Главная страница Случайная страница
Разделы сайта
АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника
|
|
Комидия притчи о блудном сыне
Пролог
| Благородни, благочестивии, Государие премилостивии! Не тако слово в памяти держится, Яко же аще что делом явится. Христову притчю действом прояити Зде умыслихом и чином вершити. О блуднем сыне вся речь будет наша, Аки вещь живу, узрит милость ваша. Всю на шесть частей притчю разделихом. По всяцей оных нечто примесихом Утехи ради, ибо все стужает, Еже едино без премен бывает. Изволте убо милость си явити, Очеса и слух к действу приклонити: Тако бо сладость будет обретенна, Не токмо сердцам, но душам спасенна, Велию ползу может притча дати, Токмо изволте прилежно внимати. Часть I. [Первая часть начинается с монолога отца, который делит свое имение между обоими сыновьями и дает им наставления. Он советует им надеяться на Бога, руководиться в жизни правилами благочестия и хранить христианские добродетели. Отцу отвечают оба сына, но отвечают по-разному.] Сын старший глаголет к отцу: Отче мой драгий! отче любезнейший! Аз есмь по вся дни раб ты смиреннейший; Не смерти скоро аз желаю тебе, Но лет премногих, яко самому себе. Честнии руце твои лобызаю, Честь воздаяти должну обещаю, Уст твоих слово в сердци моем выну Сохраню, яко подобает сыну. На твое лице хощу выну зрети, Всю мою радость о тебе имети. Во ничто злато и сребро вменяю, Паче сокровищ тебе почитаю. С тобою самым изволяю жити, Неже всем златом обогащен быти. Ты моя радость, ты ми совет благий, — Ты моя слава, отче мой предрагий! Вижду аз светло, како нас любиши, Егда твоих благ общники твориши. Неси аз достоин тоя благодати, За твой труд и нам Бог то волит дати. Благодарствие убо возсылаю Богу, а твои руце лобызаю. Любо приемля благословение, Обещая ти повиновение, Желаю выну аз с тобою быти, В обоем щасти с отцем моим жити. Всякия труды готов подимати, Отчия воли прилежно слушати. Весь аз твой раб есмь, рад выну служити; В послушании живот мой кончити. Отец к сыну старейшему: Буди на тебе благословение Бога всесилна за то смирение! Ты обещался с нами пребывати, Бог имать на тя милость излияти. Сын юнеишии к отцу: Радости наша, сынов твоих славо, Между пречестных честнейшая главо, Отче любезный, нам данный от Бога, Живи в радости здрав на лета многа! Благодарствие тебе возсылаем За милость, юже днесь от тебе знаем. Мудрость словес ти любезно прияхом, В скрижалех сердец наших написахом. Еже велиши, того мы желаем; А Бог поможет, тако уповаем. Поучавши нас благо пожити И славу рода нашего множити, — Вседушно того аз, сын твой, желаю, Попечение о том полагаю. Брат мой любезный избра в дому жити, Славу в пределех малых заключити. Бог ему в помощ при твоей старости Изжити лета красныя юности! Вящшая мой ум в ползу промышляет, Славу ти в мир весь простерти желает. Идеже восток и где запад солнца, Славен явлюся во вся мира конца. От мене дому расширится слава, И радость примет отчая ти глава. Точию изволь милость си явити, Уму моему помощ сотворити. Вся нам давши, несть требе толико, Часть мне достойну отдаждь, мой владыко, Ею же имам много пристяжати. Всякая страна имать нас познати. Свещи под спудом не лепо стояти, С солнцем аз хощу тещи и сияти. Заключение видит ми ся быти, — В отчинной стране юность погубити. Бог волю дал есть: се птицы летают, Зверие в лесах волно пребывают. И ты мне, отче, изволь волю дати, Разумну сущу, весь мир посещати. Твоя то слава и мне слава будет, До конца мира всяк нас не забудет. И егда даст Бог везде посетити, Воскоре имам в дом си возвратити, В славе и чести тогда радость тебе Будет на земли и ангелом в небе. Не медли, отче! Часть ми изволь дати, Благословенство свое излияти: Путь бо мой близ есть, мысль моя готова, Токмо от тебя жду отческа слова. Даждь ми десницу твою целовати, Абие хощу путь мой начинати. [Отец пробует убедить сына остаться дома, приобрести житейский опыт и потом уже пускаться в путь, но младший сын возражает: ] ...Что стяжу в дому? Чему изучуся? Лучше в странствии умом сбогачуся. Юньших от мене отци посылают В чюждыя страны, потом ся не кают... [Отец принужден согласиться и отпускает сына.] Часть II Изыдет Блудный сын с немноги слугами и глаголет: Хвалю имя Господне, светло прославляю, Яко свободна себе ныне созерцаю. Бех у отца моего, яко раб плененный, Во пределех домовых, як в турме замкненный. Ничесо бяше свободно по воли творити: Ждах обеда, вечери, хотяй ясти, пити; Не свободно играти, в гости не пущано, А на красная лица зрети запрещано, Во всяком деле указ, без того ничто же. Ах! Колика неволя, о мой святый Боже! Отец, яко мучитель, сына си томляше, Ничесо же творити по воли даяше. Ныне, слава Богови, от уз освободихся, Егда в чужую страну едва