Собора 4-го Вселенскаго правило 9. 1 страница

П ричетницы[358] между собою распрю имуще, аще оставльше своего епископа, к мирским судиям приступят, по правилом вину да приимут. Причетницы же, аще имеют что на епископа, да ожидают собора. Аще же епископи на митрополита Константиняграда патриарху да возвестят.

Т олкование.

А ще причетник имать нечто на причетника, не подобает ему судитися пред мирскими судиями, но от своего епископа. Аще же оставльше своего епископа к мирскому судищу приступят, по правилом запрещение да приимут. Такоже и причетник, аще имать нечто на своего епископа, (л. 93)[359] да приходит к митрополиту страны тоя. Егда в реченное время соберутся к митрополиту всея области его епископи, тогда пред митрополитом на соборе да судится. Аще ли епископ или причетник с митрополитом имать некую распрю, от патриарха всея тоя земли да судится, под ним же суть епископи и митрополити всех областей страны тоя, или от патриарха Константиняграда судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть. (л. 93 об.)[360] И нигде же обретается суд на патриарха от своих епископ, разве твоего блядословия.

В озражение 11 вопроса и ответа.

Г лаголеши, совопросниче, яко аз никогда не изволил называть архиереов братиею своею, но почитал их велми нижайших для того, что от него были освящены.

В озражение.

Л жеши, лицемере, яко аз не называл их братиею, но есть свидетельство во святей литоргии[361] по принесении честных даров, глаголет архиерей ко прочим служащим: Помяните мя, братия и сослужителие. (л. 94)[362] И аще в нужнейших соглашался, како глагошеи, яко нижайши себе почитал, во ином месте покажем, яко глава инех уд честнейши. Ныне же о сем глаголем, яко от него, глаголеши, посвящены были. Истину глаголеши, яко от нас были посвящены и ныне несть уже священия на них, яко же глагол твой свидетелствует, якоже Перваго и Втораго собора в церкви святых апостол глаголет.

П равило 13.

А ще[363] который презвитер или диакон, якоже се мня, сведыи своего епископа согреша, прежде суда и уведения всех епископ собора отступит от общения его и не поминает имени его в службе, да извержется и всея священническия (л. 94 об.)[364] да будет лишен. Последующий же ему, аще суть священницы, своея чести да отпадут, мниси же и мирстии человецы да отлучатся дондеже обратятся.

П равило 14.

А ще который епископ тожде сице дерзнет сотворити на своего митрополита да извержется, подобает бо комуждо своя меры ведати.

П равило 15.

Т акожде аще который епископ или митрополит на своего патриарха таковая же дезнет, всего святительства да будет лишен.

Доволни ли ти есть сего на ответ ко твоему вопрошению. Аще ли мниши мало, послушай вкупе со ответотворцем. Глаголеши убо, (л. 95)[365] ответотворче, яко Иисус, Бог и человек, рекл святым женам: Не бойтесь, идите и рцыте братии моей. Ест ли с пол священники его, братия его не суть, что же ли они суть, сыны ли несть для того, что мирския люди суть сыны и он есть Отец всех мирских людей, а иный архиерей тоже их отец.

Тако[366] Господу глаголющу ко святым женам, яко же ты глаголеши: Идите и рцыти братии моей. Есть же Господу глаголющу и заповедающу, ни учителем кому прощено есть нарицатися. Вы же, рече, не нарицаитеся учитилие, един бо есть учитель ваш Христос, вси же вы братия есте. Да почто уже и учителем нарицаются учители, понеже вси братия есмы? (л. 95 об.)[367] И паки Господу глаголющу: И отца не зовите себе на земли, един бо Отец ваш, иже на небесех. Да почто ты глаголеши, яко несмь отец своим чадом, а они отцы своим сыном?

