Студопедия

Главная страница Случайная страница

Разделы сайта

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






Како детем отца и мати любити и беречи и повиноватися им и покоити их во всем






Чада послушаите заповеди Господни, любите отца своего и матерь свою и послушаите их, и повинуитеся им по Бозе во всем, и старость их чтите, и немощь их и скорбь всякую от всея душа понесите на своеи выи, и благо вам будет и долголетны будете, и прославитеся от человек, и дом его будет благословен в веки, и насьледит сыны сынов твоих и досьтигнет старости маститы во всяком благоденьстве дни своя препровожают аще ли кто злословить или оскорбляет родителя своя или кленет или лает сии пред Богом грешен от народа проклят аще кто биет отца и матерь от церкви и от всякия святыни да отлучится, и лютою смертию и градцкою казнью да умрет, писано бо есть отча клятва иссушит а матерня искоренит сын или дщерь, не послушьливы отцу или матери, в пагубу им будет и не поживут днеи своих иже прогневают отца и досажают матери. Мнится не согрешяя к Богу, и есть поганого горее, и обещник есть нечестивым о них же пророк Исаия рече возмется нечестивыи да не видит славы Господня, сих нечестивыи именова, иже бесчествуют родителя своя и паки насмехающагося отцу и укаряюща старость материю да ськлюют их вранове и снедят орли, честь же творяи отцу, и матери и повинующеся им по Бозе во всем, возвеселитися имут о чадех своих и в день печали избавит их Господь, Бог, и молитву их услышит егоже просят подаст им вся благая, покояи матерь свою волю Божию творит и угожаяи отцу во благих поживет вы же чада делом и словом угожаите родителем своим во всяком блазе совете да благословени будете от них отчее благословение дом утвердит, и матерня молитва от напасти избавит аще ли оскудеют разумом в старости отец или мать не бесчествуите их ни укаряите да от своих чад почтени будете, не забываите труда материя и отцова, яже о вас болезноваша и печални быша покоите старость их и о них болезнуите якож они о вас не глаголи много сотворих им добра одеянием и пищею и всякими потребами но ни си свободи сим не можеши бо ею родити и тако ею болети, яко она о тебе тем же со страхом раболепъно служити им да и сами от Бога мзду приимете и жизнь вечную наследите яко свершители заповеди Его.






© 2023 :: MyLektsii.ru :: Мои Лекции
Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав.
Копирование текстов разрешено только с указанием индексируемой ссылки на источник.