отмолихся. Яко птенец из клетки на свет изпущенный; Желаю погуляти, тем быти блаженный. Богатство имам много и доволно хлеба, Несть кому его ясти, слуг болши потреба. Аще ся кто обрящет охотник служити, Имам сладце питати и ценно платити. Слуга Блуднаго. Милостивый государю! аз хощу искати Таковых, иже тебе будут работати. Блудный. Друг ми будеши, не раб, егда со слугами Многими немедленно станеши пред нами. Возми на путь сто рублев, за труды другое; Егда возвратишися, дам ти еще втрое. Слуга. Аз иду; ты, государь, изволь ожидати, Имам ти со слугами абие предстати. Слуга за завесу, а Блудный сядет на стольце и к слугам глаголет: Не добро богатому мало слуг имети: С ким имам ясти, пити? Кто нам будет пети? Прискоробно ми есть без слуг. Вина чашу дайте, Сами по десяти чаш полных испивайте. Он будет пити, и слуги наполнивши [чаши], держат в руках, и един от них глаголет: Те чаши испиваем мы за тебе, света. Буди, государь наш, здрав на многа лета! Оне, пивше, запоют: «На многа лета!» В то время приидет Слуга, искавый новых слуг, с многими слугами и речет: Радуйся, государю! Светло веселися! Сей раб твой со многими слуги возвратися. Блудный. Добре, о благий рабе! Прими себе за то, Яко же обещах ти, сребро или злато. Но повеждь ми, что сии искусни творити. Аз готов комуждо сто рублев платити. Слуга, искавый слуг, глаголет: За мзды воздание ручку ти целую, О сих людях искусных верно извествую, Яко вси суть потребни в пути, в людех, в дому: Пити, ясти, шутити обычай всякому. Блудный. Ха! ха! ха! Ха! ха! ха! То добрии люди. Слыш! Даждь им по сту рублев; дай же, не забуди! Слуга новый глаголет: Преблагий государю! за то ся кланаем, А во услугах наших верность обещаем. Блудный. Добре, слузи вернии! Ну ж возвеселимся! Общая днес нам радость, вином прохладимся. Сядите, слузи мои! Вина наливайте, А за наше здравие до дна испивайте. Кто из вас в зерни умеет, той сяди со мною, Прочий в карты, в тавлеи играйте с собою; Аще кто проиграется, та на мне утрата; А кто добре выиграет, за труд гривна злата. Слуга-зернщик. Аз бывах искусен зернию играти, С тобою, государь, не хощу дерзати. Блудный. Сяди, брате, со мною; дерзай, як у брата; Аще обыгравши, сто рублев заплата. А вы, прочий друзи, весело играйте, Мои богатства вземше, смело пройгравайте. И тако сядут играти, будут похищати добро Блуднаго и проигравати, а Блудный речет к зернщику: Добре игравши, се сто рублев тебе; Но щастися ради напиймыся себе. И напиются. Зернщик. Еще ли, государь, изволиш играти? Блудный. Подвеселил есм себе, лучше пойду спати. Зернщик к прочим играющим. Востаните, братие, добре послужите, Государя своего на постель ведите. Един от игравших речет: Вставим, друзи, и пойдем: время почивати, Уже благодетель наш изволил престати. И тако Блудный сын пойдет, сланяяся, а за ним вси. Певцы поют, и буди Intermedium. Часть III Изыдет Блудный сын похмелен, слуги различна утешают; он обнищает. Часть IV Изыдет Блудный гладен, продает последнюю одежду, облекается в рубище, службы ищет, пристает к господину, посылается свиная пасти, пасет, яст со свиниами, свинию погубил, биен; ищет и, плача, глаголет: «Коль много хлеба у отца моего» и проч. ...Блудныи глаголет: Увы мне! Увы! Что имам творити? Свини погубих, хотят мя убити. Гладом и хладом весма помираю И бичми люте посечен бываю. О коль бе благо в дому отчим быти, Нежели в страны чюждыя ходити! Хлеб у наемник тамо избывает, А мое чрево гладом погибает. Пойду ко отцу, до ног поклонюся, Глаголя сице, пред ним умилюся: «Отче! согреших на небе и к тебе, Прими мя поне в наемника себе. Несмь бо достоин сын твой нарещися». О даждь ми, Боже, к отцу довлещися! И пойдет за завесу. Ту пение и Intermedium, по нем пение паки. Часть V Изыдет Отец Блудного сына, печаляся о сыне; сын возвращается и проч. Часть VI Изыдет Блудный одеян и честен, хвалит Бога, яко возвратися. Епилог Благороднии, благочестивии, Государие перемилостивии! Видесте притчю, Христом изреченну, По силе делом днесь воображенну, Дабы Христовым словам в сердцах быти Глубже писанным, чтобы не забыти. Юным се образ старейших слушати, На младый разум свой не уповати; Старим — да юных добре наставляют, Ничто на волю младых не спущают; Наипаче образ милости явися, В нем же Божая милость вобразися, Да и вы Богу в ней подражаете, Покаявшимся удобь прощаете. Мы в сей притчи аще согрешихом, Ей, огорчите никого мыслихом; Обаче молим — изволте простити, А нас в милости Господстей хранити, За что хранени будете от Бога В милости его на лета премнога. Ту вси, изшедше, поклоняются, а мусикия запоет, и тако разыдутся гости. Конец и Богу слава. |
| <== предыдущаЯ лекциЯ | | | следующаЯ лекциЯ ==> |
| Глава последняя | | | "ВИТЯЗЬ" МОСКВА 2000 |
Данная страница нарушает авторские права?