Господу отрицающу всем не звати на земли отца развее на небеси, а ты глаголеши, яко отцы всем людем архиерее. Почто же великии архиерей нарицается патриарх, не еже ли отцем начало, то есть малым и великим? Что же ли епископ, развее посетитель, а не отец, ни отцем начало? Да уже видел еси святаго Перваго и Втораго собора в церкви святых апостол, яко коеиждо степени свое правило имуща 13 о епископех и 14 о митрополитех (л. 96)[368] и 15 о патриарсех. Не доволно ли и едино правило быти, но изволи ся святому собору коемуждо по чести и по степенем правило написати.

Почти же святаго Карфагенского собора правило 87.

Д а[369] не почтеши себе болми сущаго прежде тебе, но да последствуеши. Не бреги же о первом, от него сам небрегом будет.

Т олкование.

В о Африкии тогда и во иных странах правовернии епископи не имяху по престолом различныя чести, но вси бяху равно честни. Епископ же прежде поставленый и поставленаго по нем и седанием и в правилных взысканиих и во ответех честней бяше и тако, иже по них по летом[370] (л. 96 об.)[371] поставлениа их последоваху. Не хотящаго же по тому уставу творити епископа во Африкиистей стране, но гордящася и самомнима суща и о старейших его не брегуща, повелеша отцы небрегому быти таковому от всего собора.

Да коя твоя правда, самомниме, чрез евангельское учение и святых апостол и святых отец правила, еже не радети о стареишинстве. Вводиши, чево прежде не было. Послушай апостола Павла к Тимофею пишюща: Старцу[372] не твори пакости, но утешаи якоже отца, юношу якоже братию. Почто и апостол различие положил старцу с юным?

Патриарх есть образ жив (л. 97)[373] Христов и одушевлен делесы и словесы в себе живописуя истину.

Блюдение патриарху.

Первие, убо их же от Бога прият, во благочестии и чистоте житие сохранити. Потом же и вся еретики, поелику мощно тому, ко православию и соединению церковному обратити. Еретицы же законы и правилы нарицаются, иже соборней не общевающеся церкви, еще же и неверныя светлым и чюдным его деянием удивляя, подражателя сотворити[374] в вере и зрящих дела его, служителя пресвятей и единосущней Троицы, елико по нем соделати. Конец патриарху, еже ввереных тому душ спасение и еже жити убо о Христе, распяти же ся мирови (л. 97 об.)[375] особная патриарху, еже быти учителну. Еже ко всем высоким же и смиреным не тесно местне изровнятися и кротку убо быти ко всем приступающим ему и собеседующим ученми. Обличителну же к непокоряющимся, о истинне и о отмщении предании, соблюдении правды и благочестия глаголати пред цари и не стыдетись жителству от частей и удов, подобне человеку некоему составляему великая и нужнеишая части царь есть и патриарх. Тем же и еже по души и телу мир и благоденство послушник царствия есть и архиерейства во всем единомыслие и согласие. Константиняграда (л. 98)[376] престол царством украсися, соборными сужденми первый наречен бысть. Им же Божествении последующе закони и иже от иных престол бывающим недоуменным, яко по одного повелевают возноситися разсмотрение и суд всех митрополии и епископии. Монастырь же и церковь промышление и попечение, еще же и суд и осуждение и освобождение от вины своему патриарху належит. Константинова же града первоседалнику лет есть во иных престол енориях, в них же несть предосвящения, храмех крестоводружения давати не токмо, но и иже престолех бывающая распря и недоумения назирати и изправляти и конец налагати судом. (л. 98 об.)[377] Такожде и покаяния и обращения от грехов и ересей сам един бывает разчинитель и расправитель и устаменитель.

С обора в Новой Кесарии правило 14.

С ельстии[378] же епископи, суть убо по образу седмидесяте апостол, якоже с служебницы суще, потщания ради, иже ко убогим, почитаеми, да служат во градстеи церкви.

Толкование.

