

радуйся, Божиим словесѐ м обученная.

Радуйся, во святѐ м гра̀ де Иерусалиме возращѐ нная;

радуйся, течением своим к славе Божией во младости праведных удивѝ вшая.

Радуйся, земным благом небесная предпочѐ тшая.

Радуйся, святая, равноапостольная Нѝ но, просветительнице Грузии.