Е пископи убо градстии, по образу суть двоюнадесяте апостолу, на них же дуну Господь: Приимите, рече, Святый Дух, им же отпустите грехи, отпустятся им, и им же держите, держатся им. Се же по сих им же даравано бысть и благодать Святаго Духа инем раздавати. (л. 99)[379] И уже видели еси своего исправления разрушение в 13 правиле святаго собора, иже во Антиохии Сирстей, и святаго Шестаго Вселенскаго собора в 20-м правиле, почто еще многословиши.

В озражение 12 вопроса и ответа.

Г лаголеши, совопросниче, неправедне, яко нарекся Никон великим государем для того, что его так назвал всегда сщасливеишой наш государь, хотячи его паче звычею почитать. Согрешил ли Никон, что так высочаишее титло на себя принял, согрешил ли или нет, скажи нам и протолкуй.

И сам, вопросниче, глаголеши, что назвал всегда сщасливеишой наш государь, хотячи ево паче (л. 99 об.)[380] звычаю почитать, да уже чево ино взыскуеши толку и сам свидетелствуеши, яко назвал государь, да на нем то Господь Бог и взыщет. А где и когда назвал, аз ти скажу.

Как великии государь пришол ис-под Смоленска в Вязьму, а мы пришли з государынею царицею и з государем царевичем и з государынями царевнами в Вязьму же. И он, великии государь, со многим молением говорил нам о сем, чтоб писатся великим государем, а нашего изволения на то не было. А что он в своем изволении раскаялся и всем порицает нас тем, яко мы тако начали писати, Господь Бог разсудит в День Судный по ево рукописанным грамотам, в них же есть (л. 100)[381] писано то, и положены на престол Божии.

Но обаче известите ми, что различествует государь з господином, еже и ныне епископи вси пишутся великими господами, а бояре и вси людие государями. И которое приложение[382] чести есть, еже великии государь изволил от тех времен писатися нам великим государем, как на нас, смиреннаго своего богомольца, воздвиг негодование. И что есть к чести[383] царскои пристойнейшии, так ли как ныне великии государь описуется «великии государь царь» и вси людие пишут о своих делех сице «великому государю царю», или как прежде писывали вси людие «царю государю», обаче во священных книгах нигде же есть обретается Господь государем и царь царем, но царь царствующим и Господь господствующим[384]. (л. 100 об.)[385] Изестнее же во Апокалипсисе пишется: И[386] имать на ризе и на стегне своем имя написано царь царем и Господь государем. И почто ине вси людие, его же хотят, того государем называют, малии и великих и средних и равных себе и менши себя пишют и глаголют. А еже бы кому продерзивому назвать кого, аще и от великих царем, и той в сладость себе приимет, оба без муки не будут и в правду.

В озражение 13 вопроса и ответа.

Г лаголеши, совопросниче, яко Никон строит ныне по се время один монастырь и назвал его Новым Иерусалимом, доведет ли ся, чтоб так святаго града имя было перенесено и иному дано.

В озражение.

Н е позорю аз староноваго Иерусалима, еже называю Воскресенской монастырь Новаго (л. 101)[387] Иерусалима, понеже писано есть во пророцех: Из Сиона изыдет закон и слово Господне их Иерусалима. Того закона есмь любитель и слова Господня хранитель, не стыжюся и сам иерусалимлянином нарицатися и со всем воследующим нам. Писано есть: Отроча[388] родися нам и сын дасться нам, Ему же власть на раме Его и мирови Его несть предела. И по мале. Велия власть Его и мирови Его несть предела.

Да кто описал есть от Сиона закону место, писано есть: Не вси, иже от Израиля сии израилтяне, ниже иже от Авраама сии суть сынове Авраамли, но иже дела Авраамова сотворит, той сын Авраамль есть. Тако не вси от Иерусалима сии суть иерусалимляне, но иже закон, (л. 101 об.)[389] от Иерусалима изшедшии, сохранит.

Да кто укорит мя о сем, развее иже не любит Господа. Аще ли же кто того Иерусалимом назовет, не погрешит истины, зане начало тому бысть царьскаго величества и всего освященнаго собора и всего царьскаго сигклиту. Зане и на освящении первыя церкви Воскресения Христова изволися великому государю царю и великому князю Алексею Михаиловичю всеа Великия и Малыя и Белыя Росии самодержцу со всем сигклитом быти. Изволи же ся ему, великому государю, именем звати Новыи Иерусалим и в своих царьских грамотах написать своею рукою на утвержение, еже и ныне таковая грамота ево государева (л. 102)[390] держится в честне месте. На ково ты, злоначалный человече, ответотворче, злые поносы твориши, глаголя. О недостоинство, о неизвычена новость, не называет тот монастырь новую обитель, но Новый Иерусалим. Смотри и виждь, откуду начася таковое звание, не на него ли ты таково поношение износиши и досаду твориши?

И паки глаголеши, издыха о Никоне, ново писмя начинаешь, которого желают и дожидаются себе жидове, что изыдет новый Месия в Новом Иерусалиме, на удачю не в твоем Антихристова родителница.

Зело мне видится, безумный человече, не ведети тебе Божественнаго писания, ни сылы[391] его, (л. 102 об.)[392] и глаголеши, яко ново писмя начинаю, аз и тебя по святым каноном проклинаю, начинающаго чрез Божественыя правила новые законы издавати на соблазн людем. Не погрешил бы тот истины, аще бы кто обязал о выи твоей жерновный камень и потопил в море, яко в Евангелии пишется. Аще не веси, идеже подобает отцу твоему, Антихристу, родитися, мы ти от святых книг покажем место, а не яко же ты, еже собою что слыши, то и глаголеши, ничто же истинно, везде лжи полно, якоже и зде. Слыши, ответотворче, како имать Антихрист родитися и где.

Господу глаголющу во святем Евангелии: (л. 103)[393] Б людите[394], да никто же вас прелстит, мнози бо приидут во имя Мое, глаголюще, яко аз есмь Христос, и многи прелстят. Услышати же имате брани и слышания бранем, зрите, не ужасаитеся, подобает бо всем сим быти. Но некогда есть кончина, востанет бо язык на язык и царство на царьство, и будут труси же велицы по местом, и глади и пагубы будут, страхования велия с небесе будут. Вся же сия начало болезнем.

Т огда предадят вы в скорби и убиют вы, и будете ненавидими всеми языки имени Моего ради, и тогда соблазнятся мнози и друг друга предадят и возненавидит[395] друг друга, и мнози лжепророчи востанут (л. 103 об.)[396] и прелстят многия за умножение беззакония, изсякнет любы многих.

П режде[397] же сих всех возложат на вы руки своя и ижденут, предающе на сонмища и темница, ведоми ко царем и владыкам имени Моего ради. Прилучит же ся вам во свидетелство. Предани же будете и родителию и братиею и родом и други, и умертвят от вас. И будете ненавидими от всех имене Моего ради. Претерпевый же до конца, той спасется. И проповесться Евангелие царствия по всей вселенней во свидетелство всем, и тогда приидет кончина. Егда бо узрите мерзость запустения реченную Даниилом пророком, сто(л. 104)[398]ящу на месте святе, идеже не подобает, иже чтет да разумеет. И по мале.

Будут[399] бо дние тии скорбь, якова не бысть такова от начала созданию, еже созда Бог, доныне и не будет. Но в тыя дни по скорби той солнце померкнет, и луна не даст света своего, и звезды будут с небесе падающе, и силы, яже на небесех, падвигнутся[400]. И тогда узрят сына человеческаго грядуща на облацех с силою и славою многою. И прочая.

В иждь, человече, где имать стати мерзость запустения на месте святе не ижели во Иерусалиме. Пошед, скажем.

Како ты сводиши таковыми безумными приклады, яко Антихристу изыти из Воскресенского монастыря Новаго (л. 104 об.)[401] Иерусалима. Послушай же и апостола Павла, глаголюща: Д а[402] никто же вас прелстит, ни по единому же образу, яко аще не приидет отступление прежде, и открыется человек беззаконию, сын погибели, противник, и превозносяися паче всякого глаголемаго Бога или чистилища, якоже ему сести во церкви Божии аки Богу, показуя себе, яко Бог есть. Не помните ли, яко еще живый у вас сия глаголах вам, и ныне одержащее весте, явитися ему во свое ему время, таина бо уже деется беззаконию. Точию держаяй ныне, дондеже от среды будет, и тогда явится беззаконный, его же Господь Иисус убиет духом уст своих (л. 105)[403] и упразднит явлением пришествия своего. Его же есть пришествие по действу сатанину во всякой силе и знамениих и чюдесех ложных и во всякой лести и неправде, в погибающих, зане любве истинныя не прияша, воеже спастися им. И сего ради послет им Бог действо лсти, воеже веровати им лжи, да суд приимут вси неверовавшии истине, но благоволиша о неправде.

Н авыкнем[404] спасеная словеса, како всегда нам утвержатися запоручаем. Блюдитеся, рече, да не прелщени будете, мнози бо приидут от имени Моем глаголюще, яко Аз есмь, ибо поеже вознестися Ему ко Отцу, бысть о них что. И восташа нецыи глаголющий, (л. 105 об.)[405] яко аз есмь Христос, якоже Симон волхв и инии мнози, им же несть ныне время имян воспомянути. Тем же и в последняя дни скончания подобает паки востати лжепророком, мужем глаголющим: Се зде Христос или онде, не имите веры, но суетно мудрование стяжавшии и писания прилежно не почитающии взыщут Мя, еже обрести, и не возмогут.

Подобает бо сим первее быти и тако явитися сыну погибелну, сиречь диаволу. Отнюду же и богословцы апостоли, извествующе Господа Иисуса Христа свидетелство, кождо их показа скверных и тлетворных человек показание и проповедаше яве тех неправедная деяния. Первый (л. 106)[406] Петр, камень церкве и веры, его же ублажи Христос Бог наш, учитель церковный, первый ученик, иже ключи Царствия имеяй, научи нас, глаголя:

С ие[407] же ведите, чада, яко внидут в последняя дни ругатели, по своих похотех ходящии, и в вас будут ложнии учителие, иже введут ереси погибелныя.

С сим же согласует святый Иоанн Богослов, возлюбленный Христу, взывая: Яве[408] суть чада диаволя и ныне Антихристи мнози быша, но да не прелстятся вослед их. Не всякому духу веруите, яко мнози лжепророцы и лжехристи в мир внидоша.

Та же Июда Ияковль подобно сим глаголет: В последняя времена будут (л. 106 об.)[409] ругатели, по своих ходящии похотех нечестивых, сии суть иже без страха себе пасущии.

Разуместе ли Богословец и апостол согласие и единомыслие учительства их. Послушай еще к сим Павлово дерзновение, како таковым яве открывает.

Блюдитеся[410] от злых делателей. Блюдитеся от псов[411]. Блюдитеся от сечения неверных. Блюдитеся, да некто вас будет крадый философиею тщею и лестною. Блюдите, како опасно ходите, яко дние зли суть.

Но скончания сим слову давше, обратим повесть на последующая нам.

П рочее же, еже о Антихристе, отчасти вам скажем. Но елика возможно пророк ради и Писанием воспро(л. 107)[412]повем, еже на всю землю прелесть его и законопреступное прихождение.

Г осподу бо Иисусу Христу, по плоти на землю пришедшу от святыя чистыя девы, Июдино племя восприемшу. От него же прошед, царьское сродство изъяви, по Иакову, иже во благословении чад возглашающему к своему сыну: И юдо[413], тебе возхвалят братия твоя, руце твои на плещу враг твоих, скимен лвов, Июда. От леторасли сыну мой взыде. Возлег поспа яко лев и яко скимен, кто возбудит его. Не оскудеет князь от Июды, ниже вождь от стегну его, дондеже убо приидет ему же щадится, и той чаяние языком.

Видели Ияковли главы, ко Июде глаголемы и на Господе исполняемы. Т аковая же (л. 107 об.)[414] убо и о Антихристе патриарх взывает, тем же, яко и о Июде пророчествова, такоже и о сыне своем Дане.

Д а[415] будет Дан змии, при пути седя, хапля пяту коню. Змии убо кий сии, но иже изначала лстец прелстивый Адама.

Но понеже многих ради достоит показати глаголемая, не обленимся. Яко убо воистину от колена Данова хощети родитися и противитися мучитель сый, царь и судия лютый, диавол.

Рече пророк: Дан судит людем своим, яко сый едино племя от Израиля.

Г лаголет Иеремия: Спех от Дана. Услышим, борзостию коня его потрясется вся земля. И паки Моисий рече: Скимен лвов, Дан изско[416]чит от Васана. (л. 108) Якоже убо от колена Июдова родися Христос, сице и от колена Данова родится Антихрист и сотворит вся, елика Христос сотвори, исперва июдеискии язык возлюбит, по сих же всех знамения сотворит и чюдеса страшна, не по истине же, но по привидению, яко прелстити подобныя себе нечестивыя, аще возможно и избранныя отставити от любве Христовы. И всяку добродетель навыкнет и всех прелстит[417], воеже сотворити его царя, исперва убо лстивне приимлет ложь, беззаконныи отречется славы своея, человецы пребудут моляще его, и поставляет его царь[418]. Таже вознесется сердцем своим во Царствии своем и ополчит брань и три цари убиет гневом, египецкаго, ливийскаго и ефиопскаго. И по сих сотворит церковь, иже во Иерусалиме, (л. 108 об.)[419] и возставит ея июдеом. Таже вознесется сердцем на всякого человека, не точию же, но и на Бога хулная речет, помышляя, окаянный, яко царь будет даже до века. Не ведый, всестрастный, яко царство его вскоре разорится и восприимет уготованный ему огнь со всеми покаряющимися тому и сослужащими.

Прочее же пространее хотяй навыкнути о хотящих быти сложение от святаго Евангелия и святых апостол, о сем Ипполитово прочти и увеси, или Мефодия, епископа Патарского, о Антихристе.

С ей родится в селе Хоразине и воспитается в Вивсаиде и воцарится в Капернауме. Возвеселит же ся весь Хоразин, яко родися в нем, и (л. 109)[420] Вивсаида, яко воспитася в нем, а Капернаум, яко воцарися.

Сего ради Господь во Евангелии рече по трищи: Г оре тебе, Хоразине, горе тебе, Вифсаида, горе тебе, Капернауме, яко до небес вознесеся и до ада низведешися. И внидет сын погибелный во Иерусалим, и сядет во церкви Божии, и прочее сотворит, елика во инех книгах пишет.;

Т акожде и святыи Ефрем пишет: Родится из скверныя жены и покажется во всем благ и кроток, и возлюбят сквернии жидове, чтити его начнут и радоватися царству его. Он же, всескверный, тех почитати начнет и место и церковь им воздвигнет.

С вятый же Андрей в 9-м слове на толкование Откровения (л. 109 об.)[421] пишет[422], воспоминая Евфрата, яко от онех стран исходит Антихрист.

К сему же и Новыи Иерусалим, возлюбленный град, взяти и поработити хотящи, из него же Божественный закон чрез апостоли во вселенную протече. Идеже глаголют, яко и Антихрист в храме Божии сядет или во июдейстем, древле убо божественнем, разрушеннем же за дерзость на Христа, и от него паки исправитися чаемем богоборцами июдеями. Или воистинну в божественнем храме в соборной церкви туждая себе присвояй, показуя себе, яко Бог есть, яко же глаголет апостол: Но ненадолго, глаголет, огнь с небесе сошед, или видимый, якоже на два пятьдесятники при Илии, или (л. 110)[423] Христово славное пришествие убиет духом уст сових.

Д оволно ли ти есть, лжесловче, о Антихристове пришествии вкратце реченная от святых книг?

М ы же от спасителя Христа научившеся молитися, еже не внити в напасть, протяженне и прилежне о сем помолимся. Немощь свою познавше, избавитися прорекованных искуса, и ни же видети Антихристово пришествие, ни же предглаголаных язык движение, ни же беду смертную, от спасителныя веры отступити насилующую. Но свидетелство совести по силе соблюдающе, невредимо, неуязвлено, ко искупившему нас честною своею кровию Христу Богу распалением любве делы (л. 110 об.)[424] благими показующе, вечных благ сподобимся.

Г лаголеши, ответотворче, яко един есть Иерусалим на земли, а вторый на небеси. Покажи ми описание, якоже небеснаго, такожде и земнаго качество и количество. И есть ли кто, от Иерусалима изнесенный закон чрез апостолы хранить, может нарицати иерусалимлянин или ни? Да почто во Антиохии почася християнское имя нарицатися, и еже ныне и повсюду нарицаются христиане, согрешают ли в сем христиане или ни? Да аще несть подобно держай иерусалимскии закон иерусалимлянин нарицатися, то ниже христианином кому лепо есть нарицатися, разве единыя Антиохии, еже ныне всюду на(л. 111)рицают[425]. И аще не лепо есть христианом нарицати, ниже от первообразных кому за любовь первообразнаго вообразити, что любо вещь кую или именем тем нарещися, то уже все елико от первообразных воображеная или нареченная вся неправа суть по твоему, безумный ответотворче, списанию проклятому. То уже несть праведно и Евангелие, Богом преданое во Иерусалиме, где инде нарицати Евангелием, ниже святый крест развее святыя Голгофы, ниже церковь Воскресения Христова развее церкви святаго Иерусалима града?

И списать будет и от святаго Евангелия реченное Спасом слово: Ш едше в мир весь проповедите Евангелие всей твари, иже веру имать, крестится[426], и спасен (л. 111 об.) будет, а иже не имет веры, осужден будет.

И[427] рече им, яко тако писано есть, и тако подобаше пострадати Христу и воскреснути от мертвых третии день, и проповедатися во имя Его покаянию и отпущению грехов во всех языцех, наченше от Иерусалима, вы же есте свидетелие сим.

Зри, ответотворче суемудрене, яко не единому Иерусалиму предано святое и священное Евангелие, но в весь мир, якоже пишет: И проповесться Евангелие во всем мире, тогда приидет кончина.

Согрешают ли в том, еже, преписав от оного, иныя многия содержат по всей вселенней и нарицают Евангелие, а не образец?

(л. 112)[428] Т акожде и святый крест повсюду есть, еже поченшеся от святаго царя Константина и матере его Елены, и есть повсюду крест. Такожде и святыя иконы зрим владычния о нас страсти крест, гроб, ад умерщвеный и разрушеный, апостол проповедание, мучеников подвиги, венцы, самое спасение, еже первый наш подвигоположник и подвигодатель и венечник посреди земли спасение[429] содела.

С огрешает ли кто, еже в славу Господу Богу с любовию созиждет храм во имя Святаго Воскресения по образу храма Воскресения, еже есть во Иерусалиме, величеством и мерою и добротою? И есть ли новая иная нарицатися может, а не таяжде, яже суть (л. 112 об.)[430] Иерусалимская? Или не подобно начал той, кто любо тако творит? Отвещай. И что суть множество повсюду святых церквей, еда не таяжде Иерусалимская церковь и святый Сион? Развее иныя еретическия другия церкви, нигде же есть другая.

Послушаи, прелестниче, еже прияла святая соборная церковь предание святаго Седмаго Вселенского собора в Неделю Православия держати.

Д олжное к Богу летнее благодарение в он же день прияхом Божия церковь с показанием благочестия догмат и развращением злобы нечестии.

П ророческим последующе речением, апостольским учением покаряющесь и евангельскими повестьми учащеся, (л. 113)[431] обновлении день празднуем.

Исаия бо рече: Обновляйтеся, острови, к Богу, от язык гадателству церкви. Бяху же, убо церкви не просто храмов здания и светлования, но в тех благочествующих исполнение, и ими же они божеству песнми и славословии служат.

А постол же самому сему уча, во обновлении жизни ходити повелевает, и аще кая во Христе новая тварь, обновлятися. Словеса же Господня и пророческое показующе состояние, быша, рече, обновления во Иерусалимех, и зима бе.

И ли убо мысленая, в ню же род июдейскии на общаго Спаса скверноубийства подвизаше, бурю же и молву, (л. 113 об.)[432] или оскорбляющая телесная чювства пременением воздуха на зимноти.

Б ысть же убо и на нас зима, не прилучшаяся, но воистину великия злобы изливающая суровством.

П омяни, Господи, поношение рабов твоих, его же удержал еси в недре моем многих языков, им же поносиша врази твоя, Господи, им же поносиша изменение Христа твоего. Изменение же убо[433] бяше Христово, смертию Его искуплении и веровавшии Ему словом же проповеди и иконным изображением, ими же велие дело смотрения избавленым познавется.

К рестом же и прежде креста и по кресте страстьми же и чюдеся его. От них же и подража(л. 114)ние[434] страдании его на апостолы, оттуду же на мученики преходит, и теми же даже до исповедников и постников преходит.

В ерующим и проповедающим, сие есть благовествующим, словеса на писменах, вещи на начертаниях, и во едину обое совершати ползу. Словесы же проповедание и иконами истины извещение.

С ловом освящающим устне, таже слышателем словом, ведущим и проповедающим, яко освещаются убо такожде честными иконами очи зрящих. Воздвижет же ся теми ум к Богувидению, якоже и Божествеными храмы и священными сосуды и иными вещьми в писаниих и умышлениих, в жертвах, (л. 114 об.)[435] в храмех, во изображениих, тому, убо яко Богу и владыце, поклоняющеся и чтуще.

С ия вера апостольская, сия вера отеческая, сия вера православная, сия вера вселенную утверди. Зриши, неправедный ответотворче, како святии апостоли и святии отци священными изображении и храмы и жертвами в писаниих и умышлениих очи зрящих. Воздвижет же ся теми ум к Боговидению, якоже и великому Василию мнится, священными иконами ум на первообразное возводити.

Д а которои грех от первообразных в славу Божию, аще кто кую священную вещь преписати, якоже глаголю святое (л. 115)[436] и священное Евангелие и прочия святыя книги или иконным изображением по заповеди святых апостол и святых отец, еже суть Рожество Христово и Крещение, евангелское проповедание и еже от христоненавистных жидов укорение, поругание, оплевание, распятие и смерть, во гробе положение и воскресение и ада разрушение. Таже святых и священных апостол проповедание и страсти и святых мучеников подвиги и мучение и святых и преподобных житие и исправление и святых храмов и прочих вещей во славу Божию зиждемых. Или и самого того Иерусалима кто бы по образу его во славу Божию святое ограждение создал, на видение приснопамятнаго святаго того (л. 115 об.)[437] Иерусалима, в нем же спасеныя страсти нашего ради спасения содеяшася, или мнится бесчестно есть. Да[438] аще града от первообразнаго ин создати беззаконно есть? Тои все ты, непреподобный, обругал. Ини же уже к тому мощно есть преписати кому Евангелие или изоображение которое, или священныя храмы и прочия вещи от первообразных воображеныя.